距離阿迪哥入住期間的2025年6月，酒店只是開業大約一年左右， TA'AKTANA, a Luxury Collection Resort & Spa是繼AYANA後印尼Labuan Bajo第二家國際品牌酒店。
今次使用142,000萬豪旅享家積分入住5晚，並終於成功使用 Nightly Upgrade Award 入住前5日成功升級 1 Bedroom Villa, Seaview, Private Pool，第6晚使用價值35,000分免費房券獨立預訂，酒店亦唔需要我地最後一晚轉房。
酒店距離機場大約10分鐘車程，只需提供航班資料酒店會安排免費交通接送，仲更加估唔到嘅係，直接响飛機接駁橋就有人舉牌接機，並代取行李直接開車，正到無言！
抵達酒店歡迎儀式職員為每位戴上一條手繩及迎賓飲品，之後由管家利用高爾夫球車在酒店範圍內走一圈介紹公共設施，及最後於客房內辦理入住手續。
我哋入住間1 Bedroom Villa, Seaview, Private Pool面積非常大，屬井底之蛙嘅迪迪仲好少見1 Bedroom會有客廁、有一間細房仔係有洗碗盆及第二個大雪櫃。
有好多嘅酒店1 Bedroom Villa都無客房及客廳分隔，呢間無論房、浴室及起居室都有良好分隔，所以好中阿迪哥嘅要求。
整間Villa嘅亮點當然係室外嘅海景露立及私人泳池空間，但可惜泳池水溫太凍，所以都主要用酒店嘅主泳池、好少响房間呢個位留得耐。
酒店早餐住於全日餐廳Leros供應，有自助餐任食食品，亦有餐牌任點任食食品，品種相當豐富。
以下照片是自助餐供應食品：
以下是部份單點早餐菜式：
酒店一共有三間餐廳，包括全日餐廳Leros、傳統印尼fine dining嘅Umasa及日本料理Taba，還有逢星期六在沙灘舉行的Wae Rana Seafood Night海鮮自助餐。
阿迪哥超推介呢個海鮮自助餐，有沙律、湯麵、印尼甜品及雪糕，免費包埋椰子水或清水，任食大蝦、蜆、青口、蠔、蟹、鮮魷，配合兩款不同醬汁烤、煮，連稅每人IDR750,000(約HK$361)。
全日餐廳Leros有國際美食還包括印尼美食，最基本呢印尼菜例如牛尾湯、炒飯、炒麵都可以食到，平均普通菜色百幾港元，不算天價。
日本料理Taba在天台開放式空間，如果識揀，其實都有抵食嘅，例如廚師精選刺身有成15片，價錢連稅IDR295,000(約HK$142)、6件炸蝦牛油果卷物連稅IDR280,000(約HK$135)。
呢家酒店嘅康體設施都非常豐富，包括兩個泳池、健身室、兒童遊樂室、Di'a Spa水療中心，而水療中心內嘅桑拿及按摩池有居高臨下嘅海景，住客可以免費享用。
雖然酒店私人沙灘不大，沙質亦麻麻，不過勝在夠哂清靜。
阿迪哥當抵達酒店看到酒店外海景好似香港西貢，沙灘又唔靚、海水又唔特別清澈，但不過沒有失望、只是沒有驚喜，因為任何地方對阿迪哥而言只要未去過就值得去看看，總有一些人和事等待去發掘。
但住咗幾日後就慢慢愛上這家酒店的服務和環境，更重要係客房數目不算多，所以遇到其他住客都不多，而且遊覽科莫多國家公園後(Komodo National Park)，阿迪為認為Labuan Bajo這個地方絕對值得一遊。
🔥 1 Bedroom Villa, Seaview, Private Pool：
🔥 半自助早餐食啲乜？
🔥 酒店設施及服務一覽：
🔥 Wae Rana Seafood Night 海鮮自助餐：
沒有留言:
張貼留言