Marriott Bonvoy - 澳門W酒店已開放2024年3月1日後預訂，使用萬豪積分預訂抵玩！

 

澳門新酒店W Macau - Studio City現已開放2024年3月1日後預訂，每晚價錢MOP5,594起(連稅項MOP6,433，約HK$6,246)，但使用萬豪積分只需45,000分！

都會海逸酒店 - 千鶴日本鐵板燒套餐買一送一：折扣後連加一平均每位HK$600起【預訂日期：2023年7月30日至8月5日】

 

噢哇！連酒店日本鐵板燒都首次加入買一送一戰線！都會海逸酒店 Harbour Plaza Metropolis 嘅千鶴日本鐵板燒「水御膳」套餐買一送一快閃，折扣後平均每位只需HK$600！套餐食材包括磯煮鮑魚野菜沙律、刺身三點、蟹肉海鮮茶壺湯、銀雪西京燒、鐵板燒波士頓龍蝦、海膽炒飯、季節水果及抹茶水羊羹，正呀！相信買一送一優惠好快會被秒殺，搶曬買一送一之後仍然有7折快閃每位只係貴多HK$200，都仲諗得過！

IHG One Rewards - IHG新開業酒店會員7折優惠兼送早餐【預訂日期：即日起至2023年10月5日】

 

IHG推出咗一個新開業酒店優惠，位於東南亞、日本及澳洲最近新開業嘅酒店，開業後半內會有8折優惠兼送早餐，IHG One Rewards會員更有額外多10%，咁個個都可以免費成為IHG會員架啦，咁即係7折，新開業酒店目前包括三家响日本嘅分別位於大阪嘅voco Osaka Central、新加入IHG嘅大阪RIHGA Royal Hotel Osaka、與及個價錢幾都靚、幾值得考慮嘅東京涉谷Hotel Indigo Tokyo Shibuya，大家不妨搜尋下價錢睇睇尋尋到寶。

Alaska Airlines - 購買阿拉斯加航空Mileage Plan里數高達60%獎勵優惠【優惠日期：即日起至2023年8月20日】

 

阿拉斯加航空Mileage Plan系統已經可以使用里數兌換台灣星宇航班！購買阿拉斯加航空Mileage Plan里數高達60%獎勵優惠，阿拉斯加里數通常恆常每年推出多次高達60%獎勵優惠，每次優惠不同會員會有不同獎勵比率，若有興趣購買可以趁住中咗60%獎勵入手，Mileage Plan除咗可以兌換寰宇一家航空公司獎勵機票外，例如國泰、而其他夥伴仲包括Air Tahiti Nui、以色列航空、冰島航空、大韓航空及新加坡航空等，Mileage Plan最強功能係兌換特選經濟艙、商務艙及頭等艙長程航班比起其他飛行里數計劃所需里數較低。

兩大酒店自助晚餐半價快閃 - 折扣後包加一平均每位：香港萬麗海景酒店HK$455起、香港維港凱悅尚萃酒店HK$382起【預訂日期：2023年7月27日至8月2日】

 

今晚9時(7月27日)兩大酒店自助晚餐同時推出半價快閃，包括香港萬麗海景酒店Renaissance Hong Kong Harbour View Hotel由來自曼谷The Athenee Hotel, a Luxury Collection主廚親自來港主理嘅泰‧嚐‧食自助晚餐及香港維港凱悅尚萃酒店 Hyatt Centric Victoria Harbour Hong Kong 嘅海鮮主題自助晚餐！

香港港麗酒店 - Lobby Lounge仲夏海漾下午茶，買一送一快閃，折扣後平均每位HK$189起【預訂日期：2023年7月27日至8月1日】

 

抵呀！超打卡下午茶買一set送一set！兩sets下午茶共4人同時用餐，每位平均只需HK$189起咋！香港港麗酒店 Conrad Hong Kong嘅Lobby Lounge今夏推出仲夏海漾下午茶，特色鹹點包括香檸帶子伴菠蘿椰奶泡沫、口感豐富的番茄蟹肉沙律撻、甜點包括蜜桃奶凍配紅桑子啫喱、熱情果忌廉撻，當然仲有經典鬆餅，成套下午茶超打卡！

