HSBC - 匯豐信用卡獎賞錢轉換成英航Avios額外25%獎勵【優惠期：即日起至2025年8月31日】

 

匯豐獎賞錢轉換飛行里數終於出優惠！不過今次只限轉英航Avios，優惠期可享額外25%，優惠包括匯豐EveryMile信用卡，阿迪哥亦實測過只要持有匯豐卓越理財信用卡，匯豐Red卡及匯豐Visa Signature戶口內嘅獎賞錢轉英航Avios都同樣有25%。

Finnair - 雙11快閃：購買芬蘭航空Avios半價促銷優惠【優惠日期：即日起至2024年11月20日】

 

史上最平低價入手Avios好時機！芬蘭航空Avios半價促銷優惠，購買後可以免費轉到自己名下英航及卡塔爾航空會員帳號內使用，透過今次半價優惠每1,000 Avios售價為€10.5(約HK$89) ，從幾家航空公司Avios可以免費互轉後，Avios又再重新閃亮，如果即時有用可以入手！

HSBC - 匯豐信用卡獎賞錢兌換飛行里數及酒店積分額外獎賞：國泰10%、卡塔爾20%、 雅高50%【推廣期：2023年12月1日至2024年1月31日】

【溫馨提示】匯豐信用卡呢個優惠今日最後一天，換Accor積分多50%，即係令到$1獎賞錢增值到超過HK$5價值當作酒店基金，有今生未必有來世，all in咗未？

HSBC - 匯豐信用卡獎賞錢兌換飛行里數及酒店積分額外獎賞：英航20%、澳航30%、IHG優悅會50%【推廣期：2023年12月1日至2024年1月31日】

 

匯豐信用卡真係全城最抵玩嘅信用卡，除咗賺分超多，而家仲推出獎賞錢兌換飛行里數及酒店積分額外獎賞，今次推廣分為兩個階段，首階段由即日起兌換英航額外20%、澳航額外30%、IHG優悅會額外50%，第一階段阿迪哥只對澳航有少少興趣，因為用澳航積分換阿聯酋商務艙及頭等艙比使用阿聯酋自家飛行里數積分相對較低、及稅項較便宜，不過就好難搵到香港出發嘅機位，而第二階段將會有國泰亞洲萬里通額外10%、雅高心悅界額外50%及卡塔爾額外20%，阿迪哥由始至終一直推崇使用EveryMile兌換雅高，因此今次必定換盡佢個上限！

Alaska Airlines - 阿拉斯加航空Mileage Plan會員乘搭卡塔爾航空可累積雙倍里數【活動日期：2023年5月1日至6月30日】

早幾日先講完阿拉斯加航空跟星宇航空合作，不久將來使用阿拉斯加航空Mileage Plan里數可以兌換星宇航班，今次優惠活動係累積Mileage Plan里數好機會，活動期間乘搭卡塔爾航空可累積雙倍Mileage Plan里數。

American Express - 【溫提】期間限定：美國運通積分轉換至Marriott Bonvoy可獲享50%額外奬勵積分【優惠日期：2022年9月1日至10月31日】

 AE積分轉萬豪旅享家積分額外50%獎勵最後幾日，今次優惠確的好抵，阿迪哥就all-in不過大前題係真係要用得著，因為下年積分浮動制將會推出第二階段、積分兌換將不設上限、而且萬豪轉分至飛行里數亦存在有改制隱憂。 

British Airways - 酒店積分轉英航Avios可賺取25%額外獎勵【活動日期：即日至2022年4月25日】

 

由即日起至2022年4月25日，將四大酒店集團積分轉做英航Avios可獲享25% Avios獎勵，酒店集團包括Marriott、IHG、Hyatt及Radisson，阿迪哥純粹分享新聞，優惠唔係話好吸引，要諗清楚、睇清楚先。

Qatar Airways - 登記成為卡塔爾航空Privilege Club會員即時可賺取2,500 Avios【活動日期：即日至2022年3月31日】

卡塔爾航空公司係英航、西班牙國家航空等嘅母公司International Airlines Group (IAG) (👉按此)嘅最大股東，早前卡塔爾航空已將其飛行里數單位由Avios取代Qmiles，而只要响2022年3月31日註冊成為卡塔爾航空公司Privilege Club會員即時可賺取2,500 Avios，而賺取所得嘅Avios可以自由轉賬至自己名下嘅英航Executive Club賬號。

HSBC - 全新匯豐EveryMile信用卡，指定日常消費簽帳$2=1里或酒店積分、一般本地及海外簽帳$5=1里或酒店積分

 

阿迪哥唔係經常介紹信用卡，但係今次匯豐最新推出呢張EveryMile信用卡必須要跟大家分析一下，因為有大量航空夥伴(共12間)，當中包括有3間首次引入香港市場，其他信用卡無嘅航空夥伴：加航Aeroplan、越南航空Lotusmiles及土耳其航空Miles&Smiles，而重點係呢張卡有3間酒店奬勵計劃夥伴，全港最多！包括大家最關注嘅Marriott Bonvoy、仲有IHG，但其實當中最大亮點竟然係雅高Accor Live Limitless！！拿，大家唔好鬧住呀，請睇埋內文先，因為憑「獎賞錢」兌換成雅高呢個酒店夥伴可以將$100「獎賞錢」增值成為HK$362嘅價值！！！將來嘅馬爾代夫Raffles、泰國喀比Banyan Tree Krabi不是夢！

