Accor Live Limitless - 雅高臻享卡618限時促銷，臻享卡助你快速升級雅高心悅界白金會籍及獲取寰宇一家Sapphire【活動日期：2026年5月20日至6月20日】

 

阿迪哥有時見到大家跑航空公司會籍都幾心痛，坐車上廣州飛、又或者一日之內去兩次台灣丶再飛曼谷來回再折返人間，然後隔一陣又要飛上廣州飛埋條尾，最後係為咗入Lounge、Group 3上機、行李優先。

最快捷便利一飛即時入手寰宇一家Sapphire嘅機會返嚟喇喂！趁住今次雅高臻享卡推出618閃促臻享優惠，可以低成本成為寰宇一家Sapphire會員，今次臻享卡超悅版勁減¥500人民幣(送30房晚助升級+2晚免費住宿)、卓悅版狂減¥389人民幣(送20房晚助升級+1晚免費住宿)，另外今次優惠只要盡速使用免費房券完成入住，最高可以再額外送高達3,000雅高心悅界積分(等值€60歐羅)，即係回血約HK$546！內文阿迪哥會一步一步解釋如何以低成本將雅高白金卡及卡塔爾金卡同時到手！

購買臻享卡超悅版可獲30個房晚、再購買臻享卡享悅版再可獲20個房晚，合共50晚，再自住10晚後雅高白金卡就可以到手！白金會員福利包括房間升級、亞太區酒店雙人早餐及部分行政酒廊福利等，同時利用匯豐「獎賞錢」換來超抵嘅雅高積分與及購買臻享卡得來嘅免費房券及五折券，跑埋餘下嘅10晚成本就可以大大降低！

雅高心悅界白金會員有一個快速升級卡塔爾金卡活動，所以完成雅高白金卡後盡早跑埋卡塔爾金卡(相等於寰宇一家Sapphire)絕對上算。

雅高臻享卡

購買雅高臻享卡後，可以獲得一系列優惠券，用於香港及中國大陸入住酒店時享用，例如免費住宿禮遇、5折房價折扣券、客房升級禮遇、延遲退房至下午4時禮遇、免費早餐、餐廳低至5折自助餐、行政酒廊禮遇及其他禮遇。

👉 按此進入微信小程序購買雅高臻享卡

今次優惠分為兩部份：

💎 618閃促限時好價

活動期間，透過雅高心悅界微信小程式及飛豬平台雅高酒店集團旗艦店通路購買並啟動臻享卡可享618閃促限時好價：

● 購買日期：2026年5月20日至2026年6月20日

臻享卡超悅版

優惠價：CNY2,188/一年 (原價CNY2,688)

重點優惠：

● 激活後贈送30個保級房晚
● 內含免費住宿禮遇(2張)
● 內含5折房價折扣券(1張)
● 額外5折房價折扣券 (1張) (臻享卡激活起90天內兌換使用第1張5折券並完成入住)

臻享卡卓悅版

優惠價：CNY1,099/一年 (原價CNY1,488)

重點優惠：

● 激活後贈送20個保級房晚
● 內含免費住宿禮遇(1張)
● 內含5折房價折扣券(1張)
● 額外5折房價折扣券 (1張) (臻享卡激活起90天內兌換使用第1張5折券並完成入住) 

因此，在帳戶目前沒有其他雅高付費卡的前提下，透過今次活動同時購買臻享卡超悅版(30晚)+卓悅版(20晚)，合共就可以獲得50房晚，而白金卡需要入住60晚，即是仲爭10晚，咁如何以最低成本去完成餘下10晚，請繼續閱讀下文...

💎 每次入住可額外送1,000雅高積分 (首1,500名額 ~ 可重複)

預訂日期：2026年5月20日至7月15日
入住日期：2026年5月21日至8月31日

透過雅高心悅界微信小程式及飛豬平台雅高酒店集團旗艦店通路購買並啟動臻享卡超悅版或卓悅版，並使用此臻享卡卡內免費住宿權益券進行預訂，且在任意參與計劃的雅高中國酒店完成入住並離店的會員，即可享受額外1,000雅高價值計分 (等值€20歐羅，約HK$182) 。

活動期間購買多張臻享卡，並按本活動規則成功使用其卡內的免費住宿權益券完成住宿的，前1,500名會員可享受額外1,000雅高心悅界積分贈送，每個符合條件的會員至多可疊加享受3次積分贈送(即上限3,000積分)。

💡 醒目貼士：

● 若要CP值最高，免費房券可用於兌換香港諾富特東薈城或澳門索菲特或用於去三亞度假，而5折券則可以周末選擇北上預訂平價酒店。

● 使用免費房券入住，如要獲取1晚房晚，必須要在酒店入住期間於酒店消費等值€10歐羅以上，並需掛房帳。

● 每張5折房價折扣券最多可以連續入住2晚。

雅高心悅界白金會員福利

當成為雅高心悅界白金會員後，入住雅高旗下酒店福利滿滿，核心福利包括：

✅️ 迎賓飲品
✅️ 入住亞太區酒店雙人免費早餐
✅️ 延遲退房
✅️ 提早入住
✅️ 客房免費升級
✅️ 行政酒廊禮遇

雅高心悅界白金會員快速升級卡塔爾金卡

當雅高白金卡到手後並連結卡塔爾航空Privilege Club帳號，可以响入住酒店賺取雅高積分嘅同時更可賺埋卡塔爾Avios雙食，而最重中之重係可以乘搭一次卡塔爾航空公司嘅航班就可以升級卡塔爾金卡，即係相等於寰宇一家Sapphire，當成立聯盟航班時可以帶同一位同行人士入Lounge、在商務艙櫃位辦理check-in及快速行李處理等。

要乘搭卡塔爾航空，當然係可以由香港出發經多哈前往世界各地，包括中東、歐洲、非洲及南北美洲，但如果假期唔多，亦可以利用卡塔爾航空佢由胡志明市前往金邊嘅第五航權航班，咁就唔洗飛去中東咁遠。

👉 按此進入微信小程序購買雅高臻享卡