Marriott Bonvoy - 萬豪集團宣布計劃2023年在英國開設首家瑞吉酒店

 

St Regis終於計劃進駐倫敦！全英國一直以來連一家St Regis酒店都沒有，倫敦這個名城更加係世界上最高檔嘅酒店市場之一，萬豪集團有一家旗艦酒店坐陣實在係非常重要。

Marriott Bonvoy - 萬豪旅享家2022年3月29日實施積分浮動制後將超出現有積分上限218家酒店完整名單

萬豪即將推出積分Dynamic pricing，都係預期嘅積分貶值啦，全球超過97%嘅酒店响2022年內仍然會保持响佢哋原有Category之內嘅積分範圍內浮動，但就有218家酒店將會調高積分上限，舉兩個實例，譬如香港東涌世茂喜來登酒店目前是屬於Category 5，即使3月29日後當Category兌換表不再存在之時，兌換積分仍然會保持响30,000至40,000分之間浮動；但因為香港沙田萬怡酒店係响呢218家酒店名單之內，因此之後每晚積分上限將會由原本15,000分調升至高達20,000分，不過今次嘅積分轉浮動就並非如阿迪哥之前所預期嘅災難性，至少浮動設有上限，即使馬爾代夫兩家旗艦酒店The Ritz-Carlton Maldives, Fari Islands 及The St. Regis Maldives Vommuli Resort積分上限只係上調至120,000積分，仍然超高CP值！內文有呢218家調高積分上限嘅完整名單。

Marriott Bonvoy - 萬豪旅享家積分兌換浮動制2022年3月29日起正式生效

 

講咗一段時間，萬豪旅享家積分兌換浮動制官方正式宣布2022年3月29日起正式生效。

Accor Live Limitless - SO/Maldives在馬爾代夫舉行奠基儀式

 

泰國旗艦酒店發展機構S Hotels and Resorts Public Company Limited早前慶祝馬爾代夫新酒店SO/Maldives正式動工，並為這家位於馬爾代夫CROSSROADS發展項目的第三個度假島舉行奠基儀式。

KKday如家長期住宿優惠 - 馬哥孛羅香港酒店，每晚平均價錢連服務費$660起；港威酒店，每晚平均價錢連服務費$605起【入住日期：2022年3月2日至6月30日】

 

最近香港啲中、低價酒店價錢升咗好多，如果有需要突然離家出走一陣子可以bookmark定呢個post，KKday推出馬哥孛羅香港酒店Marco Polo Hongkong Hotel及港威酒店Gateway Hotel, Hong Kong連續7天長期住宿優惠，仲有保證房間升級，因為KKday定價唔同其他OTA或官網，價錢相對上比較穩定、如果未來有需要都可以用得著，使用大新信用卡付款前輸入指定優惠碼仲可以再減多$300！

香港康得思酒店 - 連續兩天住宿快閃優惠，平均每晚$475起+10%，每房免費獲贈瑞士護膚品牌品牌GLYCEL套裝禮品兩份，透過阿迪哥預訂額外送精選紅酒一支【預訂日期：2022年2月23日至3月2日】

 

好耐冇見過咁平！香港康得思酒店Cordis Hong Kong淨房連續入住兩晚優惠平均每晚只需$475起+10%！周末入住同價！預訂呢個優惠仲可以以淨價每位$130享用The Place自助早餐！

酒店入住報告：悅品天秀酒店‧元朗 (Hotel Cozi Wetland)

 

悅品天秀酒店‧元朗開業於2017年9月，是天水圍區的第二家開業酒店，共提供約336間客房，是一家鄰近香港濕地公園的3星級酒店，酒店與天一商城是同一建築物，1至3樓是商場、4樓至20樓是酒店，因此食肆或購買日常用品都很方便。

香港美利酒店 - 「零」房價快閃，價錢$2,900起+10%，回贈$2,900餐飲消費額、免費泊車、免費攜帶一隻寵物入住及免費加床，限量搶指定日子升級Explorer Suite套房【預訂日期：2022年2月21日至3月3日】

