香港君悅酒店 - Grand Hyatt Steakhouse優惠：午市套餐買3送1，折扣後連加一每位HK$459起【預訂日期：2023年3月31日主4月6日】

 

今日連Grand Hyatt Hong Kong 嘅Grand Hyatt Steakhouse 午餐都有買3送1優惠！折扣之後4人同時用餐每位平均只需HK$459，套餐包括頭盤、主菜丶配菜及甜品，套餐選擇包括油封鴨腿、煎鱸魚、美國「SRF極」黑毛豬扒、扒房漢堡、阿根廷肉眼牛扒及草飼牛柳，另外晚市套餐亦同時做8折優惠！

九龍海逸君綽酒店 - 任食放題優惠：海雲天晚市放題買2送1，折扣後平均每位HK$359起，另收加一及茶芥【預訂日期：2023年3月30日至4月5日】

  

九龍海逸君綽酒店 Harbour Grand Kowloon 嘅海景中菜廳「海雲天」推出晚市任食放題，當中多達45款食品無限追加，包括片皮鴨、脆皮燒腩仔、潮蓮燒鵝皇、金湯酸菜魚、白灼海蝦、惹味椒鹽骨、風沙炸豬水、吉列炸大蝦、日式和牛炒飯、翡翠蝦餃皇、蟹籽燒賣皇、灌湯小籠包等。晚市任食放題更享免費紅白餐酒、啤酒、汽水或橙汁任飲，每位客人更尊享珍品頭盤5款選3款，包括濃湯雞煲翅、葡式焗響螺、古法金錢扣鵝掌、小鳥生蛋及鮑魚沙律盞。由今起一連7天推出買2送1限時優惠，平均每位HK$359起，另加一及茶芥醬油，搶完即止！

World Of Hyatt - 全港四家凱悅集團酒店攜手推出春季快閃餐飲禮遇，優惠低至半價，兼可賺取凱悅積分【優惠日期：2023年3月30日至4月5日】

 

全港四家凱悅集團酒店同時推出餐飲快閃優惠，因為包括香港君悅酒店Grand Hyatt Hong Kong茶園下午茶半價，折扣後每位HK$221；香港維港凱悅尚萃酒店Hyatt Centric Victoria Harbour低至半價自助午餐，折扣後每位HK$210起；香港沙田凱悅酒店Hyatt Regency Hong Kong Sha Tin 65折自助午餐、自助晚餐、下午茶餐；香港尖沙咀凱悅酒店Hyatt Regency Hong Kong Tsim Sha Tsui自助午餐及自助晚餐買二送二等！全部價錢已包加一，並且最重要係優惠可以賺取凱悅積分！

挪亞方舟度假酒店 - 自助餐優惠：豐盛閣自助晚餐二人同行55折，折扣後連服務費每位HK$385【預訂日期：2023年3月27日至4月3日】

抵食呀！自助晚餐折扣後連服務費每位只需低至HK$385咋！挪亞方舟酒店Noah's Ark Hotel and Resort响4月14日起推出全新主題茶寐饗宴環球海鮮自助晚餐，創意茶匯料理，包括綠茶豆乳花膠雞湯麵、普洱茶合桃燉西班牙杜洛克豬排骨、紅棗蟲草花鮑魚雞煲及龍井蒸蝦糯米飯。更包括各式環球海鮮例如加拿大鱈蟹腳、波士頓龍蝦、麵包蟹及刺身。配合一連串茶系風味甜品如茉莉花茶朱古力條、洋甘菊茶士多啤梨芝士餅、大吉嶺茶意式杏仁餅乾及伯爵茶焦糖布甸等，仲可以一邊食自助餐一邊欣賞青馬大橋！另外復活節其間嘅海鮮自助晚餐及自助午餐都有折，折扣後連加一自助晚餐HK$518、自助午餐HK$388。

香港萬麗海景酒店 - 擁抱•五月演唱會住宿套餐，每晚HK$4,800起+10%，包園景客房一晚、五月天演唱會$1,380門票兩張及雙人自助早餐【入住日期：2023年4月14至16及21至23日】

 