Marriott Bonvoy - Genji Kyoto源氏京都正式參與萬豪成為Design Hotels一員

 

今後去京都萬豪會員又多一個選擇，2022年4月在京都開幕的「Genji Kyoto源氏京都」由即日起加入Design Hotels並且已經可以在萬豪官網預訂，每晚價錢淨房¥29,000起+稅(連稅¥31,900起，約HK$1,763)、住宿連早餐每晚¥35,800起+稅(連稅¥39,380起，約HK$2,177)。

IHG One Rewards - 購買IHG積分促銷可獲額外100%獎勵【優惠日期：即日起至2023年7月28日】

IHG再推出購買積分100%獎勵，今次快閃只係做幾日，由於一般對IHG積分估值為每1,000分約值US$5美金、而透過今次折扣優惠買分剛好就係每1,000分成本為US$5美元，自從IHG積分兌換酒店轉為浮動制後，其實唔難搵到一啲購買積分奬勵後預訂嘅好deal，即使一啲港人旅遊熱門地點都有，例如東京、箱根、曼谷、芭提雅、華欣、蘇梅、布吉、蜆港、富國島、馬爾代夫，買分預訂抵玩例子真係通地都係！因此如果有目標心儀酒店、計啱條數抵買、又即時可用係值得購買嘅。

WM酒店 - 買一送一住宿連早餐快閃，價錢連服務費HK$2,500起，連續入住兩晚住宿連雙人早餐【預訂日期：2023年7月24日至8月2日】

 

放暑假短短地玩3日2夜啱哂！位於西貢嘅WM酒店買一送一快閃！只需一晚價錢由HK$2,500起，就可以連續入住兩晚及包雙人早餐，佢哋個無邊際泳池打卡一流架！

香港黃金海岸酒店 - 聆渢咖啡廳自助餐買一送一：折扣後連服務費自助晚餐HK$379起、自助午餐HK$219起【預訂日期：2023年7月23日至7月29日】

 

今回連Hong Kong Gold Coast Hotel 香港黃金海岸酒店嘅自助餐都有限量搶快閃！折扣後成人每位自助晚餐只需HK$379起、自助午餐只需HK$219起，小童、長者更有折上折優惠，放假當入屯門chill吓都抵！

Marriott Bonvoy - Sheraton Miyako Hotel Tokyo 14日前提早預訂價，每晚¥21,600起+稅

 

東京酒店好貴，但萬豪粉絲可以睇睇Sheraton Miyako Hotel Tokyo有個14日前提早預訂價，每晚¥21,600起(連稅¥26,136，約HK$1,445)，最弔詭係佢只係要求你至少14日前預訂、但就唔需要預付，仲強到可以入住前1日可以免費取消，建議大家可以預早訂定明年都得、明年嘅價仲要係星期五、六入住仲平過平日，大家不妨大量入貨。

World Of Hyatt - 凱悅世界特選會員邀請加入研究小組，每完成一項研究調查賺取500或1,000積分？

 

大家最近有冇發現當登入Hyatt官網(唔係App)會出現一個問卷調查邀請，內裏重點係每完成一項研究調查賺取500或1,000積分，我不入地獄誰入地獄？阿迪哥就試咗，究竟有冇伏？

悅品酒店‧荃灣 - Siam Botanicals水療中心120分鐘雙人浮花體驗買一送一，折扣後平均每位HK$399【發售日期：2023年7月20日下午15:00起】

唔洗去泰國做Spa啦咁？？抵玩平嘆酒店Spa買一送一半價！位於Hotel COZi‧Oasis 悅品酒店‧荃灣嘅泰國水療及有機品牌Siam Botanicals水療中心推出120分鐘雙人浮花體驗買一送一快閃勁抵玩！Spa Package包括30分鐘香薰浸浴及90分鐘全身按摩，呢口價仲抵過去街舖做！阿迪哥而家响馬來西亞嘅酒店做120分鐘都要400幾啦！但係馬幣囉！

