Qatar Airways - 信用卡積分轉換卡塔爾航空Avios額外高達40%獎賞【活動日期：即日起至2025年10月15日】

 

卡塔爾航空再次推出銀行積分轉換為卡塔爾航空Privilege Club嘅Avios可獲享期間限定額外40%獎勵，卡塔爾航空里數單位自從改為Avios係，會員就可以隨時轉到自己嘅英航帳號內。

HSBC - 憑滙豐卓越理財信用卡於中國內地萬豪集團及凱悅集團消費滿RMB1,000可享RMB200現金回贈

 

匯豐網站終於改好條款，而家呢兩個優惠詳情清晰好多，活動分兩個階段，每階段每個酒店集團最高可享受RMB200現金回贈，即係如果玩盡哂兩個集團及兩個階段上限一共可以獲取共RMB800現金回贈！

HSBC - 匯豐信用卡獎賞錢轉換成英航Avios額外25%獎勵【優惠期：即日起至2025年8月31日】

 

匯豐獎賞錢轉換飛行里數終於出優惠！不過今次只限轉英航Avios，優惠期可享額外25%，優惠包括匯豐EveryMile信用卡，阿迪哥亦實測過只要持有匯豐卓越理財信用卡，匯豐Red卡及匯豐Visa Signature戶口內嘅獎賞錢轉英航Avios都同樣有25%。

HSBC - 匯豐信用卡獎賞錢兌換飛行里數及酒店積分額外獎賞：國泰10%、卡塔爾20%、 雅高50%【推廣期：2023年12月1日至2024年1月31日】

【溫馨提示】匯豐信用卡呢個優惠今日最後一天，換Accor積分多50%，即係令到$1獎賞錢增值到超過HK$5價值當作酒店基金，有今生未必有來世，all in咗未？

HSBC - 匯豐信用卡獎賞錢兌換飛行里數及酒店積分額外獎賞：英航20%、澳航30%、IHG優悅會50%【推廣期：2023年12月1日至2024年1月31日】

 

匯豐信用卡真係全城最抵玩嘅信用卡，除咗賺分超多，而家仲推出獎賞錢兌換飛行里數及酒店積分額外獎賞，今次推廣分為兩個階段，首階段由即日起兌換英航額外20%、澳航額外30%、IHG優悅會額外50%，第一階段阿迪哥只對澳航有少少興趣，因為用澳航積分換阿聯酋商務艙及頭等艙比使用阿聯酋自家飛行里數積分相對較低、及稅項較便宜，不過就好難搵到香港出發嘅機位，而第二階段將會有國泰亞洲萬里通額外10%、雅高心悅界額外50%及卡塔爾額外20%，阿迪哥由始至終一直推崇使用EveryMile兌換雅高，因此今次必定換盡佢個上限！

Qatar Airways - 信用卡積分轉換卡塔爾航空Avios額外30%獎賞【活動日期：即日起至2023年11月10日】

 

卡塔爾航空再次推出銀行積分轉換為卡塔爾航空Privilege Club嘅Avios可獲享期間限定額外30%獎勵，卡塔爾航空里數單位自從改為Avios係，會員就可以隨時轉到自己嘅英航帳號內，但當然兩個帳戶嘅姓名要完全一致。

HSBC - 滙豐信用卡全新Travel Guru會員計劃全攻略

 

滙豐信用卡推出全新Travel Guru會員計劃，呢個會員計劃主要係玩外幣簽賬回贈，會員計劃分為3個等級，因為玩法好似飛行或者酒店常客計劃會員制度咁樣有升級、有保級、亦有降級，所以其實玩法有啲複雜，不過如果了解曬整個玩法的話其實好易玩。只要去滙豐Reward+ app登記就即刻成為GO 級旅人(第一級)。有EveryMile信用卡的話，即使係入門嘅GO級旅人簽HK$8,000外幣簽賬unlock 3%外幣簽賬額外「獎賞錢」回贈，最抵已經可以做到簽$1蚊都唔洗就儲到1里！即係相等於簽賬HK$0.91=1里，而且EveryMile信用卡嘅「獎賞錢」可以轉換到16個飛行里數或酒店常客計劃，所以正如阿迪哥前文所講係全城最抵玩嘅信用卡！

Cathay Pacific - 國泰特選會員完成指定賺取目標即可享受額外亞洲萬里通里數【活動日期：2023年8月30日至10月31日】

 