American Express - 全新美國運通Explorer™信用卡，指定旅遊及日常消費網站/航空公司簽賬5倍積分 (相等於HK$3=1飛行里數、HK$1.8=1萬豪積分、HK$1.28=1希爾頓積分)，成功申請可享免首年年費及高達HK$4,200迎新奬賞！

 

阿迪哥平常比較少介紹信用卡，但全新嘅美國運通Explorer信用卡真係不得不講一吓，先講卡面有黑卡概念，真心型！最強當然係實際用途，絕對喺玩酒店會員計劃及飛行里數嘅朋友必備儲酒店積分/里數卡，全年本地簽賬可享無上限3倍積分，相等於HK$3=1萬豪積分、HK$2.13=1希爾頓積分、HK$5=1飛行里數！即使只喺一般簽賬，累積兩大酒店集團積分比率比美卡更優勝，對於酒店常客計劃玩家真心屈機！而且指定日常消費網站/指定旅遊消費網站/航空公司官網三大類別消費可以賺取5倍積分，相等於HK$1.8=1萬豪積分、HK$1.28=1希爾頓積分、HK$3=1飛行里數，比率更佳！

累積咗嘅美國運通積分除咗可以用來兌換兩大國際酒店集團積分外，仲可以選擇免行政費兌換10間航空公司夥伴之飛行里數例如：亞洲萬里通、英航Avios、新加坡航空Krisflyer及阿聯酋Skywards等，積分無限期兼且極富彈性。另外，呢張卡無論主卡或附屬卡都可以進入環亞機場貴賓候機室，每年合共10次！成功申請可享免首年年費及高達HK$4,200迎新奬賞，包括HK$800現金券+1,020,000美國運通積分(可兌換高達HK$3,400 Pay with Points)！

摩洛哥皇家航空正式加入寰宇一家

2020年4月1日係摩洛哥皇家航空(Royal Air Maroc)正式加入寰宇一家嘅日子，可惜因疫情關係整家航空公司仍然係處於暫時停飛狀態， 响無得飛嘅日子，阿迪哥都向大家報導吓兩大港人累積里數、屬於寰宇一家嘅會員計劃所累積摩航嘅比率。

Oneworld - LATAM確定2020年5月1日離開寰宇一家

去年9月份達美宣佈入股南美LATAM航空公司20%、並且將會離開寰宇一家，而目前正式離開寰宇一家日期已經作實。

British Airways - Avios兌換英航航班高達半價！【預訂日期：2019年11月7日至2019年11月21日】

超抵呀！而家Avios兌換英航航班單程香港-倫敦只需9,750 Avios、來回19,500 Avios！

酒店積分轉換英航Executive Club可獲35%額外Avios【2019年10月28日 - 2019年12月2日】

近年好多飛行里數計劃都進行酒店積分轉換里數嘅獎勵活動，今次輪到英航Avios期間限定將酒店積分轉做英航Avios可獲額外35%獎勵。

淺談Qantas Frequent Flyer - 透過QFF訂冷門航空公司或阿聯酋航空里程機票

各位網友有冇發覺阿迪哥好少講飛得里數呢？其實因為市面上已經有至少十個、八個香港bloggers有講Avios、亞洲萬里通等，什麼假單程、寰宇一家行程大家都熟到爛，阿迪哥比較喜歡something different，為免重覆所以好少提及，但如果一啲香港比較少人提及嘅，阿迪哥又會好樂意同各位分享，所以就有呢篇淺談Qantas Frequent Flyer文章誕生。

Heathrow Rewards送500飛行里數最新消息

阿迪哥上星期同大家介紹過Heathrow Rewards用SQ2019 promotion code或指定link入會送600分，然後可以轉為飛行里數(按此)，以下係過去一星期嘅狀況：

加入Heathrow Rewards免費獲取500飛行里數【2019年3月31日之前申請】

Heathrow Rewards係屬於倫敦希斯路機場裡面消費從而累計積分嘅會員計劃，而家透過以下連結入會即可獲得500飛行里數！

乘搭英航可獲雙倍Avios【2019年3月21日至2019年12月31日】

英航為慶祝100週年，英航Executive Club會員12月31日前乘坐英航的首6段航班將可獲100%額外Avios(雙倍)，但一如去年嘅類似雙倍Avios嘅promotion一樣咁cheap，之前訂咗嘅機票係唔計算在內嘅，要享受雙倍Avios必需依照以下程序：

酒店積分轉英航可獲30%額外Avios【2019年3月1日 - 2019年3月31日】

英航Avios玩法各大里數達人都已經講到爛了，所以阿迪哥已經不需再多講，活動日期由2019年3月1日至2019年3月31日將酒店績分轉做英航Avios可獲額外30%獎勵，以下係合資格嘅酒店會員計劃(及其基本兌換率)：

Le Club AccorHotels績分轉Iberia Plus嘅Avios更改率換率【No more 1：1】

之前阿迪哥介紹過用Le Club AccorHotels可以1 point：1 Avios比率轉分去Le Club AccorHotels班牙航空Iberia Plus戶口，然後透過combine my Avios嘅功能再轉去英航Executive Club戶口嘅【但阿迪哥今日試過呢個功能暫時用唔倒😨】，有興趣可以重溫呢個post。