香港文華東方酒店 - 快船廊自助餐買二送二快閃：折扣後連服務費平均每位自助晚餐HK$379、周日早午餐HK$401【預訂日期：2023年7月19日至7月25日】

 

噢！嘩！香港文華東方酒店 Mandarin Oriental Hong Kong 嘅快船廊都加入買二送二戰團、即係相等於四人同時用餐半價優惠，睇落個價錢真係超平所以自助晚餐只限星期一至四平均每位HK$379、而星期日嘅Brunch一樣有限量搶，每位平均只需HK$401！呢兩口價錢必定被秒殺，有興趣嘅話請準備好準時入去搶！

香港金域假日酒店 - Bistro on the Mile自助餐買一送一快閃，折扣後連服務費自助午餐HK$259起、自助晚餐HK$429起【預訂日期：2023年7月18日至7月28日】

 

香港金域假日酒店Holiday Inn Golden Mile嘅Bistro on the Mile今期推出正宗避風塘海鮮盛宴自助午餐及自助晚餐，有多款魚蝦蟹海鮮美食，美食多到寫唔哂、請睇內文，晚餐更有生蠔及冰鎮龍蝦供應，買1送1或買2送2限量搶優惠，即係等於半價，抵食呀！

Marriott Bonvoy - 萬豪集團跟美國MGM集團將於2023年10月建立合作夥伴關係

早幾日前凱悅宣布將於今年9月後跟MGM結束合作關係，殊不知原來跟萬豪珠胎暗結，而且睇落應該跟萬家嘅合作係更緊密，因為當中酒店會rebrand去萬豪嘅獨立品牌，例如Bellagio會加入a Luxury Collection、Park MGM會加入Tribute Portfolio，而另外大部分酒店將會加入成為萬豪旗下嘅MGM Collection品牌，今次合作唔關澳門事，各位萬豪粉係咪要立即衝去拉斯維加斯慶祝？

酒店Daycation有著落，隨時免費享用美食之餘又有得玩

夏天嚟喇！如果未必可以同閨蜜約埋一齊飛、又或者同小朋友暑假消閒，玩吓酒店泳池連美食，阿迪哥推介7家本港酒店美食連泳池通行證，每位只需HK$177起，有得食又有得玩水，平平地輕輕鬆鬆hea玩一日！

GHA Discovery - 使用GHA手機程式預訂酒店每次入住可額外賺取D$15【預訂日期：即日起至2023年8月31日】

 

GHA最新積分活動，使用GHA Discovery手機應用程式預訂酒店，每次入住可額外賺取D$15、相等於US$15，如果今年內有計劃入住GHA嘅酒店建議可以响8月31日前先訂可以免費取消嘅彈性價，到時唔住先取消。

帝逸酒店 - 泰•韓滋味海鮮自助晚餐快閃買2送1，折扣後包加一平均每位HK$566起【預訂日期：2023年7月16日至7月22日】

 

位於沙田嘅帝逸酒店Alva House自助餐一向評價不錯、仲好少做咁大優惠，今次嘅泰•韓滋味海鮮自助晚餐必食推介包括即開生蠔、龍蝦、蟹腳、鐵板燒及爐端燒，主題泰式及韓式美食琳瑯滿目，包括泰式烤魚、泰式牛肉沙律、泰式芒果糯米飯、泰式冬蔭功湯、泰式青咖喱鴨肉、泰式黃咖喱雞肉、泰式辣椒炒蟹、泰式青木瓜絲沙律、椰子雪糕、韓式拌飯、韓式炒年糕、韓式炸雞、韓式人蔘雞湯、韓國香桃希臘乳酪撻！另外，自助午餐更推出買一送一半價優惠，每位只需HK$239！

香港萬怡酒店 - MoMo Café自助晚餐快閃限量搶半價：折扣後包加一成人每位HK$323起、小童每位HK$221起、長者每位HK$299起，任飲Stella及Hoehaarden生啤【預訂日期：2023年7月15日至7月21日】

 

