LOTTE Hotel Rewards - 樂天酒店集團香港居民專享優惠，新登記成為會員即可賺取500積分【註冊日期：即日至2022年10月31日】

 

韓國樂天酒店集團會員計劃LOTTE Hotel Rewards推出香港會員專享優惠，咁重視香港人淨係呢方面都值得讚！香港居民只要註冊成為LOTTE Hotel Rewards會員即享500積分，樂天酒店會員計劃所累積嘅積分可以用來兌換現金消費額，並可使用於樂天集團內酒店住宿、餐飲、酒店服務外，與及可使用於樂天免稅店消費，500分等值$5美元現金消費額，樂天集團嘅酒店除咗韓國覆蓋率最強之外，其實响日本、越南、緬甸及美國都有酒店。另外，註冊成為會員後100天內入住一次更可賺取額外1,000積分。

香港美利酒店 - 限量搶Signature Suite套房豪華海鮮塔晚餐包3餐快閃，價錢連服務費$3,630起，由N1 Deluxe限量升級至Signature Suite套房、豪華海鮮塔3道菜晚餐、雙人早餐、下午茶及免費寵物入住【預訂日期：2022年7月28日至8月3日】

香港美利酒店The Murray Hong Kong又有套房搶！今次優惠8月尾之前入住最後機會可以品嚐晚餐菜單提供期間限定豪華海鮮塔3道菜晚餐，內容包括生蠔、凍蝦、青口、鮑魚及雪蟹腳嘅豪華海鮮塔、主菜可以選擇罕有部位和牛封門柳、澳洲盲鰽魚柳或者美式燒牛肋骨。

香港維港凱悅尚萃酒店 - Lexus自駕體驗住宿計劃，每晚價錢$1,800起+10%、包含住宿一晚、Lexus 4小時試駕體驗、Grissini意大利餐廳雙人午餐/早午餐或 /晚餐、自助早餐及Lexus紀念品一份連$200油券【入住日期：2022年8月1日至8月31日】

 

又係佢呀！香港維港凱悅尚萃酒店Hyatt Centric Victoria Harbour聯乘凌志及香港君悅酒店Grissini意大利餐廳合作推出Lexus All New NX250 Ultimate自駕體驗住宿計劃，入住當日可享受Lexus All New NX250 Ultimate 4小時試駕體驗，自己渣凌志到Grand Hyatt Hong Kong享用Grissini意大利餐廳午餐、早午餐或晚餐，成件事應該又型、又chill、又好玩！

歷山酒店 - 包3餐快閃，價錢連服務費$1,518起，入住方塊客房一晚、雙人早餐、甜點組合及花膠鮑魚海鮮餐/西式套餐/特色中餐(3選1)、延遲退房至下午2時，限量搶每個入住日2個名額免費升級女王套房【預訂日期：2022年7月27日至8月3日】

 

歷山酒店Hotel Alexandra Hong Kong泳池8月1日終於開喇！住客仲可以玩埋遊戲室，包括Switch及氣墊球，配合埋回歸Staycation戰線後首次推出搶套房快閃！除咗每日有兩個女王套房名額外、今次亦提供每日3個名額可以搶免費升級梅花海景客房，有網友曾經講過更喜歡住梅花海景客房、貪佢景觀更開揚，所以大家可以隨自己喜好去搶，至於今次嘅套票另一著眼點係包含嘅全日套餐可以自行選擇入住當日嘅午餐至晚餐時段享用，套餐三選一，花膠鮑魚海鮮餐，菜式包括蟲草花螺頭燉雞湯、原隻鮑魚扣花膠、百花炸蟹鉗、星洲胡椒蝦、蒜香鴨肝牛柳及蛋白杏仁茶等，款款菜式都吸引喎！ 如果想食澳洲肉眼扒就可以選擇西式套餐；而另一款特色中餐菜式包括老火湯、鹽酥雞、四川煮魚及頭抽豬扒，總括嚟講識食梗係揀花膠鮑魚海鮮餐啦啩？

YMCA港青酒店 - 限量搶海景套房快閃，價錢連服務費$1,288起，入住海景客房連雙人自助早餐及晚餐，限量搶免費升級海景套房【預訂日期：2022年7月26日至8月4日】

 

