Singapore Airlines - 新加坡航空即將向所有Krisflyer會員提供航機上免費Wi-Fi無限上網

 

嘩！新加坡航空的確係Game changer！新航剛宣佈由2023年7月1日起向所有Krisflyer會員提供航機上免費Wi-Fi無限上網，換句話講即係日後即使乘搭經濟客艙都可以無限上網！

紅磡都會海逸酒店 - Promenade自助餐快閃低至55折，折扣後連加一每位：自助午餐HK$378起、自助晚餐HK$618起、週末下午茶自助餐HK$328【預訂日期：2023年5月31日至6月4日】

嘩！罕有！出名自助餐美食非常豐富多選擇、食物櫃枱行極都行唔盡位於紅館隔離嘅紅磡都會海逸酒店Harbour Plaza Metropolis西餐廳Promenade罕有推出自助餐快閃低至55折！自助午餐同埋自助晚餐都有供應新鮮生蠔，今次快閃包括自助午餐、父親節自助午餐、自助晚餐、父親節自助晚餐及榴槤 ‧ 抹茶主題週末下午茶自助餐同時都有優惠！只限六月份用餐，今次所有自助餐優惠仲會免費額外增值價值HK$150嘅無限暢飲，包括汽水、橙汁、啤酒及紅白酒！

香港迪士尼樂園 - 夏日狂賞快閃：香港迪士尼樂園酒店，價錢連服務費HK$999、迪士尼探索家度假酒店，價錢連服務費HK$999【預訂日期：2023年5月31日早上10:00起】

 

Trip.com夏日狂賞快閃第3擊推出香港迪士尼樂園兩家酒店快閃，重回疫情最底價淨房HK$999連服務費，每家酒店各20個名額！

香港尖沙咀凱悅酒店 - 咖啡廳自助餐買2送2快閃，折扣後連服務費平均每位：自助午餐HK$251起、自助晚餐HK$449起【預訂日期：2023年5月30日至6月8日】

 

香港尖沙咀凱悅酒店Hyatt Regency Hong Kong Tsim Sha Tsui嘅咖啡廳為支持「世界海洋日」推出6月限定環保海鮮餐單，所採用海鮮均購自可持續及負責任的漁業，咖啡廳同時推出買2送2自助餐快閃，計返即係4人同時用餐最高可享半價！而自助晚餐更推出海膽主題海鮮自助晚餐，提供美食包括地中海胡椒海膽吞拿魚牛油果田園沙律、日式廚房 - 即叫即製嘅海膽軍艦、海膽豆腐鰹魚湯、巴馬臣芝士輪海膽闊條麵、海膽飛魚籽黑松露炒飯，晚餐當然唔少得仲有咖啡廳嘅招牌即烚波士頓龍蝦！

Trip.com - 兩大澳門酒店夏日狂賞快閃：澳門JW萬豪酒店升級尊貴客房連MOP500消費額，價錢連稅HK$999；澳門四季酒店淨房，價錢連稅HK$999【預訂日期：2023年5月30日早上10:00起】

 

Trip.com一連5日夏日狂賞快閃今日推出重頭戲！兩家澳門酒店：澳門JW萬豪酒店及澳門四季酒店嘅優惠各有20個名額限量搶！有興趣記得今日(5月30日)早上10:00準時入去搶！

Accor Live Limitless - 雅高集團酒店Mondrian Hong Kong預計2023年第3季開業

 

傳咗幾年，位於尖沙咀赫德道丟空咗幾年嘅隆堡麗景酒店Hotel Panorama by Rhombus將由雅高集團接手管理，但遲遲都未確認酒店品牌，不過早前官網宣布酒店將以Mondrian Hong Kong生活時尚品牌進駐香港市場。

香港港麗酒店 - 豪華客房連HK$800酒店餐飲消費額，每晚連服務費HK$1,999【預訂日期：2023年5月29日早上10:00起】

 