香港萬怡酒店 Courtyard by Marriott Hong Kong嘅MoMo Café自助晚餐7-8月供應嶄新菜式，匯集世界各地新鮮食材，並提供多款刺身及冰鎮海鮮，星期五至日、公眾假期及前夕更有即開生蠔供應，自助晚餐可以任飲Stella及Hoehaarden生啤，若果預訂星期一至四同時預訂二人更送梅酒一瓶、如果同時預訂四人送紅酒一瓶，今次優惠嘅重點係即使小童及長者優惠可以再有半價！

Marriott Bonvoy - 萬豪旅享家第31個酒店品牌City Express部分酒店已可於萬豪官網預訂

 

去年10月萬豪向墨西哥酒店集團City Express提出收購，而即日起City Express擁有486家集中在拉丁美洲的酒店當中7家已經可以於萬豪官網預訂，預計其餘酒店將會陸續上線，大家預訂前要留意City Express所賺取的SNP跟其他萬豪大路酒店品牌不同，詳情請閱讀內文。

香港海洋公園富麗敦酒店 - 星耀廳自助晚餐，買一送一半價：折扣後包加一平均每位HK$444起【預訂日期：2023年7月13日至7月19日】

 

香港海洋公園富麗敦酒店 The Fullerton Ocean Park Hotel Hong Kong嘅星耀廳亞洲風味滋味盛宴自助晚餐限量搶買一送一半價，即係平均每位只需要HK$444起，即搶！

香港東隅酒店 - FEAST半自助晚餐快閃買二送一：折扣後包加一平均每位HK$513起【預訂日期：2023年7月13日至7月19日】

 

開關後一直無做過優惠嘅 EAST Hong Kong 香港東隅酒店FEAST半自助晚餐推出買2送1快閃限量搶，計番條數即係有成67折，折扣後連加一每位平均HK$513起，FEAST嘅自助晚餐最大特色係除咗無限供應冷盤、凍海鮮、生蠔、壽司刺身及甜品之外，其他地方嘅半自助餐每人只可點一份主菜，但FEAST嘅主菜可以任點任食，精選主菜包括香煎鴨肝配薑蜜桃及法國奶油麵包糠、烤美國肉眼扒配油封蒜薯蓉及青胡椒烤肉汁 、蟲草花蒸比目魚柳配菜芯及甜豉油、香煎北海道帶子配烤蒜及西班牙紅椒汁、焗龍蝦甲羅燒配忌廉米仔粉芝士脆等，除咗快閃買2送1外，半自助晚餐、平日半自助午餐及週末自助早午餐今次都有77折！

World Of Hyatt - 凱悅跟拉斯維加斯MGM合作關係將於2023年9月30日結束

 

Hyatt同MGM嘅合作將於2023年9月30日結束，如果响2023年7月14日前仍可將目前持有嘅凱悅Discoverist、Explorist及Globalist會籍匹配MGM Rewards相對應嘅會籍、反之亦一樣，匹配後仍然可以玩多一年，不過9月30日後凱悅會員入住MGM嘅酒店就唔會可以再賺取SNP。

香港君悅酒店 - The Grill池邊燒烤自助晚餐連無限暢飲買二送二，折扣後連加一每位HK$431起【用餐日期：2023年7月13日至8月31日】

 

今次價錢再減！Grand Hyatt Hong Kong嘅The Grill燒烤自助晚餐食物選擇唔多，可能大家用一般自助晚餐嘅觀念去食，因此會有落差，但其實凍海鮮都有大西洋龍蝦、帶子、海螺，燒烤食品包括西班牙烤乳豬、炭燒西冷、紐西蘭羊架、炭燒香辣虎蝦及越式魷魚，甜品當時有法式開心果蛋糕、意大利奶凍及Häagen-Dazs，選擇唔夠多但唔代表唔好食喎，而且今次快閃買二送二即係半價，仲包埋汽水任飲package、加多少少錢仲包埋紅白酒、粉紅葡萄酒及啤酒無限飲其實CP值幾高！但首要係你要唔介意响戶外泳池環境用餐。

香港文華東方酒店 - The Aubrey週末2小時早午餐69折限時優惠，折扣後連加一每位只需HK$844【用餐日期：即日起至2023年8月27日】

 