The Salisbury - YMCA of Hong Kong上一輪搶咗嘅套房大家都應該住得7788，新一輪包兩餐免費升級海景套房快閃又有得搶，今次三款晚餐Package分別可選：海鮮八重奏自助晚餐、 「牛柳・龍蝦」4道菜晚餐或海鮮拼盤連主菜晚餐！

港島海逸君綽酒店 - 7月快樂狂賞行政禮遇+消費額，價錢連服費$2,079起，免費升級豪華海景客房、雙人下午小點、黃昏雞尾酒、早餐及$1,500餐飲消費額【預訂日期：2022年7月26日至8月5日】

 

港島海逸君綽酒店Harbour Grand Hong Kong今晚呢個抵玩，行政禮遇再加$1,500餐飲消費額，價錢連服費$2,079起入住海景客房，兼且再送$2,500 英格蜜兒”AGE Jet 等離子逆齡眼部療程” 護膚禮劵！

香港四季酒店 - 味之旅7月快樂狂賞加送四季雙黃白蓮蓉月餅一盒，價錢連服務費$4,070起，入住全新海景客房一晚、雙人早餐及3道菜晚餐【預訂日期：2022年7月25日至7月31日】

 

香港四季酒店Four Seasons Hotel Hong Kong最受歡迎包早、晚兩餐嘅味之旅推出限時快閃，入住全新海景客房，期間限定加送四季雙黃白蓮蓉月餅一盒！

酒店入住報告：香港富麗敦海洋公園酒店 (The Fullerton Ocean Park Hotel Hong Kong)

 

新加坡酒店品牌Fullerton首次進駐香港，是全球第4家Fullerton、亦是首家Fullerton度假酒店，香港富麗敦海洋公園酒店The Fullerton Ocean Park Hotel Hong Kong於2022年7月試業，7月18日正式公開營運，是繼香港海洋公園萬豪酒店後的第二家屬於海洋公園主題樂園的酒店。

香港維港凱悅尚萃酒店 - 最後召集：阿迪哥獨家快閃盤只限3天，連續入住三日限時優惠標準價73折，折扣後標準客房每晚低至$584起+10%【預訂日期：2022年7月22日至7月24日】

香港維港凱悅尚萃酒店Hyatt Centric Victoria Harbour x 阿迪哥獨家快閃最後今日喇！希望各位大大可以大大力支持，若果今次反應好咁將來先至可以夠牙力傾多啲獨家靚盤畀各位迪迪family享用！

溫提一下，其實不一定只著眼最低起跳價，即使跨越週末，9月份嘅星期四入住、星期日退房平均每晚$730+10%，即使跨中秋節假期都只需$803+10！要知道平常只訂星期六一晚價錢都要成$936起+10%，如果目標係最低價$584+10%，以下日期組合暫時仲有供應：9月4日in至7日out、9月5日in至8日out、9月6日in至9日out、9月13日in至16日out、9月18日in至21日out、9月19日in至22日out、9月20日in至23日out、9月25日in至28日out、9月26日in至29日out、9月27日in至30日out

因為今次優惠係去到酒店先畀錢，所以仲可以食正AE回贈！

香港瑰麗酒店 - 7月快樂狂賞，套房買一送一連行政瑞閣禮遇，價錢連服務費$8,800起，連續入住九龍山景套房兩晚連雙人瑞閣服務禮遇，包括早餐、下午茶及黃昏雞尾酒【預訂日期：2022年7月23日至7月31日】

 

香港瑰麗酒店The Rosewood Hong Kong再推套房買一送一優惠！價錢連服務費只需$8,800起已經可以入住兩晚九龍山景套房包兩位入Lounge！今次九龍灣景套房及海景套房亦有買一送一優惠！套房控必搶！

Klook同時亦推出指定套票DBS信用卡1折優惠碼，各位有興趣可以以佛系心態去搶吓，套票包含咗尊貴海景客房一晚、雙人兩餐、香檳一支及K11禮券$200，價錢連服務費$3,678起，若果搶到1折code就$368起！

香港柏寧酒店 - 莫奈花園主題住宿，價錢連服務費$999起，入住莫奈花園主題客房一晚連精美莫奈主題野餐套裝【入住日期：2022年8月5日至11月4日】

 