 

The Murray Hong Kong 香港美利酒店終於要推出「零」房價兼且有免費升級套房搶！使用大新信用卡付款前輸入指定優惠碼仲可以再減多$300！

香港美麗華酒店 - 2月抵Deal，價錢連服務費$1,408起，免費升級至Mira套房70、雙人海鮮晚餐盛宴、雙人早餐及G.H.Mumm香檳一支【預訂日期：2022年2月21日至3月21日】

 

好抵呀！香港美麗華酒店The Mira Hong Kong價錢連服務費$1,408起包兩餐、免費升級套房、仲會送G.H.Mumm Cordon Rouge Brut NV香檳一支！住客可免費專享酒店17/F Mira Wanderland環球樂園。

Marriott Bonvoy - 阿迪哥嚴選萬豪旅享家積分兌換更改為浮動制前全球100家值得考慮預訂酒店

 

萬豪旅享家响3月將會放棄酒店積分兌換表、並將會改為積分浮動制 (👉按此)，但官方暫時未有宣布正式實施日期，响改制前夕迪迪嚴選全球100家昔日港澳台人士旅遊熱點值得考慮使用積分兌換酒店，又或者一啲未必係熱門地點但使用積分兌換CP值超高嘅酒店，若果您仲有大量萬豪積分、對於一年內可以去旅行仍抱有一絲期望、又或者鎖定咗酒店為係求自我感覺良好，咁可以响呢100家酒店替現有囤積嘅積分找出路。

歷山酒店 - 2月抵Deal快閃，價錢連服務費$847起，限量搶女王套房、雙人午市套餐、延遲退房及迎賓飲品【預訂日期：2022年2月19日至2月28日】

 

說實話，Hotel Alexandra Hong Kong歷山酒店佢間女王套房唔係特別靚、面積亦唔大，但張長梳化都算幾舒服、兼且仲見到小小海，咁嘅價位當係食餐飯都抵、而且質素唔差、絕不對得起呢口價，酒店職員服務亦到位！

Hilton Honors - 加入成為希爾頓新會員入住兩次可獲5,000獎勵積分，可同時配合Q1全球積分活動及高階會籍匹配【註冊成為會員日期：即日至2022年3月31日】

仲有網友係非Hilton Honors會員嗎？今年呢個新會員獎勵積分活動延期至2022年3月31日，可能有啲網友係最近先開始留意玩酒店、若果仲未註冊成為希爾頓會員若有剛需入住就啱數。

YMCA港青酒店 - 快閃優惠只限3天，每晚$879起+10%，免費限量升級至海景套房、雙人自助早餐、雙人下午茶、歡迎果盤及免費加床【預訂日期：2022年2月18日】

 

【#YMCA限量搶海景套房】好評如潮嘅The Salisbury - YMCA of Hong Kong限量搶海景套房快閃載譽歸來！價錢$879起+10%，包含住宿一晚、雙人自助早餐、雙人下午茶、歡迎果盤及免費加床，每日限量2間預訂升級至海景套房！

首批社區隔離設施酒店

 

【#最新消息】行政長官早前與香港酒店業主聯會執行總幹事及各酒店業主舉行網上會議，商討社區隔離設施酒店計劃，今日公佈首批結果。

Marriott Bonvoy - 萬豪旅享家會員購買積分50%額外獎勵，使用銀聯信用卡付款兼享額外9折及全年購買上限加倍【優惠期由即日至2022年3月23日】

萬豪旅享家下個月就會改為浮動積分兌換，今次賣分優惠可享50%額外積分、如果使用銀聯信用卡付款有額外9折，兩者合拼就成為史上最低價，响改制前夕又再打破多一次去年11月嘅賣分最低成本都米話唔恐怖、真係令人非常憂慮。

香港康得思酒店 - 星級「零」房價快閃住宿套餐：房價$1,100起+10%房價全數回贈入住期間餐飲消費額！迪迪family成員預訂可享紅酒一支【預訂日期：2022年2月16日至2月23日】