抵食呀！突發香港文華東方酒店Mandarin Oriental Hong Kong被評為亞洲50大酒吧之一嘅The Aubrey推出限時週末2小時早午餐69折限時優惠，個brunch係包埋無限暢飲Hostomme香檳 - Tradition Brut Cuvée！

酒店報告(預告篇)：吉隆坡 - Grand Hyatt Kuala Lumpur

 

由多哈飛到吉隆坡駁腳小住5晚，由於萬豪已經完成保級，Grand Hyatt Kuala Lumpur就近雙子塔、價格合理、又可以使用World Of Hyatt套房升級券是阿迪哥不二之選，順便解鎖凱悅Q3雙倍積分積分活動！首先跟大家分享10張精選相片。

Marriott Bonvoy - 萬豪旅享家大中華區會員過期積分一住復活活動【活動日期：即日至2023年9月27日】

 

呢度應該冇乜人咁傻豬豬啲萬豪積分過咗期都唔知架啦，但如果有的話、而註冊地址又係香港、澳門、台灣或者中國大陸的話可以申請呢個活動將過咗期嘅積分復活。

World Of Hyatt - 凱悅集團完成收購Dream Hotels，入住每晚可賺取額外1,000積分【活動日期：2023年7月6日至9月15日】

 

近年凱悅集團不斷收購世界各大小酒店集團，目前品牌已經多達28個，最新完成收購呢Dream Hotels美國5家酒店已有加入World Of Hyatt會員計劃，同時間入住Dream Hotels每晚可賺取額外1,000積分，如果有計劃去美國可以諗諗。

Cathay Pacific - 國泰最新飛行獎勵換算表【實施日期：2023年10月】

 

國泰公佈全新飛行獎勵換算表，將會由2023年10月開始實施，經濟艙獎勵超短途(例如台北)及短途1(例如新加坡)保持不變、最常兌換嘅短途2(例如東京、大阪)經濟艙單程由10,000里加至12,500里，而中途至超長途經濟艙就一律減、而特選經濟艙、商務及頭等艙除超短途外其餘一律加，升幅由7.5%至29%！

逸東酒店 - 罕有：普慶自助晚餐買二送二，折扣後連服務費平均每位HK$346起【預訂日期：2023年7月4日至7月11日】

 

嘩！超極罕！平時一向好少做優惠嘅逸東酒店 Eaton HK 普慶自助晚餐竟然都加入買二送二戰線！相等於半價嘅買2送2優惠平均每位HK$346起阿迪哥估計可能名額唔多、如果搶唔到，仲有另一個第二位半價優惠，折扣後連服務費平均每位HK$518起其實都抵玩！

Accor Live Limitless - 雅高心悅界會員入住指定太平洋地區酒店賺取雙倍積分【預訂日期：註冊日起至2023年7月16日】

 

如果去澳、紐旅行由於雅高集團係當地大戶，因此好多城市可能只有雅高一個國際集團選擇，若果有計劃去當地記緊要註冊埋今次呢個雙倍積分推廣活動。

酒店報告(預告篇)：多哈 - The St. Regis Marsa Arabia Island, The Pearl Qatar

 

行程停經卡塔爾主力為咗入住呢間去年10月先開業嘅The St. Regis Marsa Arabia Island, The Pearl Qatar，酒店位於全新發展項目卡塔爾之珠的珍珠中心位置，這間全套房酒店使用積分入住每晚31,000分CP值非常高，今次仲十分幸運地由單臥室套房免費升級到雙臥室套房，房間大到行到攰，仲有一樣浮誇到多餘嘅設備出現、但應該有一樣必備嘅設備就無，今次呢篇入住報預告篇先介紹一下呢間大到迷路嘅雙臥室海景套房。

Accor Live Limitless - 限時優惠：雅高心悅界會員於大中華區酒店非入住期間用餐可享3倍積分【活動日期：2023年6月27日至7月31日】

 

雅高會員於大中華區非入住期間用餐可賺取3倍積分，即係相等於3%現金回贈，再加上本身食飯埋單都用信用卡亦有回贈，加埋其實都唔錯。