假如阿迪哥有800000AE積分

近排因為AE响機場開咗自家lounge、同埋AE白金charge卡大大降低入息申請要求， 所以呢張卡近排人氣非常高企， 即使年費要$7800身邊好多朋友都申請咗，佢個迎新係800000AE積分（因為15 AE分=1 mile，所以=53333里數），相信好多朋友會即時咁諗：嘩！發達喇！Asia Miles啱啱降低咗哩數換香港去日本，而家來回20000哩就得，即係我有2.5張日本機票仲有多呀，今次仲唔發達！但係比著阿迪哥擁有呢800000 AE積分的話，首先我一定唔會用哩數換經濟客位先，因為而家Economy機票都唔值錢，當然如果比你換到大節日去（例如聖誕、復活節、CNY嗰啲）咁你叻囉，但如果只係換淡季，一來機票平、二來買廉航就更加平，所以阿迪哥唔會咁樣浪費啲積分，更何況儲到飛行哩數嘅信用卡大把啦！AE嘅積分系統係獨特嘅，因為佢有兩個酒店常客計劃嘅partner可以轉分，分別係Hilton同埋Marriott/SPG，而且用酒店積分入住係可以計埋每年會員保級嘅晚數，所以酒店積分對阿迪哥嚟講比飛行哩數更加珍貴，如果想知道阿迪哥會點樣用呢800000 AE積分回本$7800，兼且仲賺突咗。

$2888 AccorPlus會籍包免費兩晚酒店加全年自助餐半價

AccorPlus會員包

阿迪哥今年嘅AccorPlus卡到手喇，今年轉咗卡面設計比較潮啲，雖然今年年費加到$2888，但係去Novotel、Parklane Pullman食自助餐如果二人、全年買一送一半價，如果大家食過銅鑼灣Parklane自助餐就知係好嘢，所以考慮過都係決定繼續，之前每年送嘅兩晚免費酒店阿迪哥用來住過嘅酒店包括：曼谷 Novotel Bangkok Suvarnabhumi Airport、大溪地 Sofitel Bora Bora Marara Beach Resort、新加坡 Novotel Singapore Clarke Quay 同埋曼谷 SO Sofitel Bangkok...我真心覺得好超值，今年送嗰兩晚免費酒店仲加入咗馬爾代夫嘅 Mercure Maldives Kooddoo Resort 可以book，聽我嗰個CS講2019年免費房券仲可以用來住Fairmont品牌，到時候阿迪哥會跟進可唔可以免費住到今年新開業馬爾代夫另一間更Luxury嘅 Fairmont Maldives - Sirru Fen Fushi！如果用得著就真係賺哂，當然如果近近地去兩次澳門用來住兩晚澳門十六浦索菲特酒店 Sofitel Macau At Ponte 16 已經可以輕鬆回本啦！唔好唔記得到時憑住張會員卡响十六浦食早餐、食buffet都有買一送一半價架！