會員制度改革一般都係噩耗，首先真係唔知邊位天才改個咁長嘅名「ALL Accor+ Explorer」？真係方便講出嚟咩？今次改革係有好有唔好，但總括嚟講係壞的多、好的少，但如果你想要最簡易及低成本方法保住ALL嘅白金會籍，咁你又的確需要買佢喎！因為新計劃之下每次購買會籍或續會都會送30合資格房晚(原本送20晚)！
新會籍嘅實施日期為2025年10月1日，而改變嘅會員福利如下：
免費住宿券 (Stay Plus Free Night)
Explorer會籍原本送1晚免費房券，新制度下會改為兩次住宿買1晚送1晚優惠，即是每次最少要連續入住兩晚，付1晚房費才可以獲另1晚免費，此優惠只適用於亞太區。
餐飲優惠
舊會籍嘅餐飲優惠最大亮點是二人同時用餐可以獲得高達半價優惠，而新制度之下是只要10位或以下同時用餐，食物一律7折，飲品一律85折，若11至20人同時用餐時飲食ー律9折，此優惠只適用於亞太區。
預訂酒店住宿折扣
現有會員優惠是預訂亞太區酒店額外9折，到10月後將會擴展到預訂全球有參與之酒店85折。
免費送合資格房晚
呢個必定係新制度之下最太亮點，新計劃之下每次購買會籍或續會都會由原本送20合資格房晚，增加到送30晚，即是代表一買即升ALL金卡。
會籍年費
往的的Accor Plus Explorer年費為HK$1,588，新制下會籍年費調整為HK$1,788。
注意事項
● 現有Accor Plus Explorer會員若果仍未使用的Stay Plus免費房券，10月1日後將會變成兩次住宿買1送1優惠。
● 若果於30日內(2025年7月6日後)購買了Accor Plus之會員可以無條件申請退款。
● 目前以現價HK$1,588購買Accor Plus，可以免費額外送多差不多兩個月，會整將會至2026年9月30日。
前文所講大部份福利都改惡，但每年送30合資格房晚又係保住ALL白金會籍嘅最佳良品，畢竟用千幾蚊當買佢30晚總好過空刷，然後再買內地推出嘅超越版雅高臻享卡即再送多30房晚，即係每年保持住呢兩個會籍就唔需要入住都可以保住ALL白金會籍。
沒有留言:
張貼留言