 

香港康得思酒店Cordis Hong Kong又有「零」房價訂喇喂！每晚價錢$1,100起+10%，預訂任何房型即可獲相等於房間價格之回贈於住入期間作餐飲消費，透過阿迪哥預訂額外贈送紅酒一支！今次優惠每房更可免費獲贈Eurobeauté童顏緊緻重塑套裝！

GHA Discovery - 送贈D$50或D$100給特選白金及鈦金會員 (D$已入帳)

 

阿迪哥响上個月報道特選GHA Discovery白金及鈦金會員無條件獲贈D$50或D$100較早前已經入帳，大家可以登入自己帳號查查！

World Of Hyatt - 凱悅世界2022年酒店積分兌換等級調整【實施日期：2022年3月22日】

 

唔洗驚，今次只係年度因應酒店去年入住率而將部份酒店兌換等級調整，並唔係好似萬豪、希爾頓咁轉做浮動積分，香港一共有3家酒店降低級別，包括香港維港凱悅尚萃酒店 Hyatt Centric Victoria Harbour、香港尖沙咀凱悅酒店 Hyatt Regency Hong Kong Tsim Sha Tsui及目前正係作為檢疫酒店嘅香港逸蘭銅鑼灣酒店 Lanson Place Causeway Bay，另外澳門Grand Hyatt Macau都下調，但係整體以全球嚟睇本來當時為咗同Small Luxury Hotels合作而增設嘅最高級别Category 8 (標準40,000分)今次改動就多咗好多凱悅親生仔加入，分别响京都、米蘭、紐約、二世古、巴黎及悉尼嘅Park Hyatt與及已被美國Hyatt友用積分玩到爛嘅Alila Napa Valley、Alilia Ventana Big Sur及夏威夷Andaz Maui at Wailea一共9家酒店升上Category 8！

Mandarin Oriental - 文華東方於希臘Costa Navarino開設度假酒店

 

文華東方酒店集團於希臘首家酒店，這家度假酒店並非位於愛琴海小島，而係位於希臘本土亞洲遊客冷門地區Costa Navarino，預計2023年年初開業。

港島海逸君綽酒店 - Harbour Grand Café自助午餐快閃，價錢連服務費成人$299起、小童$228起，使用限時優惠碼每位最高可再減$50！【預訂日期：2022年2月13日至2月20日】

 

港島海逸君綽酒店 Harbour Grand Hong Kong 自助午餐快閃勁平！價錢仲抵過酒店eshop一截！Harbour Grand Café嘅自助午餐都有供應即開生蠔！仲有帶子、青口及翡翠螺等海鮮，並有40多款熱盤及沙律等供應，若果住開Hyatt Centric可以行過去試下，如果响今晚2月13日23:59前預訂並使用指定優惠碼每位最高可再減$50！即係只有少於兩小時機會！

Marriott Bonvoy - 澳門W酒店預計於2022年12月於新濠影滙第二期開幕

 

新濠博亞娛樂有限公司宣布，其持有大部分股權的新濠影滙路氹城賭場度假村第二期將擁有澳門首家W酒店。

香港諾富特世紀酒店 - 情人節最抵Deal，價錢連服務費$989起，限量搶升級至套房、房內享用雙人早餐、咖啡廳自助午餐或意大利餐廳半自助午餐及免費迷你吧【預訂日期：2022年2月12日至2月18日】

 

香港諾富特世紀酒店 Novotel Century Hong Kong 呢個快閃真係超抵！周末及情人節都一樣$989連服務費冇加價、復活節都只係貴$200！咁嘅價錢就可以限量搶升級套房，星期四至星期六入住將會安排退房日於Le Café咖啡廳享用自助午餐；若果星期日至星期三入住仲可以退房日响評價唔錯嘅Pepino意大利餐廳食半自助午餐、同埋特別安排响套房入面享用早餐！