買唔倒五月天中環海濱演唱會Renaissance Hong Kong Harbour View Hotel呢個package有得諗呀！價錢包括當晚$1,380演唱會門票兩張，對比起最便宜嘅包早餐住宿預付價錢扣減演唱會門票費用其實價錢差不多，變相唔洗炒黃牛、買演唱會飛都可以累積萬豪旅享家積分，尊貴大使們仲可以計埋年度消費額！

香港愉景灣酒店 - 全新Spa住宿計劃快閃：價錢連服務費HK$1,750起，包括住宿一晚、雙人45分鐘精油按摩及自助早餐【預訂日期：2023年3月23日至4月2日】

之前封關期間阿迪哥都好少寫Auberge Discovery Bay Hong Kong香港愉景灣酒店優惠，但開咗關之後反而呢個優惠都幾抵包埋兩位按摩，如果冇乜假放外遊、或者特別慶祝可以諗諗佢，如果滿HK$1,800並使用Citibank信用卡付款仲可以減HK$180！

酒店報告(預告篇)：馬爾代夫 - JW Marriott Maldives Resort & Spa

 

早幾日已經抵達今次行程馬爾代夫第3家酒店JW Marriott Maldives Resort & Spa，實在太開心了，離港接近兩個月，來到一家令人一到步就急不及待想立即回家嘅奢華酒店，這家奢華酒店實屬太體貼，令阿迪哥當離開時能夠分手快樂。

World Of Hyatt - 凱悅世界2023年Q1 Bonus Journeys全球積分推廣活動【活動日期：2023年3月20日至5月26日】

World Of Hyatt今年嘅Q1全球積分活動已經正式開跑，大家要記住活動期內第1個stay唔計架，所以如果有兩晚以上嘅住宿就要响之前住一次啟動自己個活動先！

凱悅2023年Q1全球積分推廣活動，活動期間的第2次入住起、每累積入住2晚可賺取3,000分，即係平均每晚賺取1,500分、相等於每晚估值約HK$200回血，現已開放註冊！

香港九龍東皇冠假日酒店 - 星幕Cielo全新意式悠閒下午茶買一送一：折扣後連加一平均每位HK$101起【預訂日期：2023年3月20日至3月26日】

 

酒店下午茶每位一舊水真係點搶都唔會輸！香港九龍東皇冠假日酒店 Crowne Plaza Hong Kong Kowloon East 星幕Cielo全新意式悠閒下午茶買一送一，「意式悠閒」下午茶備有五款甜品及五款鹹點，意大利酥皮吉士卷、熱情果及芒果意式奶凍、意大利芝士蛋糕、意大利檸檬芝士撻、濃縮咖啡忌廉配意大利曲奇；鹹點有巴馬臣芝士英式鬆餅、帕爾瑪火腿配日本蜜瓜、水牛芝士番茄串、意式牛肉丸配黑松露油、菠蘿香草包，更會包埋飲品每位一杯，齋坐都抵啦！

香港君悅酒店 - 茶園下午茶買二送二加碼：折扣後連加一平均每位HK$221【預訂日期：2023年3月18日至3月25日】

 

早排被秒殺香港君悅酒店 Grand Hyatt Hong Kong茶園Tiffin嘅下午茶買二送二快閃今日中午12:00有加碼優惠，4人同時用餐平均每位只需HK$221起！茶園嘅下午茶除咗主打打卡嘅三層架外、仲有即點即製甜品吧及雪糕櫃無限量任食，包保飽肚！另外The Grill露天池畔餐廳燒烤自助晚餐都有限量搶買二送一，三人同時用餐折扣後平均每位只需HK$505！

Singapore Airlines - 新加坡航空Krisflyer Spontaneous Escape指定航班里數兌換7折【預訂日期：即日起至2023年3月31日】

今期新加坡航空嘅Krisflyer Spontaneous Escape指定航班里數兌換7折再次包括香港往來新加坡航段，7折後單程經濟艙11,550里、優選經濟艙18,550里及商務艙23,800里，當中最值得兌換首選商務艙，7折後比起用亞洲萬里通兌換國泰商務艙所需里數更低，兌換新航亮點係不收燃油附加費，稅項超平，另外仲有其他7折航點包括往來新加坡至：廣州、上海、北京、倫敦、法蘭克福、慕尼克及馬爾代夫！而家去馬代機票好貴，而今次兌換單程新加坡至馬代經濟艙折扣後只需14,000里！