藝術派文青必玩Staycation！香港柏寧酒店 The Park Lane Hong Kong, a Pullman Hotel推出全港首個莫奈花園主題住宿，多款主題客房內設莫奈印象派藝術花卉特色佈置，每款套票均包含主題客房及莫奈主題野餐套裝，包括野餐籃一個、莫奈主題野餐墊一塊、主題酒杯兩隻及氣泡酒一支，極之呃like！另外仲有多款不同主題客房房型選擇及餐飲選項，分別有自助早餐 、房內下午茶、Ebb & Flow午市套餐及行政酒廊禮遇等。

香港沙田凱悅酒店 - 行政套房快閃，價錢連服務費$1,265起，包含行政套房一晚連雙人自助早餐【預訂日期：2022年7月22日至7月26日】

 

KKday推出香港沙田凱悅酒店Hyatt Regency Hong Kong Sha Tin行政套房快閃優惠，價錢連服務費$1,265起，包雙人自助早餐，另外同行嘅1位12歲以下小童都享免費早餐。

今次快閃另外有兩款特色房型配搭都有優惠，包括海景相連房適合4-6人入住，價錢連服務費$1,782起； 行政雙套房3日2夜優惠價錢連服務費$3,740起！

香港文華東方酒店 - 三道菜晚餐連魚子醬下午茶住宿套票，價錢連服務費$2,750起，包含住宿一晚、雙人魚子醬主題下午茶、三道菜晚餐及早餐【預訂日期：2022年7月21日至7月27日】

 

香港文華東方酒店Mandarin Oriental Hong Kong嘅Clipper Lounge將會响八月份推出魚子醬主題下午茶，下午茶套餐包含價值$390嘅10g Royal Cristal Gold, by Royal Caviar Club魚子醬，連雙人3道菜晚餐及早餐、住宿連合共三餐，價錢連服務費只需$2,750起！

香港維港凱悅尚萃酒店 - 維港軒行政酒廊We Miss Japan免費清酒試飲環節

 

配合今個暑假We Miss Japan主題，香港維港凱悅尚萃酒店Hyatt Centric Victoria Harbour由即日起逢星期三下午3時至5時於西翼22樓維港軒行政酒廊免費提供清酒試飲畀入住嘅Globalist會員及預訂咗維港軒客房嘅住客。

酒店餐廳用餐報告：TANGRAM餐廳 (明怡美憬閣精選酒店)

 

阿迪哥响明怡美憬閣精選酒店AKI Hong Kong - MGallery開業當日體驗入住，入住期間於酒店主餐廳TANGRAM享用過早、午、晚三餐，酒店一開業就立即加入Accor Plus，所以迪迪二人用餐就可享受半價折扣，呢篇會專注分享TANGRAM嘅用餐體驗。

酒店報告 (預告篇)：香港富麗敦海洋公園酒店 (The Fullerton Ocean Park Hotel Hong Kong)

好忙呀！酒店超多打卡位，香港富麗敦海洋公園酒店The Fullerton Ocean Park Hotel Hong Kong首天開放公眾入住，同大家分享咗10張先睹為快精選相片先！

香港美利酒店 - 7月快樂狂賞套房升級優惠，價錢連服務費$3,630起，N1 Deluxe客房免費升級Signature Suite套房、雙人豪華海鮮晚餐、下午茶、早餐及免費攜帶寵物入住【預訂日期：2022年7月18日至7月27日】

 

香港美利酒店The Murray Hong Kong又有套房搶喇！價錢只需$3,630起包三餐、星期一至四入住有限量搶免費升級Signature Suite套房！

香港文華東方酒店 - 7月限時優惠，價錢連服務費$3,718起，升級入住皇后像廣場套房一晚連雙人文華閣禮遇，包括早餐、下午茶及黃昏雞尾酒【預訂日期：即日至2022年7月20日】

 

記憶中放寬泳池重開之後香港文華東方酒店Mandarin Oriental Hong Kong都未做過快閃，今次快閃優惠期只得幾日，價錢唔洗$4千可以入住皇后像廣場套房包埋入Lounge，可能係近排Staycation加價浪潮中最高CP值嘅套房優惠。

如果唔需要一定住套房的話又想入Lounge，今次文華閣皇后像廣場客房包埋入Lounge都有優惠，價錢連服務費只需$2,838起！

酒店入住報告：明怡美憬閣精選酒店 (AKI Hong Kong - MGallery)

 