國泰又有會員特選賺取里數活動，今次玩法就好似以前咁會有指定賺取里數目標提供畀個別特選會員，每個會員分別有4個目標，完成賺取目標就可以有額外里數，以較高者為準，以阿迪哥嘅帳號為例，如果想食盡最高目標為活動期間賺取30,000里，就可以額外獲得3,000里，若果賺取嘅里數係來自任何兩個不同類別消費就可以獲得額外300里，最簡單即係信用卡轉分另加一項例如百佳易賞錢就可以完成兩個任務。

另外由於今個月初有另外一個透過信用卡積分轉換亞洲萬里通里數有額外10%嘅特選會員優惠將會响8月31日到期，如果兩個特選都中哂嘅會員响8月31日前轉分理論上可以雙食，另外匯豐獎賞錢轉亞洲萬里通亦都做緊額外10%，即係話可以3食！

Accor Live Limitless - 使用Visa Infinite卡預訂雅高高級及奢華酒店品牌享受額外禮遇【入住日期：2023年8月10日至12月31日】

雅高推出Visa Infinite持卡人預訂高級及奢華酒店品牌禮遇價格，至少連續入住兩晚可享：每次入住US$50餐飲消費額、VIP入住禮遇、客房升級、延遲退房至下午3時及指定奢華品牌免費雙人早餐，其實優惠類似AE嘅FHR，但呢個優惠就响雅高官網預訂，最大亮點係如果酒店本身接受雅高積分預訂、呢個優惠都可以使用積分抵扣房價，餘額再用Visa Infinite付款就可以，如果手上有匯豐EveryMile信用卡積分轉為雅高積分可以將手上嘅獎賞錢大大增值3.45倍！內文會舉個實例點樣使用$2,000獎賞錢加HK$960可以住兩晚Raffles，透過今次呢個Visa優惠仲可以享受一系列類似白金會員嘅禮遇。

Qatar Airways - 匯豐EveryMile信用卡獎賞錢轉換卡塔爾航空Avios額外享30%獎賞【活動日期：即日起至2023年6月30日】

 

最近卡塔爾航空推出指定銀行積分轉換為卡塔爾航空Privilege Club嘅Avios可獲享期間限定額外30%獎勵，而活動期間銀行積分轉換為Avios最多的10位會員更可獲得100,000額外Avios獎勵，但香港市場只有匯豐銀行推出的EveryMile信用卡方可享受今次優惠，卡塔爾航空里數單位自從改為Avios係，會員就可以隨時轉到自己嘅英航帳號內，但當然兩個帳戶嘅姓名要完全一致，咁究竟今次值得換嗎？咁就真係要睇人喇，內文會有小分析。

Accor Live Limitless - 銀行積分兌換雅高心悅界積分限時50%額外獎勵【優惠日期：即日起至2022年12月22日】

呢個優惠超抵，其實當匯豐EveryMile推出時阿迪哥已經寫過呢張信用卡所賺取嘅獎賞錢最大亮點係用來兌換雅高積分，由於雅高積分預訂酒店時當錢洗，計番基本個比率EveryMile兌換Accor等同超過3%現金回贈，而且今次亦等於換到額外50%飛行里數，阿聯酋頭等不是夢！你唔鍾意ibis、Novotel、Mercure唔緊要，但阿迪哥就已經FF緊Raffles同Banyan Tree！

HSBC - 匯豐Visa Signature信用卡預訂香港4家精選酒店Staycation獨家$500折扣【預訂日期：2021年11月1日至11月30日】

 

匯豐Visa Signature信用卡香港酒店Staycation優惠半年後再次推出！今次預訂指定獨家Staycation套票一律扣減$500折扣，但參與酒店就縮減到得番4家，包括香港文華東方酒店、九龍香格里拉、雅格酒店及The Hari Hong Kong。

HSBC - 全新匯豐EveryMile信用卡，指定日常消費簽帳$2=1里或酒店積分、一般本地及海外簽帳$5=1里或酒店積分

 

阿迪哥唔係經常介紹信用卡，但係今次匯豐最新推出呢張EveryMile信用卡必須要跟大家分析一下，因為有大量航空夥伴(共12間)，當中包括有3間首次引入香港市場，其他信用卡無嘅航空夥伴：加航Aeroplan、越南航空Lotusmiles及土耳其航空Miles&Smiles，而重點係呢張卡有3間酒店奬勵計劃夥伴，全港最多！包括大家最關注嘅Marriott Bonvoy、仲有IHG，但其實當中最大亮點竟然係雅高Accor Live Limitless！！拿，大家唔好鬧住呀，請睇埋內文先，因為憑「獎賞錢」兌換成雅高呢個酒店夥伴可以將$100「獎賞錢」增值成為HK$362嘅價值！！！將來嘅馬爾代夫Raffles、泰國喀比Banyan Tree Krabi不是夢！