香港維港凱悅尚萃酒店 - Centric Office酒店辦公室套餐，每晚$900起+10%，住宿連一位自助早餐、一位自助午餐及一位外賣自助晚餐盒【入住日期：2022年2月14日至3月31日】

 

煩緊响屋企WFH唔方便要另外搵地方？煩緊今年Hyatt如何保級？煩緊一日三餐？香港維港凱悅尚萃酒店 Hyatt Centric Victoria Harbour 呢個最新work from hotel酒店辦公室套餐只要至少連續入住兩晚就可以一次過解決哂以上3個煩惱，若果要加多一位入住包埋第二位住客3餐自助餐都只係$450+10！

香港海洋公園萬豪酒店 - 饌嘆之旅住宿計劃，價錢$2,090起+10%，免費升級入住特大浴缸客房、雙人自助早餐、自助午餐及四道菜晚餐、免費泊車及彈性28小時入住時間【入住日期：即日至2022年3月31日】

 

香港海洋公園萬豪酒店 Hong Kong Ocean Park Marriott Hotel 救亡行動！開業以來首度推出雙人包三餐住宿套票(海灣餐廳自助早餐+海灣餐廳自助午餐+客房內享用四道菜晚餐)，仲會升級入住特大浴缸客房、賣大包送埋免費代客泊車、連最矜貴嘅late check-out都送埋畀你不特止、仲可以彈性入住時間+長達28小時住宿！簡單啲嚟講即係等於Your28！星期五、星期日都冇加價一律$2,090起+10%，星期六只係貴多$150，今個周末同情人節就貴多小小$2,390+10%。

奕居 - 情人節最抵Deal，限量搶海景海景套房！價錢連服務費$3,080起，包雙人早餐、$1,000客房餐飲消費額及免費Maxi-Bar【預訂日期：即日至2022年2月10日至2月19日】

係海景套房！係The Upper House奕居海景套房！今次價錢仲劈到$3,080起連服務費就有得限量搶海景套房！價錢平咗但同之前一樣包咗$1,000客房餐飲消費額及兩位早餐！

海景嘉福洲際酒店 - 震撼星期四快閃，購買酒店禮券低至68折，首38套使用指定優惠碼購買可獲贈紅酒一支【優惠日期：2022年2月10日至2月15日】

疫情狂爆之下海景嘉福洲際酒店InterContinental Grand Stanford出招玩番兩年前疫情初期嘅現金券優惠，特價酒店現金券高達68折，購買後可使用於酒店餐廳堂食、外賣及酒店網上商店嘅Staycation套票，由於每張現金券面值$500，若果自己用唔哂咁多張面額，可以同朋友夾埋一齊買就可以盡享最高優惠，購買優惠期只限為期6天！

九龍香格里拉大酒店 - 情人節限時：註冊開戶華盛再存放$10,000維持60日即送九龍香格里拉大酒店連雙人早餐，限量800個名額！【優惠日期：2022年2月10日至2月18日】

 

超正！零成本獲贈九龍香格里拉大酒店Kowloon Shangri-La, Hong Kong雙人住宿連早餐！只要透過指定連結開立華盛賬戶，再响App鬥快輸入優惠碼，再存放$10,000港元以上維持60日後就可得手九龍香格里拉住宿連早餐，免費住宿券可以換領到2022年6月30日前入住架！

香港康得思酒店 - 情人節住宿計劃「星願約定」，價錢$2,399起+10%，包住宿一晚、雙人情人節五道菜晚餐、自助早餐、精美甜點、房間浪漫星夜燈飾及2月14日入住延遲退房至下午4時，透過阿迪哥預訂再額外專享紅酒一支【入住日期：2022年2月12日至2月14日】

 

好消息！原來男女朋友响客房食晚餐慶祝情人節係合法！真係多謝哂！如果情人節仲未有plan...又想有浪漫燈飾...無酒店高階會籍又想late check-out 香港康得思酒店Cordis,  Hong Kong 情人節package 可以諗諗佢。