雅高集團管理，位於灣仔嘅AKI Hong Kong - MGallery於2022年7月12日試業，阿迪哥於試業首天率先入住，酒店一共提供173間客房，全球每家MGallery酒店設計均取材自當地元素，但何解偏偏位於灣仔嘅AKI設計充滿日本風格呢？

Shangri-La - 最後召集：香格里拉75折限時優惠住宿，九龍香格里拉豪華海景客房連雙人早餐每晚$1,200起+10%；港島香格里拉豪華海景客房連雙人早餐每晚$1,800起+10%【預訂日期：2022年7月12日至7月17日】

提提大家香格里拉集團官網兩家酒店九龍香格里拉Kowloon Shangri-La及港島香格里拉Island Shangri-La嘅75折住宿快閃最後兩日喇！優惠有齊SNP若果仲未訂就把握最後機會諗諗佢！

本港兩間香格里拉响官網同時推出75折限時住宿優惠，預訂九龍香格里拉Kowloon Shangri-La豪華海景客房75折後每晚只需$1,200起+10%，兼享雙人早餐。

而港島香格里拉Island Shangri-La更有多款房型優惠，當中包括豪華海景客房連雙人早餐75折後每晚$1,800起+10%、豪華閣山景客房每晚$2,775起+10%、今次連套房都有75折，例如城景套房75折後每晚$4,050起+10%，後兩者更可享受雙人豪華閣服務禮遇，包括下午茶、黃昏雞尾酒及早餐！

城景國際酒店 - 泰滋味住宿快閃，價錢連服務費$1,155起，入住尊貴時尚客房一晚、雙人泰式晚餐、雙人自助早餐、星期一至三入住長達24小時住宿，限量搶星期一至四每日兩個名額免費升級尊貴時尚套房【預訂日期：2022年7月15日至7月21日】

 

位於油麻地嘅城景國際酒店The Cityview Hong Kong罕有地有套房限量搶呀！睇吓個價錢包兩餐連服務費只需$1,155起，套票本身已經係包含入住尊貴時尚客房，呢款房型唔係標準房嚟架、而係除咗家庭房及套房以外客房中最頂級嘅房型！當然如果搶到套房就真係蝕埋畀你，泰式晚餐嘅美食超豐富，選擇包括鮮鮑魚配泰式辣汁、泰式炸蝦餅、串燒鶏肉沙嗲、柚子大蝦沙律、醃酸鳳爪、大頭蝦冬蔭功湯、泰式蟹肉魚肚羹；小菜類任選三款：炭燒薄牛扒伴香辣汁、蒜香胡椒燒羊仔鞍、泰式鹵豬手、泰式-辣椒膏炒新西蘭青口、泰式香草乾炒有機大蝦、黃咖哩軟殼蟹、泰式海南雞等；甜品有香蘭珍多椰汁糕，勁吸引！

Banyan Tree - 2020年所購買之悅榕莊Ultimate Getaways住宿禮券條款更新：限期前未使用之禮券可以申請全額退款

 

感謝讀者提醒，响兩年多之前嘅疫情初期阿迪哥曾經介紹過一個Banyan Tree好抵嘅住宿債券，原本嘅有效期只係去到2021年12月20日，之後不但止自動延期至2022年10月31日，而且更加可以响到期日前申請全數退款！

香港君悅酒店 - 7月快樂狂賞快閃，價錢連服務費$3,380起，升級入住豪華海景客房、雙人Tiffin茶園自助晚餐、雙人自助早餐及Tiffin外賣下午茶禮盒【預訂日期：2022年7月14日至7月20日】

香港君悅酒店Grand Hyatt Hong Kong快閃嚟喇喂！今次快閃主打Tiffin茶園自助晚餐，價錢平過官網、兼且升級豪華海景客房、仲會送埋二人份量Tiffin外賣下午茶禮盒，計番條數套票比起官網最低價錢至少平咗$189、升級海景房又賺咗大約$390、另外賣下午茶價值$588，即係大約有成$1,167折讓，又係激嬲會員系列嚟，至於DBS嘅一折code大家都係得個知字啦。。。

Marriott Bonvoy - 萬豪國際集團香港區酒店「夏季繽紛賞2022」

 

