又係阿迪哥提提大家嘅時候，一年又過去，2023年萬豪旅享家會員入住滿50及75晚嘅Choice Benefits禮選必須於2024年1月7日前自行作出選擇、否則50晚/75晚禮遇系統會自動設定為5晚套房升等券 (Suite Night Award)，明年將改名為客房升級券(Nightly Upgrade Award)，如果您一直有留意阿迪哥已經講咗幾年、迪迪有個慣例75晚嘅一晚住宿禮遇(Free Night Award)每次都係踏入第二年限期前先至會選擇，過去幾年選擇後有效期都會至翌年12月31日，即係差不多足足有兩年有效期，今年都唔例外將會2024年先去揀，希望呢個小bug都唔會有變啦！預祝大家新年快樂！
感謝Klook x TOWNPLACE WEST KOWLOON本舍邀請入住體驗，本舍於2023年10月剛新開業，採用長短租賃酒店混合模式，共提供843間客房，酒店最初開放月租服務，但最近亦已經開放埋日租酒店形式，本舍主要提供多種開放式Studio及一房型單位，但亦設有兩房及三房選擇，若果有外地讀者或親友訪港、或者有需要月租酒店都可以參考一下今次入住報告。
香港終於再有零房價！Regala Skycity Hotel 麗豪航天城酒店「零房價」快閃除服務費外房價全數回贈餐飲消費額，可以使用於「磊」自助餐、Vivace酒吧及扒房或中菜廳「玉」，酒店位於香港國際機場亞洲博覽館旁邊，最啱睇演唱會順便住返一晚、又或者trip前trip後chill多一晚、玩盡個假期。
位於卡塔爾首都多哈的Grand Hyatt Doha Hotel & Villas開業於2009年3月，是凱悅集團首家進駐該國的酒店，酒店位於多哈的West Bay Lagoon區域，除了酒店外還包括別墅住宿。
經過幾次測試彈入彈出後 Le Meridian Hualien Resort 花蓮潔西艾美渡假酒店終於响萬豪官網開放預訂，標準客房彈性價每晚TWD11,809起，連稅TWD13,639、約HK$3,444，價錢非常進取，但確實佢係一家渡假式酒店，兼且每間房都有溫泉浴缸，若以積分預訂每晚42,000分。
萬豪集團响曼谷即將又有新酒店！Moxy Bangkok Ratchaprasong目前已接受2024年5月1日起預訂，會員彈性價每晚價錢THB3,040起，連稅THB3,578(約HK$809)。
隸屬台灣寒舍集團旗下，最有名係佢嘅景觀遊泳池，致身在泳池可欣賞台北101嘅Humble House Taipei 台北艾麗酒店現已加入希爾頓成為Curio Collection一員，希爾頓官網現已開放預訂，不過積分房目前只開放Premium Room Rewards，每晚需要83,000分起。
宵夜自助餐強勢回歸！琴日有網友問有冇宵夜自助餐優惠，買二送二今日即刻送畀你！每位百幾蚊食宵夜buffet有生蠔、海鮮拼盤應該好快被搶購一空，而且係由香港康得思酒店 Cordis Hong Kong 主理，所以今日早少少通知大家！The Place逢星期五供應深夜自助餐，以香港大排檔為藍本，除咗即開美國石蠔外，每位可選一份海鮮拼盤或刺身拼盤，仲有各款大排檔美食，例如椒鹽魷魚鬚、黯然銷魂飯、小炒王、及洋蔥芽菜風味薯條配余均益辣椒醬等。
九龍酒店 The Kowloon Hotel 抵食自助餐優惠買3送1，自助午餐主打冰鎮海鮮，提供生蠔、加拿大雪花蟹腳及智利藍青口等，折扣後連加一平均每位HK$312起；自助晚餐則以全新主題尋鮮之旅海鮮自助晚餐，主打蒸半邊龍蝦、蒸鮑魚、蒸沙巴龍躉、香煎鴨肝及日本清酒生蠔海膽杯等，折扣後連加一平均每位HK$510起。
若果打算聖誕節留港消費搵啲平靚正活動Harbour Plaza 8 Degrees 8度海逸酒店呢個high tea就抵爆，下午茶套餐優惠，12月份聖誕下午茶62折，折扣後二人合共HK$299，平均每位HK$149.5，另收正價加一，聖誕節下午茶套餐包括香煎鵝肝多士、黑松露芝士焗薯蓉及聖誕鬆餅等多款鹹甜美點，若果一月份用餐全新主題SNIDEL春漾絮語下午茶6折就更抵，平均每位只需HK$113，另收正價加一，當係hea番兩個鐘頭都抵！