香港喜來登酒店 - 情人節兩大住宿套票，價錢$1,438起+10%，套票獲贈靈活退改房價住宿半價券【入住日期：2022年2月11日至3月15日】

 

香港喜來登酒店 Sheraton Hong Kong Hotel & Towers推出兩大情人節套票，喜歡傳統興祝方式可以選擇【愛•綻放】價錢$2,358起+10%，入住套房、房間內食情人節晚餐，包括龍蝦湯、和牛西冷、波士頓龍蝦伴牛肉汁，如果想打破傳統可以預訂【暗中談情】價錢$1,438起+10%，包$700餐飲消費額、60分鐘黑暗之旅遊戲及多項情人節禮遇，最重要係兩個套票都會包埋住宿半價券可以用於下次入住跑埋數！

港島海逸君綽酒店 - 貴賓樓層客房快閃，價錢連服務費$999起，住宿連貴賓樓層禮遇，於指定餐廳享用自助早餐、下午小點及雞尾酒【預訂日期：2022年2月8日至2月20日】

 

港島海逸君綽酒店 Harbour Grand Hong Kong 貴賓樓層客房快閃超低價！今次仲會開放埋一向都好難訂並設有露天暖水按摩池嘅尊貴露台海景客房！有池就終於可以响房內動態training！

Marriott Bonvoy - 萬豪紛享會員日2022年2月份優惠(第二波)：香港麗思卡爾頓酒店及香港瑞吉酒店指定房價享額外餐飲禮遇及香檳【預訂日期：即日至2022年2月10日】

今個月萬豪會員日除咗琴晚第一波介紹咗嘅5,000分房價外👉(按此)，另外兩家奢華酒店都推出咗指定房價享額外餐飲禮遇：

🔥香港麗思卡爾頓酒店 The Ritz-Carlton Hong Kong套房優惠$4,500起+10%：包$1,500餐飲消費額、香檳一支及雙人行政酒廊
🔥香港瑞吉酒店 The St Regis Hong Kong預訂指定客房或套房$3,700起+10%：包雙人早餐、海鮮拼盤連香檳兩支、泡泡浴球一個、心型歡迎禮品及客房升級

Marriott Bonvoy - 萬豪紛享會員日2022年2月份優惠：預訂指定房型可獲額外5,000積分【預訂日期：即日至2022年2月10日】

 

萬豪會員日今個月優惠出爐，會員預訂指定房型可獲額外5,000積分，可以配合埋聽日開始嘅Make Every Night Count...Twice Q1雙倍晚數+每晚1,000奬勵積分活動👉(按此)，不過唔洗太興奮住，睇埋內文每家酒店需要訂邊款房型先。

World Of Hyatt - 凱悅世界會員計劃與美高梅集團MGM Rewards會籍匹配 (Status Tier Match)

 

凱悅酒店跟拉斯維加斯美高梅集團嘅MGM Rewards一直維持聯盟方式合作，相方常客計劃會員可以互相匹配會籍從而獲取會員福利，雖然暫時去倒拉斯維加斯旅行嘅機會不高，不過每年二月份係以Hyatt會籍匹配MGM Rewards嘅最佳時間，尤其是若然有凱悅尊貴會籍快要降級嘅會員就最能受惠。

香港美麗華酒店 - 西式即食盆菜住宿包3餐快閃，價錢連服務費$1,646起，入住城景客房、雙人自助午宴、波士頓龍蝦西式即食盆菜及自助早餐，限量搶10個名額免費升級至Mira套房70【預訂日期：2022年2月6日至2月16日】

【#搶套房】超抵！香港美麗華酒店The Mira Hong Kong包3餐仲有10個名額搶Mira套房70！晚餐係超有創意嘅西式即食盆菜包括：波士頓龍蝦、 麵包蟹、 帶子、 蝦、 蜆、 紐倫堡腸、 雞翼、薯仔、 粟米、 迷你法包，自助午宴每周設不同主題，包括越南、泰國、中國、新加坡、台灣菜等。 設有冰上海鮮：青口、海蝦、蜆，壽司、刺身及各式甜品。