全港12家萬豪酒店嘅代表將於2022年7月30日(星期六)再次聚首舉行「夏日繽紛賞2022」，今次舉辦地點改為香港麗思卡爾頓酒店耀鑽宴會廳，依照過往經驗即場預訂Staycation住宿可以獲得優惠及禮品，不過...其實...萬豪Staycation仲有幾多間選擇？

海景嘉福洲際酒店 - 友緣相聚住宿計劃限時優惠，價錢$1,450起+10%，三人住宿一晚、三人自助早餐、三人份量房內美食拼盤、小食籃及房內汽球佈置，期間限定免費加送雪糕3杯，首20名預訂更可獲贈Moët & Chandon香檳外帶下午茶一份【預訂日期：2022年7月14日至7月20日】

最啱3個知已共聚，一直都係海景嘉福洲際酒店InterContinental Grand Stanford熱賣Staycation之一嘅「友緣相聚」住宿計劃推出限時優惠，期間限定7月20日前預訂可以額外免費加送雪糕3杯，而快閃期間首20名預訂更可獲贈Moët & Chandon香檳外帶下午茶！

香港尖沙咀凱悅酒店 - 夏日白茶花漾夏日主題下午茶‧本地遊，每晚$1,270起+10%，包住宿一晚、雙人白茶花漾夏日主題下午茶或下午茶自助餐、雙人自助早餐、滴露禮品包一份及K11電子禮券及禮遇【入住日期：即日至2022年8月30日】

 

今個仲夏香港尖沙咀凱悅酒店聯同滴露香港合作推出以夏日白茶花夏天為主題下午餐套餐，配合多款馥郁花香食材，住宿套票包含住宿一晚、雙人主題下午茶或自助早餐，星期日入住會轉為下午餐自助餐，套票價錢$1,270起+10%，預訂豪華客房或海景套房更有機會入住以白茶花漾為佈置主題客房及指定日子免費參加白花手調香水工作坊，打卡一流！

香港維港凱悅尚萃酒店 - We Miss Japan住宿計劃，價錢每晚$1,440起+10%，包含住宿一晚、雙人自助早餐、日本主題自助午餐或晚餐、日式二人甜點套餐、日本主題禮品包及RaceRoom模擬日本極速賽車體驗【入住日期：2022年7月19日至8月31日】

 

前兩日介紹過香港維港凱悅尚萃酒店Hyatt Centric Victoria Harbour全新推出嘅We Miss Japan住宿計劃有以下兩項更新：

💡 官網嘅價錢減咗，選擇自助午餐每晚$1,440起+10%、自助晚餐每晚$1,890起+10%，早前訂貴咗可以取消再訂過。

💡 今晚(7月12日晚上21:00起)Klook都可以訂，價錢會平過官網少少、兼且平日入住免費升海景房，不過訂咗後無得退改，如果想平啲可以考慮，仲有DBS一折code搶，不過聽吓就算千祈唔好上心。

酒店報告 (預告篇)：明怡美憬閣精選酒店 (AKI Hong Kong - MGallery)

 

位於灣仔嘅AKI Hong Kong - MGallery於今日2022年7月12日試業，阿迪哥當然要去八卦一吓，不過就率先同各位分享10張精選相片先。

香港君悅酒店 - 七月快閃，免升級海景客房、包兩餐、兼送Tiffin茶園外賣下午茶禮盒【預訂日期：2022年7月11日至7月18日】

 

香港君悅酒店Grand Hyatt Hong Kong七月快閃又嚟喇！大部份住宿Staycation都有免費升級海景客房及退房日免費領取價值$588嘅雙人Tiffin茶園外賣下午茶禮盒！小童入住送雪榚、仲有免費 Style Theory 品牌服裝租借體驗玩埋！埋嚟睇埋嚟揀喇喂！

World Of Hyatt - 凱悅集團與Toyota合作賽車主題，位於富士新酒店FUJI Speedway HOTEL將於2022年10月開幕

 

凱悅集團獨立品牌The Unbound Collection日本首家酒店、位於富士嘅FUJI Speedway HOTEL將於2022年10月開幕，酒店最大特色為凱悅及豐田不動產共同營運，酒店並以賽車和酒店融合為理念，酒店面向富士國際賽車場、背靠富士山，共提供120間客房及套房，當中包括21間套房及5間帶私人車庫别墅，酒店大樓內更設有「富士賽車博物館」，呢間新酒店有不少亮點，但畢竟阿迪哥對日本不太熟悉，所以邀請咗全能嘅神奇隊長Terry寫呢篇酒店簡介，最重點係Terry兄會教大家如何針對呢間新酒店善用積分及套房升級券，大家有福了！