香港萬怡酒店 - 自助餐優惠：MoMo Cafe自助晚餐買一送一，折扣後連加一每位HK$296起【預訂日期：2023年3月16日至3月31日】

 

超平呀！位於西環嘅香港萬怡酒店 Courtyard Hong Kong推出自助晚餐買一送一快閃！星期一至四折扣後連加一每位只需HK$296！星期五至日只需HK$313！晚餐時段有生蠔供應及指定啤酒無限暢飲！另外自助午餐都有65折，折扣後連加一每位只需HK$184起！小童及長者都有優惠。

Accor Live Limitless - 雅高集團全球積分推廣活動，入住3次合共可賺取額外6,000積分【預訂日期：2023年3月14日至3月28日】

雅高耐不耐就會翻炒一次呢個優惠，入住3次合共可賺取額外6,000分(但每次必需最少入住兩晚)、6,000分等值€120歐羅(約額外回血港幣$1,009)，要記住註冊後嘅預訂先計數，東南亞例如泰國、馬來西亞、峇里好多平嘢，分分鐘住完有賺。

香港文華東方酒店 - 自助餐優惠：快船廊週五至週六自助晚餐高達63折，折扣後連加一每位HK$510起【預訂日期：2023年3月14日至3月19日】

 

香港文華東方酒店嘅快船廊自助晚餐推出快閃優惠！限量搶63折優惠！星期五或六用餐折扣後連加一每位只需HK$510起咋！搶啦！

香港柏寧酒店 - 自助餐優惠：PLAYT自助餐買2送1，折扣後連加一自助午餐每位HK$321、周末自助早午餐每位HK$467起【預訂日期：2023年3月13日至3月19日】

 

光倒流價！早前香港柏寧酒店 The Parklane Hong Kong 對Accor Plus會員嘅自助餐優惠已經冇咗二人前半價了，不過今次快閃做番買二送一即係等同以前嘅Accor Plus三人同時用餐優惠，算得上係時光倒流價，當中最抵玩梗係周末自助早午餐，除咗有魚子醬外，仲有有汽酒及果汁任飲！

酒店報告(預告篇)：馬爾代夫 - Le Méridien Maldives Resort & Spa

 

阿迪哥離開馬爾代夫Alila後轉咗酒店幾日了，先打個卡報個到及立刻同大家分享10張精選相片，Le Méridien Maldives Resort & Spa可算得上阿迪哥累積酒店積分多年生涯以來其中一次最佳CP值兌換。

Marriott Bonvoy - 萬豪旅享家積分兌換飛行里數兌換率更新

較早之前由萬豪積分兌換有幾間航空公司取消咗5,000里額外獎勵，而最新變更為美國聯合航空由原本3:1另加10%，若果每轉60,000萬豪可獲得20,000里及額外5,000里、變更為取消10%、但每轉60,000分除可獲得20,000里外、額外可獲得10,000里，係比舊制增值咗。

港青YMCA - 限量搶套房快閃：價錢連服務費HK$1,988起，限量搶升級入住海景套房連雙人早餐及3道菜晚餐【預訂日期：2023年3月10日至3月16日】

 

好鬼耐冇寫過搶套房喇、因為已經冇出呢類offer好耐，The Salisbury - YMCA of Hong Kong再次限定推出限量搶升級海景套房及包早、晚兩餐！雙人早餐+3道菜晚餐價錢連服務費HK$1,988起、雙人早餐+自助晚餐價錢連服務費HK$2,588起！即使自己唔搶都快啲叫即將訪港嘅親友搶啦！

澳門十六浦索菲特酒店 - 自助餐優惠高達75折，海風餐廳自助餐折扣後連服務費每位自助午餐HK$188起、自助晚餐HK$324起【預訂日期：2023年3月8日至3月14日】

 

去開澳門可以考慮埋澳門十六浦索菲特酒店Sofitel Macau At Ponte 16 in Macau今次嘅快閃，自助午餐折扣後低至每晚HK$188起，午餐有多款刺身、凍海鮮及法式甜品等、自助晚餐折扣後低至每晚HK$324起，晚餐包括優質法國及愛爾蘭生蠔、鮮活大蝦、多款凍海鮮及20多款法式甜品，更有紅白酒及啤酒無限任飲！

