香港迪士尼樂園 - 住宿快閃：香港迪士尼樂園酒店，海景客房價錢連服務費$1,392起；迪士尼探索家度假酒店，標準客房價錢連服務費$1,198起【預訂日期：2022年5月31日至6月3日】

 

香港迪士尼樂園兩家酒店再度推出淨房快閃，香港迪士尼樂園開賣海景客房、而迪士尼探索家度假酒店開賣標準客房，不過香港迪士尼樂園快閃價錢不嬲飄忽，今晚10點開賣時大家不妨睇下系統有冇啱大家嘅日期同埋價錢。

海景嘉福洲際酒店 - THANN住宿之旅，價錢連服務費$1,826起，入住尊尚城市客房、奢華海鮮盛宴晚餐及雞尾酒、自助早餐及THANN禮品套裝，限量搶平日免費升級至標準海景套房【預訂日期：2022年5月31日至6月9日】

 

搶！搶！搶！🔥超罕見海景嘉福洲際酒店InterContinental Grand Stanford限量搶標準海景套房！仲要今次個THANN主題泰國風情滋味晚餐一啲都唔弱，包括豪華海鮮拼盤一份，鮮蝦、帶子、海螺、大頭蝦、鱈場蟹腳、龍蝦及鮑魚配合泰式醬汁、泰式木瓜沙律、泰式青咖哩雞飯及泰國特色雞尾酒，實在泰想食！仲有THANN護理禮品送呀！

奕居 - 5月抵Deal快閃，價錢連服務費$3,080起，入住Studio 70豪華房、7至9月平日升級Studio 80、雙人早餐、$1,000客房餐飲消費額，7至9月星期二、三入住限量搶升級海景套房【預訂日期：2022年5月30日至6月8日】

 

唔洗介紹咁多，The Upper House奕居有海景套房限量搶！呢口價搶倒海景套房就fat fat！

Preferred Hotels - I Prefer會員入住3次賺取高達15,000額外積分【預訂日期：即日至2022年9月30日】

 

Preferred Hotels會員計劃I Prefer推出積分推廣活動，活動期間內入住3次可賺取15,000積分，但係香港目前只係淨番一間參與計劃嘅酒店港島海逸君綽酒店Harbour Grand Hong Kong，而近排如果有朋友外遊會選擇嘅熱點星馬泰都各有幾間酒店選擇。

IHG One Rewards - 辦理入住Kimpton跟前台職員講出社交密碼(Social Password)可獲額外禮遇【入住日期：2022年5月28日至9月5日】

 

Kimpton Hotels每一季都有一個社交密碼(Social Password)，其實之前一直都有，只係因為疫情關係、香港又無Kimpton所以阿迪哥停寫咗兩年幾，只要响辦理入住時跟前台職員講出本季暗號，酒店即時會送上驚喜禮遇。

WM酒店 - 包早、晚兩餐快閃，價錢連服務費$2,350起，入住高級客房一晚、雙人自助早餐、平日入住晚市套餐或周末入住自助晚餐、平日延遲退房1PM及升級豪華露台房【預訂日期：2022年5月27日至6月5日】

 

西貢充滿度假feel酒店WM Hotel今次快閃包早、晚餐，平日入住或周末入住各有優勢，星期一至四入住可以延遲退房及升級豪華露台房、星期五至日入住則可以由晚市套餐轉為食自助晚餐，自助晚餐包括即開生蠔、煙肉洋蔥茄汁焗蠔、香蔥韭菜蠔仔煎餅，鍾意生食或者熟食都可以兼顧倒！

海景嘉福洲際酒店 - 友緣相聚住宿計劃限時優惠，價錢$1,450起+10%，三人住宿一晚、三人自助早餐、三人份量房內美食拼盤、小食籃及房內汽球佈置，期間限定免費加送Häagen-Dazs雪糕3杯及SHISEIDO禮品包【預訂日期：2022年5月27日至5月31日】

 

最啱3個知已共聚，一直都係海景嘉福洲際酒店InterContinental Grand Stanford熱賣Staycation之一嘅「友緣相聚」住宿計劃推出限時優惠，期間限定5月31日前預訂可以額外免費加送Häagen-Dazs雪糕3杯及SHISEIDO禮品包兩份！

都會海逸酒店 - 超值限量搶套房，價錢連服務費$770起，入住高級客房一晚連$550餐飲消費額，限量搶每日兩個名額免費升級至高級套房【預訂日期：2022年5月26日至6月2日】

 

都會海逸酒店Harbour Plaza Metropolis推出兩大包餐飲消費額快閃優惠限量搶套房，價錢連服務費$770起，回贈$550餐飲消費額，入住高級客房，限量搶免費升級高級套房、而另一個優惠價錢連服務費$1,100起，回贈$750餐飲消費額，入住高級套房，限量搶免費升級豪華海景套房！