香港維港凱悅尚萃酒店 - We Miss Japan住宿計劃，價錢每晚$1,440起+10%，包含住宿一晚、雙人自助早餐、日本主題自助午餐或晚餐、日式二人甜點套餐、日本主題禮品包及RaceRoom模擬日本極速賽車體驗【入住日期：2022年7月18日至8月31日】

 

日本如果唔跟團就真係暫時仲未去得住，所以唯有只能miss住先，香港維港凱悅尚萃酒店Hyatt Centric Victoria Harbour期間限定响今個暑假推出We Miss Japan住宿計劃，可以畀各位日本控嚟番轉快閃回鄉之旅，套票除咗包含標題嘅一系列日式配套外，逢星期三入住更可以免費玩埋日本清酒試飲體驗。另外，預訂擁有無敵海景浴缸及酒店內最具人氣嘅尊貴海景客房仲有額外免費3小時浴衣體驗(兩位價值共$500)，仲要講埋We Miss Japan禮品包內包含總值超過$1,000嘅贈品包括由資生堂、Luna Cake、卡樂B及上林茶舍送出的禮物！

香港百樂酒店 - 抹茶の味下午茶住宿快閃，價錢連服務費$790起，入住高級客房一晚、雙人下午茶及免費房內迷你吧飲品，限量搶星期一至四每日兩個名額升級至首選客房【預訂日期：2022年7月10日至7月19日】

 

抵玩而優質嘅香港百樂酒店Park Hotel Hong Kong嘅Park Café呢期做緊「抹茶の味」下午茶，食材美食包括：抹茶堅魚珍珠蠔、海膽抹茶冷麵、抹茶流心多士、紅豆抹茶卷、抹茶北海道3.6牛乳奶凍、抹茶豆腐慕絲蛋糕，今次快閃包括入住高級客房一晚、雙人抹茶の味下午茶及房內迷你冰箱飲品6罐，價錢連服務費只需$790起！星期一至四每日仲會有兩個名額升級首選客房！

另外，同時亦再次推出高級客房連$600餐飲消費額，價錢連服務費只係$823起，同樣都有首選客房限量搶。

宜必思香港中上環酒店 - 偷步開賣：快閃包兩餐，價錢連服務費$599起，入住海景客房、雙人晚餐套餐、雙人早餐、延遲退房至3PM，限量搶免費升級城景公寓房【預訂日期：2022年7月10日至7月31日】

 

CP值極高兼且評價唔錯嘅宜必思香港中上環酒店ibis Hong Kong Central & Sheung Wan海景房包早、晚兩餐，價錢連服務費$599起已經抵到爆，今次仲有免費再升為城景公寓房限量搶呀！優惠已經靜雞雞提早開賣，搶呀！

Marriott Bonvoy - 萬豪紛享會員日2022年7月份優惠【預訂日期：2022年7月8日至7月10日】

更新番今個月萬豪旅享家會員日完整優惠，優惠分兩大類，包括以Flexible Rate定價嘅額外積分包價，奢華品牌5,000奬勵積分、高級品牌2,000積分；與及指定住宿套票98折，雖然都係翻炒上兩個月優惠，畢竟始終都係平咗，例如JW Marriott Hong Kong及Renaissance Hong Kong Harbour View包含dining credit嘅優惠都值得入手，尤其是Sheraton Hong Kong Hotel & Towers更差不多貼近零房價。

香港美麗華酒店 - 尋味 • 陶醉 • 投入饌嘆品味之旅心心相印滋味快閃優惠，價錢連服務費$1,100起，入住城景客房一晚、雙人心心相印滋味盛盒、雙人早餐及免費迷你吧飲品，限量搶首15間預訂指定日子免費升級至Mira 套房70【預訂日期：2022年7月8日至7月17日】

 

香港美麗華酒店 The Mira Hong Kong又有Mira套房70搶！住宿快閃優惠價錢連服務費$1,188起，包含住宿一晚連雙人早餐，而房内享用嘅心心相印滋味盛盒都幾啱打卡、食材都幾精彩，包括炭燒蒜香開邊波士頓龍蝦、心形爐燒澳洲牛柳或加拿大煙燻豚肉柳、海鹽煎帆立貝、炭燒醬油墨魚、蜜餞豚肉腸、香草西蘭花及香草牛油烤菌、蜜糖燒甜薯及南瓜、烤阿拉伯薄餅包等，仲包咗一次房間迷你包飲品！