香港港麗酒店 Conrad Hong Kong 呢個優惠價錢對於疫情期間一直喺香港嘅朋友可能冇乜感覺，但係要知道現時官網賣緊呢個包HK$800餐飲消費額嘅價位已經去到HK$3,100幾蚊以上，相對上對於澳門或台灣朋友來港快閃絕對有吸引力，優惠價每晚連服務費HK$1,999名額限量20個，搶呀！

Trip.com - 夏日狂賞快閃，每日上午10時及晚上9時限量酒店住宿及旅遊配套【活動日期：2023年5月29日至6月2日】

大家要留意由Trip.com由明天(5月29日)起，一連5日每日分別於早上10時及晚上9時每日兩次推出限量酒店住宿及旅遊配套快閃，酒店涵蓋香港、澳門及台北，例如澳門四季酒店淨房每晚HK$999、澳門JW萬豪酒店免費升級至尊貴客房連MOP500酒店消費額每晚HK$999、香港迪士尼樂園酒店淨房每晚HK$999、台北士林萬麗酒店連早餐每晚HK$999及台北大直英迪格酒店連早餐每晚HK$499等，以上全部價錢已包稅項，另外旅遊配套方面包括香港海洋公園入場券買1送1、澳門旅遊塔360°旋轉餐廳自助餐買1送1平均每位HK$120及MasterCard機票優惠碼HK$1,000減HK$500等，今次每樣優惠官方都有提供名額數量，透明度大大提高，大家不妨碰碰運氣！

Hilton Honors - 希爾頓集團推出全新長住品牌Project H3 by Hilton

 

呢個世界嘅酒店集團就係咁，構思品牌理念一個copy一個，繼萬豪及凱悅先後推出長住品牌Apartments by Marriott及Hyatt Studios後，希爾亦跟隨宣布新增最新公寓式長住品牌Project H3 by Hilton。

IHG One Rewards - 辦理入住Kimpton跟前台職員講出社交密碼(Social Password)可獲額外禮遇【入住日期：2023年5月27日至2023年9月3日】

Kimpton Hotels每一季都有一個社交密碼(Social Password)，只要响辦理入住時跟前台職員講出本季暗號，酒店即時會送上驚喜禮遇，今年夏季嘅Social Password已經推出咗喇！若果今夏去開東京、曼谷、蘇梅、蘇州等地，又住開Kimpton登記入住時就記住講出Social Password。

酒店入住報告：馬爾代夫 - JW Marriott Maldives Resort & Spa

 

JW Marriott Maldives Resort & Spa位於首都以北的Shaviyani Atoll，酒店前身是開業於2012年的Viceroy Maldives，到2015年Viceroy結束營運，之後改由萬豪國際集團管理，JW Marriott Maldives Resort & Spa於2019年11月正式開業，本身阿迪哥遠於萬豪改為淡旺季積分兌換表前已經訂好在2020年入住，當然當時因疫情關係無法成行，當時酒店屬於Category 8每晚85,000積分，殊不知今次2023年行程所需的積分更低，因此就不用考慮就列入行程之中。

Hilton Honors - 希爾頓集團將在香港推出第3家酒店Motto by Hilton Hong Kong SoHo

 

香港終於有第三間希爾頓旗下酒店！美通社透露大中華區將引入兩個希爾頓集團新品牌，其中一家是位於香港上環區的Motto by Hilton Hong Kong SoHo。

Marriott Bonvoy - 萬豪集團日本三家高階新酒店現已開放預訂

 

萬豪集團日本三家新酒店包括：福岡The Ritz-Carlton, Fukuoka、奈良Shisui, a Luxury Collection Hotel Nara、名古屋TIAD, Autograph Collection付費房及積分房都已經開放預訂，三家酒店使用積分都抵玩！

IHG One Rewards - Milestones Rewards獎勵餐飲消費券全球酒店即時開放使用

 

去年IHG會員計劃改制為IHG One Rewards後其中一項會員福利係Milestones Rewards，每年由累積入住20晚起、之後每再累積10晚都可以選擇獎勵，其中一項獎勵餐飲消費券由即日起全球酒店即時開放使用。

香港東涌世茂喜來登酒店 - 零房價住宿優惠每晚價錢HK$1,150起+10%，包住宿一晚及全數回贈相等於房價餐飲消費額【入住日期：2023年5月25日至7月13日】