香港迪士尼樂園 - 住宿驚喜價快閃：香港迪士尼樂園酒店，價錢連服務費$1,099起，；迪士尼探索家度假酒店，價錢連服務費$1,099起【預訂日期：2022年5月26日中午12時起】

 
【今日中午12時開賣！】 唔需要再靠賞你住！香港迪士尼樂園兩家酒店再推震撼淨房驚喜價，預訂標準客房香港迪士尼樂園酒店及迪士尼探索家度假酒店部分日子都係低至$1,099咋！今次優惠重點注目迪士尼探索家酒店端午節價期及周末都有開放，比官網平一截！

更新：海外抵港人士政府指定第七輪檢疫酒店名單及網上預訂指定檢疫酒店【有效期由2022年3月1日至2022年7月31日】

政府今日(2022年5月25日)公布新增兩家指定檢疫酒店，分別為大家非常關注，屬於萬豪旅享家嘅香港海洋公園萬豪酒店與及香港港麗酒店，需要跑希爾頓人仕得返一個選擇，兩間新加入酒店將於六月初投入服務，關於海洋公園萬豪酒店嘅Club Wing仍會開放正常入住，但只有並非酒店直接營運嘅兩間餐廳南海小館及Prohibition扒房營業，而行政酒廊只會用作辦理入住手續，不會提供任何待遇、其他酒店設施暫停開放。另外，香港W酒店已重新開放8月後一般住客預訂。

如果對搜尋檢疫酒店有困難，可以响Trip .com系統搜尋， 能夠一次過睇哂邊間酒店仲有房並進行即時預訂，內文有預訂連結。

香港尖沙咀凱悅酒店 - 下午茶+點心套餐快閃，價錢連服務費$1,399起，平日升級入住海景客房、下午茶套餐或下午茶自助餐、凱悅軒點心放題【預訂日期：2022年5月25日至6月3日】

 

玩得多Staycation食厭咗自助早餐可以玩吓呢個香港尖沙咀凱悅酒店Hyatt Regency Hong Kong Tsim Sha Tsui下午茶+點心套餐快閃，入住當日享用下午茶套餐，若果星期日或公眾假期當日入住更可享用下午茶自助餐，翌日早餐係响凱悅軒由10:00至12:00享用2小時點心放題，咁就可以瞓晏啲，今次快閃比較起官網大約平$200、平咗之餘兼且星期一至四入住保證入住升級海景客房，計落仲抵過賞你住！

沙特阿拉伯紅海全新旅遊發展項目將引入多個國際酒店集團品牌，包括萬豪、希爾頓及凱悅奢華品牌

 

雖然沙特阿拉伯呢個國家大家未必會去，不過The Red Sea Development Company紅海呢個旅遊發展項目係旅遊界舉世矚目，並且將會於2023年起引入三大酒店集團奢華品牌都值得跟大家分享。

Trip .com - 週中狂搶，香港美利酒店房間升級、$2,000餐飲消費額、免費泊車及寵物入住，價錢$1,818起+10%；香港文華東方酒店升級皇后像廣場景觀客房、文華閣禮遇及3道菜晚餐，價錢$2,389起+10%；港威酒店房間升級、貴賓樓層禮遇及免費迷你吧，價錢$707起+10%【預訂日期：2022年5月24日至5月26日】

 

今早11:00除咗開始賞你住之外，進擊嘅Trip. com仲會搶先响早上10:00正面硬撼賞你住推出5大酒店Staycation限量狂搶，除咗標題嘅3家酒店香港美利酒店The Murray Hong Kong, a Niccolo Hotel (限量20個名額)、香港文華東方酒店Mandarin Oriental Hong Kong (限量10個名額)、香港港威酒店Gateway Hotel Hong Kong (限量30個名額)，另外仲有香港帝苑酒店The Royal Garden Hotel升級至豪華房連雙人早餐，價錢$545起+10% (限量30個名額)、千禧新世界香港酒店New World Millennium Hong Kong Hotel城景房平日升級海景房、早餐、房內盤菜晚餐及紅酒一支，價錢$1,309起+10% (限量20個名額)。

香港美利酒店 - 限量搶Signature Suite套房豪華海鮮塔晚餐包兩餐快閃，價錢連服務費$3,201起，由N1 Deluxe限量升級至Signature Suite套房、豪華海鮮塔3道菜晚餐、雙人早餐、免費寵物入住及免費泊車【預訂日期：2022年5月23日至5月29日】

 