港青YMCA - 自助晚餐優惠買2送2：海鮮六重奏晚餐，平均每位連加一HK$359起【預訂日期：2023年3月8日至3月14日】

港青The Salisbury - YMCA of Hong Kong 嘅再臨閣自助晚餐CP值一直高企，今次超癲4人同時用餐買2送2快閃，計番即係半價！今次真係唔搶唔得！

Marriott Bonvoy - 泰國布吉麗思卡爾頓酒店預定2025年開業

 

布吉島鮮有萬豪系列奢華品牌，不過呢個情況好快改變，好快於2025年就會見到布吉麗思卡爾頓酒店開業，不過係由The Westin Siray Bay Resort & Spa改建而成。

酒店報告(預告篇)：馬爾代夫 - Alila Kothaifaru Maldives

 

今次疫後第1波行程第3站馬爾代夫，首家酒店係屬於凱悅集團嘅Alila Kothaifaru Maldives，酒店開業少於一年，即2022年4月開業，當時已經是阿迪哥嘅bucket list，Hyatt啲積分同埋Category 1-7券梗係咁樣用啦！

飛行紀錄報告：新加坡航空 SQ494 (A350-900) 新加坡至杜拜商務艙

 

今次行程首站於新加坡停留咗一星期後、係時候要飛往此行最原始計劃行程嘅主要目的地 - 杜拜，目前新加坡航空每日只營運一班航班SQ494由新加坡直飛杜拜，並以A350-900執飛，阿迪哥使用Krisflyer里數兌換商務艙。

香港君悅酒店 - 餐飲快閃買二送二：茶園下午茶，折扣後連加一平均每位HK$221起、茶園自助午餐，折扣後連加一平均每位HK$311起、茶園自助晚餐，折扣後連加一平均每位HK$473起【預訂日期：2023年3月3日至3月9日】

 

超抵食！即使冇得儲分都抵！唔肯定係咪史無前例、但大鄉迪就肯定未見過！香港君悅酒店 Grand Hyatt Hong Kong 當中嘅兩間餐廳：茶園及The Grill推出買二送二快閃，4人同時用餐茶園下午茶平均每位只需HK$221起！茶園嘅下午茶除咗主打打卡嘅三層架外、仲有即點即製甜品吧及雪糕櫃無限量任食，包保飽肚！而自助午餐及自助晚餐都超抵、好少做咁平！

另外，The Grill池畔餐廳嘅「龍蝦．帶子．西班牙烤乳豬」燒烤自助晚餐4人同時用餐折扣後連加一每位只需HK$395起！

World Of Hyatt - 凱悅天地2023年度獎賞兌換表更新【實施日期：2023年3月28日起】

 

慘痛！凱悅積分兌換表每年都會有一次調整，今年一共有372家酒店更改類別(Category)，當中214家酒店上調及158家酒店下調，熱門嘅酒店下調級別包括Hyatt Place Kyoto、Hyatt Regency Kyoto及The Sukhothai Bangkok；而較熱門嘅酒店上調級別包括Park Hyatt Sanya Sunny Bay Resort、Grand Hyatt Erawan Bangkok及Park Hyatt Bangkok，而當中最慘烈包括峇里島孖寶Grand Hyatt Bali及Hyatt Regency Bali由Cat 1升至Cat 2、韓國Grand Hyatt Jeju及Grand Hyatt Seoul將由Cat 4升到Cat 5，即係Cat 1-4券唔再用得，另外全球仲有成28家酒店由Cat 7升為Cat 8，例如峇里Viceroy Bali及布吉Keemala、即係Cat 1-7券唔再用得。

Hilton Honors - 希爾頓快速升金卡活動、只需入住4晚【註冊日期：即日起至2023年3月31日】

 

如果手上無乜酒店集團中、高階會籍，可以考慮先由希爾頓入手，希爾頓快速升金卡活動註冊後只需入住4晚即可升級為金卡會員、有效期至2025年3月31日，持有金卡至少入住保證有免費早餐及延遲退房等待遇。