香港沙田凱悅酒店 Hyatt Regency Hong Kong Sha Tin一月份有幾晚跌至HK$880+10%， 可以免費取消唔係唔訂咗先呀話？
又要計劃新一年保級，World Of Hyatt明年Milestone Rewards將會改制，進取嘅Globalist會員可能目標150晚，阿迪哥見香港沙田凱悅酒店 Hyatt Regency Hong Kong Sha Tin一月份會員彈性價每晚HK$880起+10%！唔係人人都會選擇一切大小事務一律北上解決的，一年慢慢長路要贏在起跑線呢口價值得考慮！
凱悅集團响越南首都河內唯一一家酒店Hyatt Regency West Hanoi將會離開凱悅集團營運，雖然阿迪哥冇計劃入住，但其實都幾可惜，除咗係河內唯一Hyatt外、仲要係一家Category 1酒店。
有時覺得保級GHA真係浪費人生...不停週圍大送會籍，MasterCard又送會籍喇，持有World MasterCard可快速匹配GHA白金、持有World Elite MasterCard可匹配GHA鈦金，今年沒有保級嘅阿迪哥會等到明年降級後再試呢個活動，理論上新嘅會籍有效期會去到2025年12月31日。
又有另一家台北抵住商旅酒店優惠，都係同樣仲平過格價網站！德立莊 Hotel Midtown Richardson 同樣位於西門町、但近接近西門捷運站位置更佳，而且兼享步行往台北車站站前一帶更便利！把握今次快閃優惠只有幾日預訂期！
Kempinski推出全新手機應用程式，只要下載全新Kempinski手機應用程式及入住可賺取D$100(相等於US$100)，本身阿迪哥琴日想出呢個post，但收到風呢個活動條款可能會搬龍門，最終結果係由今日起2023年12月15日起預訂所有中國酒店都不參與活動。
一直以來CP值甚高嘅香港萬麗海景酒店Renaissance Hong Kong Harbour View Hotel嘅萬麗咖啡室12月自助餐傳統旺季都有買1送1快閃！如果屋企做冬、公司年尾聚餐都可以諗諗喎！
萬豪旅享家跟新加坡航空公司合作，最重磅福利係萬豪白金會員或以上連結帳戶係可直接匹配成為Krisflyer銀卡及6個月內飛4程後更可獲得Krisflyer金卡會籍一年！
GHA推出保留精英會籍資格活動，若果今年未能成功保級白金或鈦金會員，購買指定D$即可成功保級至2024年12月31日。
台北嘅國際集團酒店貴，若果唔需要跑酒店會籍嘅朋友不妨考慮入住商旅酒店，HOTEL PAPA WHALE位於西門町昆明街，今次優惠仲平過格價網站！
希爾頓集團率先宣佈2024年Q1全球積分推廣活動，今次活動每次入住可以賺取2,000獎勵積分，另外當入住時使用電子房卡(Digital Key)更可額外賺取500分，希爾頓積分活動已變常態，大家已經冇曬感覺，咁其實仲有幾多朋友係每年仍然繼續跑緊Hilton架？
自從開關後香港文華東方酒店 Mandarin Oriental Hong Kong 嘅淨房價已經慢慢地升到接近HK$5千起跳，今次呢個週末限定優惠差不多接近真半價！若果想重溫一下Staycation時光，或者有親友來港都啱洗，除咗星期五六日有優惠之外，就連跨年及農曆新年假期都有！弱弱一問，香港文華東方嘅海景房或者皇后像廣場景觀客房睇唔睇到煙花呢？
IHG積分一直以來如果需要轉分至其他會員帳號內每1,000分需要付USD5美元手續費，個價錢相等於買分100%獎勵時一樣，佢都傻嘅，但由即日起Diamond Elite會員可將自己帳號內積分免費轉比其他會員，但其實最需要積分嘅係Diamond會員囉！
台北酒店價錢貴到懷疑人生，如果1月份有計劃遊台北呢個快閃package就抵爆！每位HK$3,380起，套票包上午機去、下午機返經濟艙來回機票、Courtyard by Marriott Taipei 台北六福萬怡酒店2晚連自助早餐及北投春天酒店泡湯券享受露天風呂，仲包哂全部稅項！酒店位於捷運南港站、台灣高鐵南港站和南港火車站三鐵共構大樓的7至30樓，去邊度都咁方便！
香港美利酒店 The Murray Hong Kong 海鮮半自助晚餐推出買1送1快閃，除咗任食冰鎮海鮮、煙燻或醃製海鮮、各式沙律冷盤、是日烤肉、海鮮、炒海鮮、烤海鮮等，每位客人更包括一份主菜，主菜可選擇烤西冷牛扒、薑蔥XO醬蒸石斑魚、法式焗龍蝦或菠菜意大利雲吞，仲可以任飲精選汽泡酒、紅酒及白葡萄酒非常精彩！