 

突發！突發！突發！究竟發生乜嘢事？Sheraton Hong Kong Tung Chung Hotel响呢個時勢竟然重推住宿零房價優惠！仲有仲有，之前如果成功註冊AE萬豪酒店回贈味發達？既然訂咗可以免費取消，你哋知應該點做㗎啦？

IHG One Rewards - 2023年Q2全球積分活動It's totally up to you​【入住日期：2023年6月6日至8月31日】

IHG再次推出呢個跟去年一樣嘅玩法，會員有兩個賺取積分方式選擇，分別為每累積入住2晚可賺取2,000獎勵積分、或者每累積入住4晚可賺取10,000獎勵積分。

香港海洋公園萬豪酒店 - Marina Kitchen自助餐優惠買二送一快閃：折扣後連加一平均每位自助午餐HK$366、自助晚餐HK$571【預訂日期：2023年5月24日至5月30日】

 

香港海洋公園萬豪酒店 Hong Kong Ocean Park Marriott Hotel嘅Marina Kitchen終於再推出限量搶買2送1優惠，即係等同3位同時用餐67折！大家都熟唔洗多介紹，記得準時搶！

港青YMCA - 限量搶套房快閃：價錢連服務費HK$1,488起，限量搶升級入住海景套房連雙人早餐及4道菜日式晚餐【預訂日期：2023年5月23日至5月31日】

時光倒流呀！The Salisbury - YMCA of Hong Kong再次限定推出限量搶升級海景套房及包早、晚兩餐！雖然今次唔係食自助餐，雙人早餐+4道菜日式晚餐價錢連服務費回落番HK$1,488起亦相當吸引，當中食材包括餐湯、珍珠帶子蟹子蜜瓜沙律、芝士珍寶大蝦配蝦籽稻庭烏冬、雪糕甜品及飲品，訂來Staycation或者親友來港都啱，搶到套房間房有夠大、酒店位置優越，可以預訂到七月中，快啲分享埋比即將來港親友！

酒店餐廳用餐報告：Turquoise | Velaa Bar + Grill | Riviera Tapas & Bar | Tabemasu (Le Méridien Maldives Resort & Spa)

 

馬爾代夫 Le Méridien Maldives Resort & Spa提供多個多元化用餐場所，包括主要供應自助餐的主餐廳Turquoise、午餐提供三文治、即烤pizza及晚餐供應烤肉的Velaa Bar + Grill、西班牙菜Riviera Tapas & Bar、供應日本料理及鐵板燒的Tabemasu，還有一些酒吧及咖啡店。

香港沙田凱悅酒店 - 自助餐買2送2優惠：折扣後連加一平均每位自助午餐HK$248、自助晚餐HK$374、週末下午茶半自助餐HK$203【預訂日期：2023年5月21日至5月31日】

 

香港沙田凱悅酒店Hyatt Regency Hong Kong Sha Tin嘅咖啡廳罕有推出自助餐買二送二快閃優惠！今次將平日自助午餐、平日自助晚餐及週末下午茶半自助餐一次過推出限量搶，四人同時用餐買二送二，即係半價啦！最誇張係平日自助晚餐折扣後只需每位HK$374，搶呀！

香港維港凱悅尚萃酒店 - 全新平日午市套餐優惠，集齊5個印章改可獲得免費午餐一客【活動日期：即日起至2023年8月31日】

 

免費午餐不是夢！香港維港凱悅尚萃酒店 Hyatt Centric Victoria Harbour Hong Kong 三間餐廳聯乘推出Free lunch推廣活動，只要惠顧酒店內三間餐廳Cruise空中餐廳及酒吧、The Farmhouse咖啡廳或Farmhouse Deli餅店指定午餐，惠顧每份午餐可獲得印章1個，集齊5個印章即可獲得免費自選當中任何一間餐廳嘅指定午餐一客，如果想玩最大槓桿，惠顧Farmhouse Deli餅店全新午市套餐每份只需HK$128+11%，食夠5次嘅Free lunch然後用來兌換正價價值HK$378+11%嘅The Farmhouse咖啡廳自助午餐！兼且仲可以一路玩一路儲Hyatt積分及疊計AE凱悅現金回贈，約越多friends一齊食就越賺得多！