回顧香港已停止發行航空公司的聯營信用卡

國泰AE於5月31日正式成為歷史，隨之而來國泰日前宣布將於7月份推出全新聯營信用卡，目前尚未正式公佈合作銀行相關資料，網上大多數討論可能會係匯豐接手？亦有人估計Citibank吃回頭草？冷門啲可能係中資銀行？國泰AE嘅終結令阿迪哥回想起一啲响香港曾經發行、目前已停辦嘅航空公司聯營信用卡，阿迪哥亦曾經擁有過幾張，即使不顧是暴露年齡系列亦不惜一切跟大家回顧一下。

匯豐Visa Signature信用卡 - 10多家香港Staycation熱門酒店獨家減$600折扣【預訂日期：2021年5月1日至5月31日】

 

滙豐Visa Signature酒店Staycation減$500優惠返嚟喇！優惠包括Mandarin Oriental Hong Kong折扣後$2,250起+10%包雙人早餐、$500餐飲消費額兼享Fan of M.O.會員禮遇、Grand Hyatt Hong Kong折扣後$1,830起+10%包雙人早餐及自助晚餐！Hyatt Regency Hong Kong Tsim Sha Tsui折後$1,480起+10%包$1,200餐飲消費額、兩位行政酒廊禮遇、Chantecaille護膚產品及法式千層酥、The Langham Hong Kong折扣後$2,027起+10%包雙人早餐、唐閣雙人晚餐及朗廷會禮遇，其他酒店優惠仲包括：Cordis Hong Kong、Island Shangri-La、Kowloon Shangri-La、Marco Polo Hongkong Hotel、The Murray Hong Kong、The Peninsula及The Upper House等！

Asia Miles - 信用卡積分轉換亞洲萬里通里數可獲額外10%或15%獎勵【即日至2021年1月31日】

 

亞洲萬里通推出最新優惠，以信用卡積分轉換至亞洲萬里通，會員可獲10%或15%額外里數。

Singapore Airlines - 銀行積分轉換Krisflyer里數可享高達20%奬勵里數【活動日期：即日至2020年12月27日】

銀行積分轉換Krisflyer額外奬勵比較少出現，因此阿迪哥跟大家報導一吓，Krisflyer里數最佳用途用於兌換新加坡航空自家嘅商務及頭等艙，如果旅遊氣泡航班有位您又會唔會換呢？

HSBC Visa Signature信用卡 - 12家香港酒店Staycation獨家減$600【預訂日期：即日至2020年12月15日】

 

匯豐一次過推出咗12家香港酒店優惠，Visa Signature信用卡持卡人預訂全部staycation一律減$600並附有額外禮遇，最震撼價錢首選The Upper House $2,480起(包服務費及包含$500餐飲消費額)、Marco Polo Hong Kong $1,028起(包服務費及$1,200餐飲消費額)，即係負房費，仲有Cordis Hong Kong每晚$489(包服務費及早餐)，仲有其他酒店優惠，包括：港島香格里拉大酒店、香港嘉里酒店、九龍香格里拉大酒店、置地文華東方酒店、香港朗廷酒店、香港文華東方酒店、香港美利酒店、半島酒店及金域假日酒店， 大家可以按入內文慢慢睇。

滙豐Visa Signature持卡人可免費享用於香港國際機場的環亞機場貴賓室服務【推廣期：2020年4月1日至2021年3月31日】

 雖然有簽帳要求，但係$1,500又唔算高，如果出遊時帶埋屋企人或朋友入lounge可以多一個quota。

匯豐信用卡轉換「獎賞錢」至「亞洲萬里通」里數可享額外10%【2018年10月8日至2018年12月16日】

阿迪哥係响非常憤怒嘅情況之下寫呢個post的....

因為我前日啱啱轉咗5400【獎賞錢】做Asia Miles...即係白白蝕咗5400里！

但係始終都要報告俾大家知道2018年10月8日至2018年12月16日期間用匯豐信用卡【獎賞錢】轉亞洲萬里通可享額外10%里數，原本1獎賞錢=10AM，在優惠期間可享1獎賞錢=11AM。