The Bodrum EDITION位於土耳其西面愛琴海海岸度假城市Bodrum，酒店位於Bodrum 市東北面Yalikavak地區，據說伊斯坦堡一些富豪都在這區置業作為夏季的渡假屋，Yalikavak是當地的豪宅區，而The Bodrum EDITION是一家季節性的渡假酒店，只限每年4月至10月營業。
香港康得思酒店Cordis Hong Kong嘅The Place响12月份推出聖誕限定菜單自助餐，即開生蠔、新鮮龍蝦及鱈蟹腳、藍青口、清蒸海鮮 – 鮑魚、扇貝；威靈頓牛柳、香烤牛肋排、香烤羊排伴迷迭香醬、即煎鵝肝、鹽燒牛舌、即切烤火雞、威靈頓牛肉、香烤乳豬、白蘭地龍蝦濃湯 、火焰雪山、薑餅焦糖布丁、迷你聖誕車厘子樹頭蛋糕，今次快閃連12月24日及25日均開放買二送二限量搶，相信呢兩日會好快賣哂！
分享番啱啱完結台灣行程嘅最後一家酒店，台南可以選擇的酒店不多，原本訂咗萬豪集團安平Aloft，但與朋友閒聊之間話我唔好成日住埋啲cheap酒店啦，就建議咗我來台南遠東香格里拉Shangri-La Far Eastern Tainan ，酒店位置真係非常便利，就在台鐵台南站後對面，但當然是預期中的上兩個年代設計，首先跟大家分享10張精選相片。
匯豐信用卡真係全城最抵玩嘅信用卡，除咗賺分超多，而家仲推出獎賞錢兌換飛行里數及酒店積分額外獎賞，今次推廣分為兩個階段，首階段由即日起兌換英航額外20%、澳航額外30%、IHG優悅會額外50%，第一階段阿迪哥只對澳航有少少興趣，因為用澳航積分換阿聯酋商務艙及頭等艙比使用阿聯酋自家飛行里數積分相對較低、及稅項較便宜，不過就好難搵到香港出發嘅機位，而第二階段將會有國泰亞洲萬里通額外10%、雅高心悅界額外50%及卡塔爾額外20%，阿迪哥由始至終一直推崇使用EveryMile兌換雅高，因此今次必定換盡佢個上限！
香港金域假日酒店Holiday Inn Golden Mile嘅Bistro on the Mile 12月份推出繽紛聖誕自助午餐及自助晚餐，有多款海鮮及聖誕主題美食，自助晚餐更有生蠔供應，半價非常抵玩！
愛死Hyatt了！由2024年起凱悅天地2024年Milestone Rewards將會有所變更，過往賺取獎勵上限每年100晚、未來調高至150晚，另外Guest Of Honor預訂畀家人朋友除咗使用積分預外、更可使用於付費預訂，不過唯一負面改變係Guest Of Honor將來唔再係無限次使用，而可以使用嘅次數將需要响Milestone Rewards裏面賺取，另外變更後嘅Milestone Rewards將會有更多唔同嘅獎勵選擇！
香港文華東方酒店嘅快船廊自助晚餐推出買一送一！限量搶搶！折扣後連加一每位只需HK$401起咋！不過自助晚餐會分兩輪食，分別為18:00-20:00及20:30-22:30，不過都抵爆啦，搶啦！
百樂酒店Park Hotel Hong Kong自助餐本身已經抵食、價錢唔貴，今次做埋買二送一就更加抵上加抵！自助午餐歎冬蔭公海鮮魚柳鍋、冰鎮海鮮拼盤、D24 榴槤卷；海鮮自助晚餐連果汁啤酒任飲，送磯燒鮑魚拼烤扇貝，花膠蠔餅、花膠海斑素翅湯、MÖVENPICK雪糕；下午茶自助餐品嚐多達10款雜莓與朱古力鹹甜點！
阿迪哥去旅行未必一定去景點，最重要可以體驗下當地人嘅生活、或者宅吓酒店最開心，不過去到一個第一次去嘅地方都總會花少少時間去一啲必去嘅旅遊景點，所以嚟到台中彩虹眷村及高美濕地就係必遊嘅打卡位。
台灣酒店周末臨時臨急預訂真係一房難求，一唔係就天價，本身預咗要响新竹住3晚避過週末，殊不知入住前一天响官網狂loop之下 Moxy Taichung 台中豐邑Moxy酒店星期六chok到一間房出來，仲要係最平嘅標準房，真係仲難搶過平時啲快閃，最終可以提前一日去台中過週末，取消新竹EPISODE Hsinchu, Jdv by Hyatt可以慳返8,000凱悅積分係最開心，因為本身凱悅啲分慳住慳住唔捨得用，anyway萬豪Q4活動第3個品牌完成3,000分任務，入住報告完成前先分享10張相片。
