Marriott Bonvoy Points Advance及手動扣除積分操作說明

萬豪系統用積分換免費住宿一直都有一個好特別、又好正嘅功能，就係即使戶口未有足夠積分都可以訂咗房先(其他酒店集團要戶口有足夠積分先訂得)。

Hotel Review：Courtyard by Marriott Shenzhen Northwest (深圳同泰萬怡酒店)

過去一年深圳接連開咗三間Courtyard by Marriott，而且其中兩家都位處寶安區，所以都好容易令人混淆，好多人都以為交通好不便，其實今次入住呢間Courtyard Shenzhen Northwest雖然遠咗少少，但有深圳地鐵直達，所以完全沒有交通不便嘅缺陷。

希爾頓新品牌 - Signia Hilton

Hilton又有新品牌喇喂！新品牌Signia Hilton係繼Canopy、Tapestry Collection、LXR及motto後屬於希爾頓目前第17個品牌，但實際上以上品牌都只係為數極少的酒店數目，為追上Marriott、IHG、Accor每個月不斷增加品牌及酒店數目，希爾頓目的顯然易見吧！

Marriott Bonvoy會員於亞太區酒店用餐高達七折

以前SPG會員計劃有一個特點，就係即使非入住期間於酒店餐廳用餐都一樣可以累積積分，原本預訂呢個會員權益將會响合併後將會失去，但係萬豪一早就已經將呢個咁好嘅權益帶到新會員計劃(按此)，不過就並非足本版，因為响新計劃入面只有响亞太區酒店先可以儲分(指非入住期間)，不過已經好適合住香港嘅我哋啦！以下係Marriott Bonvoy各級别會員於亞太區酒店用餐嘅優惠：

● Silver會員9折
● Gold會員85折
● Platinum、Titanium、Ambassador會員8折

Accor將於2020年推出全新會員計劃

Accor嘅現有會員計劃名稱叫Le Club AccorHotels，新會員計劃將會叫作ALL of Accor...(World Of Hyatt話同你好friend咩！學到咁似)，ALL係代表=Accor Live Limitless嘅縮寫。

萬豪新人住兩次送一晚【活動日期：2019年2月15日 - 2019年6月28日】

萬豪嘅新人住兩次送一晚值25,000分嘅房券又返嚟喇！今次活動期由2019年2月15日至2019年6月28日，响活動期間内注册成功後四個月內付費入住兩次(非兩晚)就可以獲得一晚值25,000分嘅免費住宿券。

Hotel Review：The Ritz-Carlton, Shenzhen (深圳星河麗思卡爾頓酒店)

阿迪哥非常期待呢個週末宅酒店刷房，因為今次入住萬豪集團中最喜歡嘅品牌Ritz-Carlton，雖然阿迪哥在此之前只曾住過兩家Ritz-Carlton，但兩次經驗都非常深刻，亦很快便愛上這個品牌，所以今次入住深圳呢間Ritz-Carlton亦特別感到興奮。

VISA Signature、Infinite卡入住兩次/或四晚Hilton升金卡會籍活動【推廣期間 2019年2月15日 - 2019年7月31日】

希爾頓金卡一直係酒店中階會籍中權益含金量最高嘅一個，最簡單直接嘅權益就係入住所有希爾頓品牌都送早餐，對於住响我哋香港最容易、簡單獲得希爾頓Gold會籍嘅方法我諗好多網友都知道係申請一張$7800年費嘅AE白金charge卡(或者搵人比張附屬卡您)，但係若果您覺得$7800年費唔值、又或者暫時未符合申請呢張卡嘅資格、而且手上又無其他酒店合資格會籍可以向希爾頓申請會籍挑戰的話...大家可以考慮一下呢個VISA卡持卡人專享、比金卡挑戰入住要求更低、90日內入住兩次(2 stays，非2晚)/或連續入住4晚，就可以即升希爾頓Gold，注册並成功符合入住要求，會籍將會有效到2021年3月！

Hyatt集團2019年首季積分活動【2019年2月15日至2019年5月15日】

Hyatt粉終於等了今年第一次績分活動喇，活動期間由第二次入住開始、每晚合資格房晚可獲1,000績分。

● 活動包括M Life及Small Luxury Collection
● 每晚入住Hyatt Place及Hyatt House品牌可額外多500分，合共每晚1,500分
● 整個活動期間多高可享50房晚額外積分
● 積分房及現金+積分入住亦合乎資格

希爾頓新功能：透過Points Explorer查詢酒店積分換免費住宿所需積分範圍

希爾頓積分兌換住宿變成浮動積分(dynamic pricing)後，係阿迪哥慢慢遠離Hilton嘅其中一個原因，好多網友有時問阿迪哥有關Hilton積分房都往往都對其高昂兌換率摸不著頭腦，較為高級少少嘅酒店吓吓都80,000分、95,000分。

Hotel Review：Aloft Dongguan Dynamic Town (東莞大運城邦雅樂軒酒店)

Aloft Dongguan Dynamic Town (東莞大運城邦雅樂軒酒店) 位置其實非常尷尬，因為處於深圳和東莞交界，所以有時候會認為佢位處深圳龍崗區、但酒店名字又係屬於東莞，實際上酒店處身東莞市範圍，但卻坐深圳地鐵可達。

