資產曬冷Challenge！(酒店polo恤 / T恤)

被小斯tag 咗我做呢個資產曬冷Challenge，就同大家分享下我既「資產」啦！

投資產品：酒店polo 恤 / T恤
投資經驗：Since 2009
產品數量：60件左右
資產淨值：負-$15,000以上
投資風險：高風險投資產品、因大叔體型已日漸脹爆，因此價位只有脹、卻永不漲
投資專業心得：入住時首先到酒店boutique掃貨，如未能成功都不要放棄，最後總有驚喜
最高價值產品：杜拜寶格麗Polo完全唔捨得拆、仲有朋友送贈嘅款式

阿迪哥最希望重返入住的10家度假酒店

疫情下無得去旅行、所以就懷緬過去常陶醉一下，阿迪哥旅行最喜歡就係住resort，要揀出10間最希望重住嘅酒店其實並不容易，最愛嘅不一定係最奢華，入選可能係因為酒店服務窩心、或可能係當中嘅一些經歷、又或者係一份情懷。

阿迪哥最喜歡的10款酒店沐浴備品

阿迪哥已經講過好多次，酒店提供嘅沐浴備品(例如：皂液、洗頭水、護髮素、潤膚乳)對於酒店住宿整個體驗係非常重要，因此小弟亦非常重視，因為近兩年阿迪哥入咗萬豪坑後亦體驗咗好多款優質品牌嘅沐浴護理用品，所以就寫番一篇歷年來响酒店所用過10款最喜歡嘅沐浴品牌同大家分享一下。

Hotel Review：布吉島 - COMO Point Yamu, Phuket

阿迪哥今年6月去咗泰國布吉島宅酒店，一般朋友可能會先決定去某個地點旅行，然後再揀酒店，但阿迪哥通常會係因為想住某間酒店，因而去某個目的地，去泰國如果有得揀阿迪哥通常會楝去最愛嘅蘇梅，而唔係布吉，今次去布吉是全因為呢間酒店。