IHG One Rewards - 曼谷洲際酒店InterContinental Bangkok裝修後2023年6月1日起重新接受客房預訂

InterContinental Hotel Bangkok原本預訂2022年1月閉館翻新，但最終去年五月才正式關閉裝修，原本預計只係裝修幾個月，但之後一直延期，最終2023年6月1日起重新開放預訂，積分兌換每晚41,000積分起。

酒店入住報告：馬爾代夫 - Le Méridien Maldives Resort & Spa

 

Le Méridien Maldives Resort & Spa開業於2021年9月，酒店位於首都以北Lhaviyani Atoll由於跟離首都不算遠，因此水上飛機的交通收費對比起大部分萬豪集團其他酒店便宜，而無論房間價格、所需積分都處於合理水平，因此一開業就受到世界各地的萬豪旅享家會員歡迎。

World Of Hyatt - 凱悅集團Journey Across Canada積分活動：凱悅世界會員入住加拿大酒店每次可額外賺取2,000獎勵積分【註冊日期：即日起至2023年7月11日】

 

今年夏天如果有計劃去加拿大就正喇！入住當地酒店每次入住可額外賺取2,000獎勵積分，雖然加拿大嘅凱悅選擇唔多，不過各大熱門大城市例如溫哥華、多倫多、渥太華、滿地可都總有一兩間。

九龍酒店 - 自助餐優惠：倚窗閣自助餐快閃優惠買2送1，自助午餐折扣後連加一平均每位HK$312起、自助晚餐折扣後連加一平均每位HK$510起【預訂日期：2023年5月18日5月24日】

 

九龍酒店 The Kowloon Hotel 超過三個月冇做自助餐快閃喇！今次抵食優惠買2送1，自助午餐主打冰鎮海鮮，提供任食生蠔、加拿大雪花蟹腳、智利藍青口及紐西蘭青口等，折扣後連加一平均每位HK$312起；自助晚餐今期則以和牛•龍蝦東瀛主題為主打，除以上冰鎮海鮮外仲有多款日式主題美食，包括，折扣後連加一平均每位HK$510起！

海景嘉福洲際酒店 - 餐飲限時優惠：Theo Mistral by Theo Randall午餐四人同行一人免費，折扣後連加一平均每位半自助午餐HK $296起、周六意式午餐HK$398起、周日早午餐HK$551起【預訂日期：2023年5月17日至5月23日】

 

海景嘉福洲際酒店InterContinental Grand Standard Hong Kong响官網推出佢哋嘅招牌意大利餐廳午餐四人同行一人免費，Theo Mistral by Theo Randall無論頭盤、沙律、主菜及甜品同樣出色，星期一至日都有優惠，除咗每人一份主菜外，星期一至五更有任食頭盤沙律小食及甜品、星期日嘅brunch更加入任食冰鎮海鮮！

香港康得思酒店 - 餐飲快閃：明閣干邑配對嚐味套餐低至69折，免加一及茶芥，折扣後平均每位HK$850起【預訂日期：2023年5月17日至5月23日】

 

香港康得思酒店Cordis Hong Kong嘅米芝蓮食府明閣推出明閣干邑配對嚐味套餐快閃優惠，由中菜行政總廚精心挑選一系列優質食材每位再配對兩杯人頭馬精選干邑，8道菜套餐包括原隻美國珍寶蠔、避風塘本地龍蝦球、遠年陳皮和牛面頰、麵醬焗鱈魚、脆皮妙齡鴿及唔少得明閣招牌叉燒！今次優惠連父親節都一樣開放預訂！

Accor Live Limitless - 限時優惠：雅高心悅界會員於大中華區酒店非入住期間用餐可享3倍積分【活動日期：2023年5月17日至5月31日】

 

雅高會員於大中華區非入住期間用餐可賺取3倍積分，即係相等於3%現金回贈，阿迪哥經常去雅高旗下酒店食頹飯，小數怕長計、積小成多有回贈好過冇回贈！儲吓儲吓可能就可以住Raffles架喇！