海景嘉福洲際酒店 - 7月快樂狂賞買一送一，價錢連服務費$2,728起，連續入住尊尚城市客房兩晚、首晚房內雙人四道菜晚餐、入住翌日雙人自助早餐、房內浪漫佈置、Moët & Chandon香檳一瓶、馬卡龍及朱古力士多啤梨【預訂日期：2022年7月8日至7月17日】

 

海景嘉福洲際酒店InterContinental Grand Stanford推出買一送一快閃，將原本專門用來求婚或慶祝熱賣嘅洲際浪漫時刻套票加碼送一晚續住淨房，套票價錢連服務費為$2,728起，包一晚尊尚城市客房及標題嘅一大堆慶祝禮遇，快閃期間會送多連續入住第二晚嘅淨房！

另外，同時亦推出夏日Häagen-Dazs雪糕Sweet-cation主題客房套票，每晚價錢連服務費$1,980起，入住Häagen-Dazs主題客房一晚、雙人自助早餐、雙人下午茶包括Häagen-Dazs任食、Theo Mistral by Theo Randall意大利餐廳三道菜雪糕主題晚餐及六杯Häagen-Dazs雪糕連冰袋！

YMCA港青酒店 - 7月快樂狂賞快閃優惠，價錢連服務費$1,688起，入住海景客房一晚連雙人自助早餐及自助晚餐，限量搶免費升級海景套房【預訂日期：2022年7月7日至7月17日】

 

The Salisbury - YMCA of Hong Kong自助晚餐住宿快閃又黎喇！今次除咗搶海景套房之外，仲會有隨緣DBS信用卡1折優惠碼搶，如果搶到當上咗車！

帝樂文娜公館 - 負房價快閃，每晚$880起+10%，入住豪華房一晚、雙人早餐及$800房內餐飲消費額【預訂日期：2022年7月7日至7月9日】

 

好似好耐都冇提過「零房價」呢個彷如上世紀嘅字眼、更莫說負房價，近月零房價酒店優惠幾近絕跡，位於尖沙咀北歐風設計嘅帝樂文娜公館The Luxe Manor就逆市推出限時3天嘅負房價快閃，兼且入住豪華房係屬於除咗套房以外、四款客房之中最高級及面積最大嘅房型嚟架，面積都有成330呎架！

香港迪士尼樂園 - 住宿快閃：香港迪士尼樂園酒店，標準客房每晚$1,118起+10%；迪士尼探索家度假酒店，標準客房每晚$1,050起+10%【預訂日期：2022年7月6日至7月8日】

香港迪士尼樂園兩家酒店本周第三波快閃淨房快閃，今次兩家酒店同時開賣標準客房，不過香港迪士尼樂園快閃價錢一向飄忽，今早10點開賣時大家不妨睇下系統有冇啱大家嘅日期同埋價錢。

香港迪士尼樂園 - 7月快樂狂賞住宿連門票快閃：香港迪士尼樂園酒店/迪士尼探索家度假酒店，標準客房連星期三優惠票兩張，價錢連服務費$1,989起【預訂日期：2022年7月5日至7月8日】

 

【迪士尼酒店第二波】香港迪士尼樂園兩家酒店同時推出住宿連門票快閃，價錢連服務費$1,989起，只限星期二及星期三入住，而優惠迪士尼樂園門票適用於星期三使用，同時亦有佛系DBS信用卡1折優惠碼搶，大家得個知字啦。

Marriott Bonvoy - 萬豪國際集團與Vinpearl簽署協議在越南將增設8家酒店

 

萬豪集團宣布與越南最大連鎖酒店集團Vinpearl達成協議，在越南的8家酒店將改為由萬豪管理，這將在未來幾年大大擴展萬豪集團在越南的業務。

香港柏寧鉑爾曼酒店 - 尊貴鉑爾曼客房快閃，價錢連服務費$999起，入住尊貴鉑爾曼客房一晚連雙人行政酒廊禮遇，包括早餐、下午茶及黃昏雞尾酒、平日延遲退房至3PM【預訂日期：2022年7月4日至7月20日】

