酒店宅男 - 阿迪哥 - 酒店及航空常客交流: Accor

顯示具有 Accor 標籤的文章。顯示所有文章

2026年7月19日星期日

American Express - 香港發行美國運卡積分兌換酒店積分比率比較

AE積分已經可以兌換雅高積分喇，即係話而家AE積分一共有三大酒店集團可以換，除咗雅高外仲有萬豪及希爾頓，究竟換邊個酒店集團積分最高CP值？睇內文阿迪哥有分析。

2026年7月18日星期六

Accor Live Limitless - 雅高臻享卡暑期限時禮遇，活動期間使用臻享卡免費住宿券入住後可額外送贈一張五折房價折扣券【預訂日期：2026年7月15日至9月29日】

雅高臻享卡暑期最新活動，現有或新會員都一樣有著數！只要每次使用臻享卡超悅版或卓悅版內附有嘅免費住宿券預訂大中華區酒店並完成入住，將可獲贈一張五折房價折扣券。

2026年6月14日星期日

Accor Live Limitless - Accor Plus限時優惠，購買Explorer會籍額外贈送2,000積分【優惠期：即日起至2026年6月30日】

入手Accor Plus Explorer機會來了！Accor Plus推出限時優惠，購買Explorer會籍期間限定獲贈2,000分(等值€40歐羅，約HK$365)，Explorer會籍福利每年自動有30晚ALL保級房晚、兩晚免費亞太區、澳紐或阿聯酋酒店、酒店餐廳餐飲優惠及訂房高達50%優惠，正好而家雅高臻享卡亦同時做緊促銷活動，只要再用¥1,099入手一年臻享卡卓悅版、每年自動有多20晚ALL保級房晚，即係兩者合共已經比咗50晚你！實際住多10晚白金會籍輕易到手！

2026年5月19日星期二

Accor Live Limitless - 雅高臻享卡618限時促銷，臻享卡助你快速升級雅高心悅界白金會籍及獲取寰宇一家Sapphire【活動日期：2026年5月20日至6月20日】

阿迪哥有時見到大家跑航空公司會籍都幾心痛，坐車上廣州飛、又或者一日之內去兩次台灣丶再飛曼谷來回再折返人間，然後隔一陣又要飛上廣州飛埋條尾，最後係為咗入Lounge、Group 3上機、行李優先。

最快捷便利一飛即時入手寰宇一家Sapphire嘅機會返嚟喇喂！趁住今次雅高臻享卡推出618閃促臻享優惠，可以低成本成為寰宇一家Sapphire會員，今次臻享卡超悅版勁減¥500人民幣(送30房晚助升級+2晚免費住宿)、卓悅版狂減¥389人民幣(送20房晚助升級+1晚免費住宿)，另外今次優惠只要盡速使用免費房券完成入住，最高可以再額外送高達3,000雅高心悅界積分(等值€60歐羅)，即係回血約HK$546！內文阿迪哥會一步一步解釋如何以低成本將雅高白金卡及卡塔爾金卡同時到手！

2026年4月24日星期五

Accor Live Limitless - 雅高集團指定國家高達3倍積分活動【預訂日期：即日起至2026年5月3日】

雅高指定國家嘅酒店入住享高達3倍積分，可以响活動完結前訂定至2026年8月31日或之前嘅住宿都可以享受高達3倍積分，如果訂啲遠嘅日子貴少少都要記得要訂可以免費取消價錢保平安！指定地點不乏熱門旅遊地區包括日本、韓國、新加坡、馬來西亞、泰國、澳洲、紐西蘭等。

2026年1月27日星期二

Accor Live Limitless - 雅高集團大中華區酒店高達75折【預訂日期：即日起至2026年2月12日】

雅高集團大中華區酒店高達75折快閃，近排應該好多朋友都跑緊10晚雅高，大家不妨睇睇呢個優惠，啱價就可以訂埋佢，最重要係訂咗可以限期之前免費取消！

2026年1月26日星期一

實測：雅高白金卡會員卡塔爾航空QR970胡志明市-金邊一飛升卡塔爾航空Privilege Club金卡

襯住雅高臻享卡做緊優惠，可以快速升雅高白金，升白金後連結卡塔爾帳戶後可以一飛Privilege Club金卡，最快速及成本最低方法就係乘搭卡塔爾航空嘅胡志明市-金邊第五航權航班，有粉絲為慳時間一日之內飛哂香港-胡志明市-金邊-香港，呢篇文章詳細解釋整個飛行流程及升金卡速度。

2026年1月18日星期日

Accor Live Limitless - 雅高心悅界/卡塔爾航空連結會員帳號及會籍快速升級

即將會有好多準雅高白金會員，所以有必要獨立寫一篇升白金後一定要做的事情，就係連結卡塔爾航空連結會員帳號及一飛升卡塔爾金卡，從而可以得到寰宇一家Sapphire嘅福利。

2026年1月16日星期五

Accor Live Limitless - 雅高臻享卡新年「臻寵」免費房券促銷活動，使用阿迪哥連結購買可享額外1,000雅高積分，臻享卡助你快速升級雅高心悅界白金會籍及獲取寰宇一家Sapphire【活動日期：即日起至2026年1月31日】