American Express - 憑美國運通卡於萬豪、凱悅、四季、洲際、文華東方及立鼎世酒店集團簽賬可享20%簽賬回贈【推廣期：2023年5月16日至9月30日】

 

出咗註冊頁面了！唔洗一定响App登記！AE酒店簽賬回贈回歸！今次參與嘅酒店集團一共有6個，包括Marriott、Hyatt、Four Seasons、IHG、Mandarin Oriental及The Leading Hotels of The World，登記後於集團指定地區酒店可享高達20%簽賬回贈！

香港九龍東皇冠假日酒店 - 尚廚自助餐快閃買2送2：折扣後連服務費平均每位自助午餐HK$209起、自助晚餐HK$335起【預訂日期：2023年5月15日至5月22日】

每次做快閃都非常受歡迎嘅香港九龍東皇冠假日酒店Crowne Plaza Hong Kong Kowloon East尚廚自助餐，今次自助午餐及自助晚餐做限量搶買2送2、下午茶自助餐買三送一，自助晚餐每人3百幾、自助午餐二百幾蚊！

酒店餐廳用餐報告：Seasalt | Umami (Alila Kothaifaru Maldives)

 

馬爾代夫 Alila Kothaifaru Maldives 內有兩間餐廳及三間酒吧及咖啡室，呢一篇主要介紹當中兩間食主餐嘅餐廳，分別係阿迪哥試咗鐵板燒嘅日本料理Umami及提供半自助早餐嘅主餐廳Seasalt，馬爾代夫嘅酒店用餐消費當然高，日本料理Umami唔洗講就梗係貴、但主餐廳Seasalt都唔平，有一款食物價錢CP值不錯又飽肚，內文阿迪哥會推薦比大家。

香港天際萬豪酒店 - 「豪•住食」住宿計劃，價錢每晚HK$1,820起+10%，包住宿一晚及HK$1,600餐飲消費額【入住日期：即日起至2023年8月31日】

 

香港天際萬豪酒店Hong Kong SkyCity Marriott Hotel難得仲有包餐飲消費額嘅住宿套票，消費額除咗可以用嚟食自助餐外、亦可以用來食佢哋抵食質高嘅萬豪中菜廳都得！

香港海洋公園萬豪酒店 - Pier Lounge & Bar燒烤風味自助晚餐買二送一快閃，折扣後連加一平均每位HK$461【預訂日期：2023年5月12日至5月19日】

周末好去處！Hong Kong Ocean Park Marriott Hotel香港海洋公園萬豪酒店Pier Lounge & Bar逢星期五及星期六推出嘅燒烤風味自助晚餐推出買二送一快閃！自助晚餐包括無限量供應前菜、沙律、粉麵、甜品、海鮮 - 雪花長腳蟹、半殼帶子、加拿大青口、翡翠螺、鮮蝦；亞洲風味燒烤 - 烤西班牙原隻乳豬、美國斧頭牛扒、塔斯曼尼亞香料羊排、中式燒排骨、越南香茅豬扒、馬來雞全翼、九重塔甘巴倫豬肉腸、大蝦配泰式青檸辣椒汁、森巴醬沙甸魚、黄金菠蘿。

酒店入住報告：馬爾代夫 - Alila Kothaifaru Maldives

 

凱悅集團於馬爾代夫終於有第二家酒店開業，Alila、Banyan Tree、COMO及Six Senses、是阿迪哥最欣賞嘅四大wellness養生酒店品牌，阿迪哥由這家Alila Kothaifaru Maldives於去年2022年4月開業時就開始就一直在等待疫情過去，開關後就鎖定這家酒店是行程重點之一，一來馬爾代夫是阿迪哥最喜歡嘅國家、二來凱悅積分含金量十足，迪迪絕對唔會隨便使用，一定要使用於兌換CP值超高酒店！