 

香港柏寧鉑爾曼酒店The Park Lane Hong Kong, a Pullman Hotel呢個快閃抵玩，平常官網訂房即使係Accor Plus會員折扣後最平嘅高級房連服務費後至少都要$756起，咁今次呢個快閃比起要付年費嘅Accor Plus會員優惠價只係貴$243、價錢連服務費$999起就包埋行政酒廊禮遇、升級至配備有專屬OGAWA按摩椅嘅尊貴鉑爾曼客房及星期日至四可以延遲退房至下午3時，抵玩架！

另外同時推出柏寧套房快閃，價錢連服務費$2,588起，一樣包括雙人行政酒廊、星期日至四可以延遲退房至下午3時及房内專屬按摩椅，兼且仲有入住期間額外$1,000餐飲消費額回贈！

迪士尼探索家度假酒店 - 豪華客房連樂園成人門票快閃，價錢連服務費$2,399起，入住豪華客房一晚及成人門票兩張【預訂日期：2022年7月4日中午12時起開賣】

 

香港迪士尼樂園兩家度假酒店由今日起一連三天推出三個快閃優惠，淨房、同埋住宿連樂園門票都有，而今日(7月4日)中午12:00率先推出迪士尼探索家度假酒店比標準客房高一級嘅豪華雙床客房一晚連兩張迪士尼樂園門票，價錢連服務費$2,399起。

Marriott Bonvoy - 萬豪旅享家會員未使用之套房升等券錯誤延期至2022年12月31日

 

琴日有部份萬豪會員發現原本响2022年6月30日仍未使用嘅套房升等券(Suite Night Award)自動延期至2022年12月31日，但原來係IT嘅一場鬧劇。

海景嘉福洲際酒店 - 卡通主題房快閃，價錢連服務費$1,164起，入住卡通主題尊尚客房一晚、最多兩大兩小自助早餐、兩杯雪糕、贈送零食包、迎賓玩具及Style Theory 品牌服裝租借體驗【預訂日期：2022年7月1日至7月6日】

海景嘉福洲際酒店InterContinental Grand Stanford推出卡通主題房快閃，最多可以兩大兩小入住，主題包括宇宙之旅、恐龍世界及海洋探險，主題房用品包括：床單、地毯、牆貼、兒童浴袍、小夜燈，優惠仲包括免費體驗「Style Theory品牌服裝租借體驗」，啱哂小資親子Staycation！

香港美利酒店 - 買一晚送一晚快閃，價錢連服務費$2,992起，連續升級入住N1 Deluxe客房兩晚、每日雙人早餐、首天雙人晚餐、雙人下午茶一次、提早中午12時入住及下午6時退房【入住日期：2022年7月1日至7月10日】

 

抵呀！香港美利酒店The Murray Hong Kong推出限量搶買一送一快閃！價錢連服務費$2,992起就可以連續入住兩晚！並且首天可於指定餐廳享用雙人期間限定豪華和牛/白酒青口晚餐盛宴、每日雙人早餐及入住翌日或退房日享用雙人下午茶一次！並且可以提早中午入住及下午6PM延遲退房！星期日至四更可以升級入住N1 Deluxe客房！

同時亦推出DBS信用卡1折優惠碼，若果搶倒code可以以包服務費$333起升級入住Signature Suite套房一晚、雙人豪華和牛/白酒青口晚餐盛宴、下午茶、早餐、提早入住、延遲退房、免費泊車及攜帶一隻寵物，然而搶code這些機會...不過其實阿迪哥認為即使無code價連服務費$3,322起住套房、包三餐及多項禮遇其實都已經好抵，今次可能好多人只著眼一折code會走漏眼其實$3千幾住套房包3餐唔去搶，大家不妨偷下雞🐤。

Marriott Bonvoy - 萬豪旅享家會員於大中華區酒店用餐折扣調整及更新亞太區會員專享禮遇【生效日期：2022年7月1日至12月31日】

 

由今日2022年7月1日起，萬豪旅享家會員於大中華區酒店用餐折扣將有所調整，白金、鈦金及大使會員跟金卡會員睇齊最高可享8折，但當然個别酒店可能會提供更高優惠、或者不提供折扣、又或者有條件地提供優惠就要靠各位用餐前自行去了解清楚。