1月份肯定係雅高月，首先匯豐Everymile「獎賞錢」終於再做轉換雅高積分加乘50%優惠活動。

另外雅高臻享卡推出新年活動優惠，除可以優惠價購買外，購買後使用免費房券入住後、再送多一張住宿五折券及1,000雅高積分(等值€20歐羅，約HK$182)，購買臻享卡超悅版可獲30個房晚、再購買臻享卡享悅版再可獲20個房晚，合共50晚，再自住10晚後雅高白金卡就可以到手！白金會員福利包括房間升級、亞太區酒店雙人早餐及部分行政酒廊福利等，同時利用匯豐「獎賞錢」換來超抵嘅雅高積分與及購買臻享卡得來嘅免費房券及五折券，跑埋餘下嘅10晚成本就可以大大降低！

況且，襯年初雅高心悅界白金會員快速升級卡塔爾金卡活動仲有充足名額，所以盡早跑埋卡塔爾金卡(相等於寰宇一家Sapphire)絕對上算，內文阿迪哥會一步一步解釋如何以低成本將雅高白金卡及卡塔爾金卡到手！

2025年12月16日星期二

酒店入住報告：塞舌爾 - 塞舌爾莱佛士酒店 (Raffles Seychelles)

莱佛士酒店Raffles是雅高集團內最頂級奢華品牌，而Raffles Seychelles位於塞舌爾的普拉蘭島(Praslin Island)，由國際機場位於的馬埃島前往必需乘搭內陸機、客輪或包直升機前往酒店。

2025年11月21日星期五

酒店入住報告：河內 - Mercure Hanoi la Gare

河內已經沒有凱悅、萬豪集團酒店又貴，反正自己Marriott Bonvoy已經半躺平，無謂同錢作對，所以又係利用Accor積分嘅時候。

2025年11月15日星期六

酒店入住報告：富國島 - Premier Residences Phu Quoc Emerald Bay Managed by Accor

雅高集團旗下Premier Residences Phu Quoc Emerald Bay Managed by Accor位於富國島南部Khem Beach，是越南Sun World在富國島南部座落在Khem Beach的三大酒店之一，最終阿迪哥三家酒店都完美解鎖，富國島南部旅遊資源豐富，包括跨海纜車、接吻橋及日落小鎮等，出海活動住在南部亦較便利，究竟三家Khem Beach酒店如何選擇？

2025年8月5日星期二

Accor Live Limitless - Accor Plus將會更名為ALL Accor+ Explorer及更新會員福利【實施日期：2025年10月1日】

會員制度改革一般都係噩耗，首先真係唔知邊位天才改個咁長嘅名「ALL Accor+ Explorer」？真係方便講出嚟咩？今次改革係有好有唔好，但總括嚟講係壞的多、好的少，但如果你想要最簡易及低成本方法保住ALL嘅白金會籍，咁你又的確需要買佢喎！因為新計劃之下每次購買會籍或續會都會送30合資格房晚(原本送20晚)！

2025年8月1日星期五

Accor Live Limitless - 註冊後首次入住亞太區、中東及非洲酒店可享額外500積分【預訂日期：2025年8月1日至10月31日】

雖然500分只值€10歐羅，約等值HK$89，但係有得賺無理由唔賺，註冊咗先啦！

2025年7月26日星期六

Accor Live Limitless - 雅高心悅界銀卡或以上會員首次下載及登入手機應用程式可獲取高達1,000積分【活動日期：2025年7月15日至9月30日】

如果雅高心悅界銀卡或以上會員從未登入過手機應用程式就發達了，只需要响活動期間簡單地下載及登入手機應用程式就可以輕鬆獲得獎勵積分！

2025年7月16日星期三

Accor Live Limitless - 雅高臻享卡及Accor Plus暑期促銷活動，雙劍合璧助你快速升級雅高心悅界白金會籍【活動日期：即日起至2025年7月31日】

入手雅高白金卡最佳時機又來了！雅高臻享卡及Accor Plus同時推出暑期促銷，「超悅版」暑期優惠CNY2,288/一年(原價CNY2,688)、「卓悅版」CNY1,099/一年(原價CNY1,488)，持有臻享卡嘅福利非常豐厚，重點福利是每年可獲高達2晚免費住宿、5折房價禮券等，當中最重重重點福利係「超悅版」激活後可即時獲得30個保級房晚，即時升級雅高心悅界金卡會籍，「卓悅版」激活後則可即時獲得20個保級房晚，趁住今次嘅優惠購買超悅版臻享卡、然之後再買埋同時亦做緊送3,000 ALL積分(等值€60歐羅，約HK$508)優惠嘅Accor Plus再可得20個保級房晚，即係話再住多10晚就可以升級白金，再進取一啲，只要同時購買兩份「卓悅版」激活後即時獲得40個保級房晚，加埋Accor Plus再可得20晚，即係話唔洗住就可以直接入手雅高心悅界白金卡！而且成本比「超悅版」更低！白金會員福利包括房間升級、亞太區酒店雙人早餐及部分行政酒廊福利，兼且仲可以快速申請升級卡塔爾航空金卡會籍！即係相等於寰宇一家Sapphire！