Marriott Bonvoy - 萬豪旅享家特選會員送贈2023年合資格保級晚數

官方宣佈正式出咗，萬豪剛剛向特選會員發送電郵，收到電郵嘅特選尊貴級別會員獲贈2023年合資格保級晚數，白金會員可以獲贈15晚、鈦金20晚、大使25晚，既然年初都有Q1雙倍晚數活動，而家又突然送晚數，好多朋友响無預期之下突然升為鈦金，阿迪哥完全唔理解萬豪嘅用意。

澳門新濠影匯酒店 - 淨房快閃：明星匯經典景觀大床客房連稅項HK$948起【預訂日期：2023年5月10日至5月17日】

 

抵玩澳門新濠影匯酒店Studio City Hotel淨房優惠，入住比基本房高一級嘅明星匯經典景觀大床客房連埋稅項只需HK$948起！同時亦推出新濠影匯滿紛樂園門票低至6折快閃！

海景嘉福洲際酒店 - 2023母親節3大精選優質餐飲

 

仲有幾日就係母親節，有計劃未？如果仲未有著落可以考慮吓海景嘉福洲際酒店InterContinental Grand Standard Hong Kong嘅3大母親節精選餐飲，每位媽媽於母親節當日用餐可免費獲贈花型精油手工梘：

👩西化媽媽可考慮Theo Mistral by Theo Randall意大利餐廳母親節早午餐，任食自助頭盤及甜品，包括龍蝦及蟹腳等豐富海鮮及甜品，並且配有優質主菜，每位HK$698+10%

👵傳統媽媽可考慮海景軒母親節精選套餐，中式美食包括：五糧液桂花蜂蜜叉燒、茶香燻素鵝、花膠菜膽燉北菇、薑蔥粉絲大花蝦碌、金華玉樹雞及燕窩杏仁露等，每位HK$728+10%

👸花心媽媽可考慮母親節日式主題自助餐，除可食盡日式美食外，並且各款精選凍海鮮及汽水啤酒任飲，每位HK$758+10%，單一訂單滿4位即享75折，變相媽媽嗰份免費！

World Of Hyatt - 東京柏悅酒店將於2024年初關閉以進行翻新工程

 

呢段舊文本身一早想同大家分享，不過一直被好多post 截胡所以今日先有時間發佈，東京柏悅酒店Park Hyatt Tokyo較早前宣佈重大翻新工程計劃，這間位於新宿被受凱悅世界會員歡迎嘅酒店將翻新客房及設施，酒店預計將於2024年春季關閉並進行工程。

IHG One Rewards - 香港麗晶酒店開放積分兌換，每晚75,000分起

 

香港麗晶酒店Regent Hong Kong終於開放積分兌換，使用IHG積分每晚75,000分起，計算番75,000分估值約US$375(約HK$2,944)，抵玩喎！

飛行紀錄報告：阿聯酋航空 EK658（B777-300) 杜拜至馬里商務艙

 

繼續未完成嘅行程報告，完成阿聯酋差不多一個月行程後由杜拜飛往下一站馬爾代夫，阿迪哥利用澳洲航空積分兌換阿聯酋商務艙。

Marriott Bonvoy - 萬豪旅享家購買積分會員定向獎勵促銷高達50%獎勵及全年購買上限加倍【優惠日期：2023年5月5日至7月2日】

 

今期萬豪買積分優惠大玩定向獎勵，每位會員優惠有所不同，購買積分獎勵高達50%額外積分，若果中咗50%而又有即時需要可以考慮入手，但係若果好似弱迪咁中咗30%就算把啦，若果大家有興趣想知道自己嘅尊享offer就要响購買連結先登入帳號。

香港諾富特世紀酒店 - Le Café自助餐優惠高達半價：每位折扣後連加一自助晚餐HK$359起、自助午餐HK$286起【預訂日期：2023年5月4日至5月10日】

 

為慶祝香港一年一度的文化盛事「法國五月」，香港諾富特世紀酒店 Novotel Century Hong Kong嘅Le Café 咖啡廳由5月1日至7月31日推出美食再「法」現自助晚餐，主打法國經典佳餚及多款海鮮包括即開生蠔、蟹腳、青口及凍蝦。仲多款精心炮製的廚師精選例如龍蝦酥、法式海龍皇湯、白酒煮藍青口、慢煮油封鴨髀、焗原條三文魚、歌劇院蛋糕及法式焦糖燉蛋等，酒店推出快閃優惠低至半價，母親節及父親節都有優惠！