IHG收購Six Senses Hotels & Resorts

嘩！呢個真係對阿迪哥嚟講係超級大新聞，因為Six Senses係阿迪哥其中一個好喜歡嘅獨立hotel group，Six Senses宣佈IHG以3億美元收購。

Hilton兩間馬爾代夫新酒店現已接受積分預訂

希爾頓粉絲如果去馬爾代夫來來去去都只有Conrad Maldives，雖然以前仲有兩間，但係都已經轉咗其他品牌好幾年了，等咗咁耐今年馬代終於有Hilton新酒店喇，而且一開就開兩間！兩間新酒店而家已經接受用績分預訂，而兩間酒店嘅機場交通都係快艇、唔洗坐水上飛機或內陸機，咁交通費就唔洗咁貴。

凱悅集團2019年3月18日績分兌換表調整

早前IHG兌換改表、Marriott 3月5日兌換表又改，Hilton就唔洗講、佢日日都可以改架啦，而家輪到Hyatt改表喇！！！

World Of Hyatt由2019年3月18日起將有259間酒店轉換兌換級別，當中有259間酒店提升級別、129間下降，當中一啲我哋比較關心嘅亞洲區酒店兌換改動如下：

更多SLH加入World Of Hyatt體系【現在已增加至110間】

Hyatt係各大酒店集團之中酒店數量最少嘅其中一個集團，阿迪哥响去年12月有提及過Small Luxury Hotels (SLH)跟Hyatt合作，令到World Of Hyatt會員有更多選擇(可以重溫呢個post)，參加咗Small Luxury Hotels嘅酒店其實全球有五百幾家，但首批跟Hyatt合作嘅只有當中嘅54間，可能因為要配合Hyatt嘅系統，所以有大部份酒店未能即時加入凱悅嘅大家庭。

Hotel Review：Courtyard by Marriott Hong Kong Sha Tin (香港沙田萬怡酒店)

Courtyard by Marriott Hong Kong Sha Tin (香港沙田萬怡酒店)其實阿迪哥不需多介紹，一直以來都係香港萬豪集團嘅保級、白金挑戰嘅刷房聖地，無他嘅，價錢便宜、性價比高，有時遇著低價分分鐘仲平過北上刷房。

Accor推廣活動入住3次可獲最高7,500 Le Club績分【2019年2月15日至2019年6月11日】

 Accor推廣活動入住3次可獲最高7,500 Le Club績分：

● 第一次入住：500分
● 第二次入住：2,500分（累積3,000分）
● 第三次入住：3,000分（累積6,000分）

萬豪2019年3月5日績分兌換表調整

萬豪一早已經宣佈，將於今年3月份實施新兌換表，2018年8月18日後無論任何酒店都不會高過Category 7，即是最高60,000分，但到咗今年3月份就會推出Category 8嘅兌換類別，即是集團內最高級別酒店每晚升到85,000分(例如：馬爾代夫St Regis、杜拜Al Maha、St Regis Bora Bora、香港Ritz-Carlton...等等)。

Marriott特選會員定向offer：額外績分或保級晚數

Marriott集團2018年第四季Mega Bonus活動已於1月31日結束，但2019年活動遲遲未出，但目前有一個類似前SPG嘅定向活動，每個會員都有唔同目標(或完全沒有offer)及獎勵，例如額外績分或額外合資格房晚(Elite Qualifying night)，阿迪哥戶口查過就無任何offer，如果大家想知道自己嘅offer可按此登入戶口，如果無offer亦可再試試登入萬豪官網後進入“Promotions”頁面查看。

利用希爾頓Day use rate降低鑽挑、保級成本，甚至回本刷積分活動

新的一年大家又要繼續保衛各大酒店會員計劃Elite member等級而努力喇，據阿迪哥非正式統計最多網友玩嘅相信係Hilton Honors，原因好顯然易見，因為希爾頓對中階會員(Gold)比其他計劃好，至少保證全線品牌送兩位早餐。

2018年萬豪會員入住50晚、75晚奬勵權益選擇(Choice Benefits)

阿迪哥提提大家，若果响2018年入面住滿Marriott、SPG酒店滿50晚及75晚，記住最遲要响2019年2月7日前選擇番舊年所應得嘅獎勵權益(Choice Benefits)呀！

麗晶酒店今日正式加入IHG Rewards Club系統

之前報導過Regent Hotels將於今日(2019年2月1日)正式加入IHG Rewards Club體系(按此重溫)。

今早望望啲績分房竟然發現Regent Taipei (台北晶華酒店)無論普通房或套房每晚都係60,000分！其中，套房包括有Junior Suite及Corner Suite同樣係60,000分，Corner Suite付費價含稅價錢一般大約TWD30,000台幣一晚！(約港幣$7,500！)，阿迪哥對IHG績分嘅valuations大約1,000分值HK$40，咁60,000分即係大約值HK$2,400，說時遲那時快，當阿迪哥訂咗一晚之後，寫得篇文章出來呢個bug已經被修復咗，希望訂咗嘅booking會honour啦！