雖然對大家未必有影響，但原本呢個方法係跑Lifetime Globalist其中一個最好方法...如果有錢的話，但係2023年12月31日之係相方合作將會終止。
原本行程計劃停台北8天後回港停留一晚再轉飛另一個國家，但計劃有變，所以將回程機票全部取消，終於可以再重過後生時代沒有計劃行程、沒有回程機票的生活，之後先和同一班朋友去了宜蘭、朋友們早兩天已回港，如何計劃下一步行程係取決於酒店，越接近周末全個台灣合適的酒店集團絕大部分房價就越貴或甚至星期六晚爆滿，就係咁嘅原因高鐵就帶咗我來新竹入住新竹伊普索凱悅尚選酒店 (EPISODE Hsinchu, Jdv by Hyatt)，Hyatt Brand Explorer第7個品牌入手，完整入住報告完成前先分享10張相片。
如果嚟緊有機會入住大中華區雅高集團酒店建議註冊咗呢個雙倍積分活動呀！
香港富麗敦海洋公園酒店The Fullerton Ocean Park Hotel Hong Kong出招！星耀廳12月份推出冬日美饌自助晚餐6折！另外11月份自助餐亦有高達買2送1，搶呀！
香港諾富特世紀酒店 Novotel Century Hong Kong「東瀛の味自助晚餐」及「聖誕自助晚餐」通通一律推出半價快閃！
萬豪今年較早前宣佈將會推出兩個新品牌Apartments by Marriott Bonvoy及Four Points Express by Sheraton，本身萬豪旅享家會員計劃每個品牌嘅福利都有所不同，而家推出越來越多新品牌就更加混亂。
IHG發送咗電郵畀特選鑽卡會員，可以購買指定積分當作今年成功保級鑽卡，鑽卡有效期即可延期至2024年12月31日，以阿迪哥帳號為例購買120,000分可保級，亦有其他戶口可以購買比少嘅積分保級，同時間IHG再推出購買積分100%獎勵優惠，由於一般對IHG積分估值為每1,000分約值US$5美金、而透過今次折扣優惠買分剛好就係每1,000分成本為US$5美元，自從IHG積分兌換酒店轉為浮動制後，其實唔難搵到一啲購買積分奬勵後預訂嘅好deal，因此如果有目標心儀酒店、計啱條數抵買、又即時可用係值得購買嘅。
阿迪哥提提大家呢個活動超抵，萬豪旅享家鈦金及大使會員活動期間每次入住酒店可額外賺取500里聯合航空MileagePlus里數，若果12月6日之前入住更可以叠加埋萬豪Q4全球積分活動每次入住額外賺取多1,500分！
今次來台北其中一家入住嘅酒店係响去年新開業屬於凱悅集團嘅新北新莊凱悅嘉軒酒店Hyatt Place New Taipei City Xinzhuang，未有完整報告前先跟大家分享關於酒店嘅10張相片。
好消息呀！鍾意儲飛行里數既您一定要留意啦！只要有食飯及外幣簽賬神卡中銀Cheers Card，賺里數真係無難度！用呢張卡食飯及外幣簽賬10X積分， 相等於HK$1.5/里或4%回贈！仲要10X積分每月上限獎賞真係超高，簽賬HK$25,000先至用盡，可以賺足250,000分(每15分可轉換成1 Asia Mile，即係每月可賺約16,500里)。
Grand Lisboa Palace Macau 澳門上葡京酒店嘅自助山自助午餐及自助晚餐都有快閃優惠！今次仲會送NY8新八佰伴MOP$50購物優惠券！
九龍酒店 The Kowloon Hotel 抵食快閃優惠，自助晚餐今期則推出味歷避風塘主題及生蠔海鮮為主打，美食包括避風塘蒜香比目魚、避風塘炒蝦、避風塘炒蜆、避風塘艇仔粥及避風塘炒蟹等，折扣後連加一平均每位HK$543起！自助午餐主打冰鎮海鮮，提供任食生蠔、加拿大雪花蟹腳、智利藍青口及紐西蘭青口等，折扣後連加一平均每位HK$324起！
阿迪哥日前去咗今年9月先至開業位於Galaxy Macau 澳門銀河嘅澳門安達仕酒店 Andaz Macau 同朋友慶祝生日，酒店當然很新淨及設計時上，但服務都很出色，首先跟大家分享10張精選相片先睹為快。
雙11重頭戲！香港文華東方酒店 Mandarin Oriental Hong Kong及香港海洋公園萬豪酒店 Hong Kong Ocean Park Marriott Hotel兩大酒店自助晚餐優惠限量搶！