香港維港凱悅尚萃酒店 - 港人專享宅度假禮遇，住宿連自助午餐及早餐HK$1,380起+10%、住宿連自助晚餐及早餐HK$1,800起+10%【入住日期：即日起至2023年6月30日】

 

大熱Staycation回歸！只限持有香港身份證港人專享福利！每日只限20個名額！香港維港凱悅尚萃酒店Hyatt Centric Victoria Harbour Hong Kong住宿連埋自助早餐及自助午餐仲平過一般會員淨房價！如果想食自助晚餐都只係貴多少少，Farmhouse咖啡廳目前推出期間限定地中海風味主題自助午餐及自助晚餐，大家趁今次機會可以試埋！5月26日前退房更可以趕得切凱悅世界Q1全球積分活動，每累積入住兩晚可以額外賺取3,000分，3,000凱悅積分目前估值即係大約回血HK$400！

香港康得思酒店 - 貴賓客房及套房快閃，每晚HK$1,650起+10%，入住貴賓客房或高級套房連廚房一晚連貴賓會禮遇，透過阿迪哥預訂額外贈送紅酒一支【預訂日期：2023年5月3日至5月9日】

還記得星期三約會嗎？仲記得記有紅酒送嗎？大家有機會返香港康得思酒店Cordis, Hong Kong入Lounge探朋友喇！响呢個酒店價倍升嘅後新冠時代呢個包入Club Lounge嘅快閃只貴以前幾舊價錢HK$1,650起+10%我康都可算非常佛心，貴賓會禮遇包括雙人早餐、下午茶及黃昏雞尾酒。

另外，仲有同時推出住宿連自助早餐及自助晚餐住宿快閃每晚只需HK$2,150起+10%，母親節如果仲未有節目就考慮陪媽咪玩番晚！

香港維港凱悅尚萃酒店 - Farmhouse自助餐優惠：限量搶買一送一，折扣後連服務費平均每位自助午餐HK$210、自助晚餐HK$382【預訂日期：2023年5月3日至5月12日】

 

香港維港凱悅尚萃酒店Hyatt Centric Victoria Harbour Hong Kong嘅Farmhouse咖啡廳推出期間限定地中海風味主題自助餐，阿迪哥問過前線員工話今次主題比過往好食，晚餐首推菜式意大利龍蝦燴薏米、午餐日則推介鮮蝦意大利燴薏米，同時會推出自助餐買一送一限量搶！星期一至五用餐折扣後連服務費平均每位自助午餐只需HK$210、自助晚餐只需HK$382起，抵到爆！上次買一送一秒間搶哂，所以今次要較定鬧鐘搶呀！

香港沙田萬怡酒店 - MoMo Cafe自助餐買一送一快閃：折扣後連加一平均每位自助午餐HK$221起、自助晚餐HK$383起【預訂日期：2023年5月2日至5月8日】

 

香港沙田萬怡酒店 Courtyard by Marriott Hong Kong Sha Tin嘅MoMo Cafe推出味遊東南亞主題自助餐，快閃期間買一送一優惠！那些年嘅感覺返曬嚟！東南亞美食包括......，自助午餐、自助晚餐及自助早午餐分別仲有別注限量美食提供，例如......，另外母親節當日自助早午餐及自助晚餐都有65折優惠，搶啦！

Marriott Bonvoy - 限時優惠：預訂萬豪Homes & Villas by Marriott Bonvoy連續4晚可賺取額外40,000獎勵積分【預訂日期：2023年5月1日至5月3日】

 

萬豪Homes & Villas by Marriott Bonvoy推出限時優惠，只需响5月3日前預訂連續4晚入住即可賺取額外40,000獎勵積分，Homes & Villas最適合一大班人或幾個家庭一齊去旅行，一個單位有幾間睡房型式，港人大熱嘅旅遊地點日本及韓國都有唔少選擇。