IHG - 洲際酒店集團於越南簽署四家新酒店管理協議

 

IHG與長期合作夥伴Sun Hospitality Group在越南達成了一項包含四家酒店、共超過2,700間客房的投資組合交易，繼在峴港的InterContinental Danang Sun Peninsula Resort的合作之後，兩家公司在兩個將於2026年開放嘅綜合發展項目中擴大合作夥伴關係。

Accor Live Limitless - 香港銀樾美憬閣酒店將於2022年3月1日開業 (The Silveri Hong Kong - MGallery)

 

等到地老天荒，推遲咗N次開業日期、位於東涌東薈城屬於雅高酒店集團MGallery品牌嘅香港銀樾美憬閣酒店將於2022年3月1日開業，今次終極開業日期應該都幾堅吓，同日同集團嘅東涌東薈城諾富特酒店將轉為指定檢疫酒店，將一般住客轉移到新酒店呢個推測都應該好合理。

本港另一家同品牌、位於灣仔嘅明怡美憬閣精選酒店AKI Hong Kong - MGallery現正招兵買馬，亦預計於今年內開業。

香港港麗酒店 - 限量搶快閃：價錢連服務費$2,300起、入住豪華山景客房一晚、雙人懷歐敘法式四道菜晚餐、行政貴賓廊禮遇、限量搶星期日至四入住免費升級至豪華半海景客房【預訂日期：2022年2月4日至2月14日】

 

冇酒店會籍人士佳音！香港港麗酒店 Conrad Hong Kong推出快閃包雙人行政貴賓廊禮遇及Brasserie on the Eighth法式四道菜晚餐，行政貴賓廊禮遇包括下午茶、黃昏雞尾酒及自助早餐，即係包4餐！星期日至四入住每日限量1間免費升級至豪華半海景客房，強推周末及情人節入住只係貴$200！凡係二月份入住仲會獲贈新春特別版Conrad bear bear！

香港六國酒店 - 優惠加推$889起+10%，入住高級大床房一晚及回贈$1,080粵軒消費額【預訂日期：2022年2月4日至2月13日】

 

香港六國酒店Gloucester Luk Kwok Hong Kong優惠加推！消費額回贈仲高過房價，比起「零」房價更抵！兼且回贈額係使用响外界評價一向幾高、佢哋屹立於灣仔超過88年嘅中菜廳粵軒，招牌菜包括金錢雞、半肥瘦叉燒、台山焗蟹缽、馬友鹹魚肉餅、荔芋香酥鴨及黯然銷魂飯等！

Marriott Bonvoy - 溫馨提示：萬豪旅享家2021年大使會員獲得贈送尊貴白金卡會員資格【贈送期限：2022年3月7日前】

萬豪繼去年10月份再次寄送電郵畀2021年完成所需要求嘅大使會員，提醒必須最遲於2022年3月7日前可以送增一個白金會籍名額給親人，今次電郵以簡體中文寄出，並註明親人嘅定義係家庭成員，包括父母、兄弟姊妹、配偶或子女，弱鈦迪迪求家庭成員，不想再努力了！

World Of Hyatt - One Bangkok曼谷新發展項目宣布計劃開設曼谷首家Andaz酒店

 

One Bangkok Co., Ltd於早前宣布，已與凱悅酒店集團簽訂管理協議，將在泰國首都推出Andaz酒店品牌。

阿迪哥向各位迪迪family成員拜年

大年初一迪迪首先祝大家財運亨通、事事如意、虎虎生威，今年中多啲target promotion定向無迪！

跟住順便要提提大家，凱悅Q1積分活動Bonus Journey每累積兩晚可以賺取2,022分，兩晚係唔需要連續，好似呢張圖片咁樣連續入住3晚就返咗兩次2,022分，係因為之前另一個stay入住咗3晚，所以大家唔需要理會每次入住晚數係唔係雙數。