香港美利酒店The Murray Hong Kong又有套房搶！今次優惠嘅晚餐菜單提供期間限定豪華海鮮塔3道菜晚餐，內容包括生蠔、凍蝦、青口、鮑魚及雪蟹腳嘅豪華海鮮塔、主菜可以選擇罕有部位和牛封門柳、澳洲盲鰽魚柳或者美式燒牛肋骨。

香港美麗華酒店 - 套房升級優惠連自助晚餐，價錢連服務費$1,738起，入住城景客房、雙人自助晚餐、早餐及VR遊戲券一張，星期一至四入住限量搶升級Mira套房70【預訂日期：2022年5月23日至5月31日】

 

如果想食自助晚餐、又想玩VR遊戲券、又想住套房可以考慮香港美麗華酒店The Mira Hong Kong呢個優惠，而且佢個室內泳池亦真心唔錯！

「賞你住」再度登場 - 於合資格實體零售或實體餐飲商戶消費滿港幣$800，即可享港幣$500住宿折扣優惠【預訂日期：2022年5月24日至7月7日】

最新一期賞你住將於明天(5月24日上午11:00) 正式開始接受預訂，完整酒店名單、預訂方式及推介住宿套票已經顯示响活動主頁內，大家慢慢。

海景嘉福洲際酒店 - 卡通主題房快閃，價錢連服務費$1,265起，入住卡通主題尊尚客房一晚、最多兩大兩小自助早餐、兩杯雪糕、$300房内迷你吧消費額及迎賓玩具【預訂日期：2022年5月22日至5月30日】

 

海景嘉福洲際酒店InterContinental Grand Stanford推出卡通主題房快閃，最多可以兩大兩小入住，主題包括宇宙之旅、恐龍世界及海洋探險，主題房用品包括：床單、地毯、牆貼、兒童浴袍、小夜燈，優惠仲包括免費體驗「Style Theory品牌服裝租借體驗」，啱哂親子Staycation！

香港JW萬豪酒店 - JW嚐味度假旅程期間限定優惠，每晚$2,580起+10%，入住豪華客房一晚、$2,000餐飲消費額，期間限定6月份入住獲贈Caffé Perfetto的Caffé Mano手壓咖啡機一部連咖啡膠囊10粒【入住日期：2022年6月1日至6月30日】

 

為慶祝父親節，香港JW萬豪酒店為其中一個最受歡迎嘅住宿套票JW Stay and Dine推出期間限定優惠，只需响6月份內入住每房可獲贈Caffé Perfetto的Caffé Mano手壓咖啡機一部連咖啡膠囊10粒！

沙田凱悅酒店 - 行政套房快閃優惠連自助早餐，行政套房價錢連服務費$1,249起、行政海景套房價錢連服務費$1,353起、行政雙套房價錢連服務費$2,002起【預訂日期：2022年5月20日至5月26日】

 

沙田凱悅酒店Hyatt Regency Hong Kong Sha Tin罕有推出行政套房快閃，啱哂非Globalist會員玩，今次行政套房、行政海景套房、並且連兩房嘅行政雙套房都有優惠，平日或周末入住同價！相信開賣後周末入住嘅海景套房及行政雙套房好快會清零，大家要保持清醒準備搶！

香港康得思酒店 - 隔離住宿計劃，單人住宿價錢連服務費每晚$1,500起、雙人入住價錢連服務費每晚$2,000起，包括每日三餐膳食【入住日期：即日起至2022年7月31日】

 

雖然今日唔係星期三，但係大家都總掛住香港康得思酒店Cordis Hong Kong吧？如果有考慮外遊、又非常掛念Cordis可考慮返來入住佢哋嘅隔離住宿計劃，阿迪哥睇過佢個每日餐單有中式、西式、素菜及兒童餐可以選擇都幾精彩！如有需要兼且可以即時預訂埋相連客房。

IHG One Rewards - 精英會籍挑戰活動，入住5晚可獲白金卡精英、入住15晚升級鑽石卡精英【註冊日期：即日至2022年7月31日】

 

IHG One Rewards最新推出精英會籍挑戰活動，只要一經註冊會員即時可升級為白金卡精英會籍(Platinum Elite)，只要响註冊後120日內入住5晚可保持白金卡資格、入住滿15晚即可升級為鑽石卡精英 (Diamond Elite)！全球人士均可參加，唯獨是大中華地區居民除外，即係IHG One Rewards所登記嘅地址必須是香港、澳門、台灣及中國大陸以外地區嘅會員方合資格登記呢個活動。

千禧新世界香港酒店 - 饗宴三重奏快閃，價錢連服務費$1,840起，入住城景客房一晚、雙人自助早餐、嵯峨野日式晚餐及Residence Lounge享用西班牙橡果黑毛豬風乾肉拼盤連葡萄酒【預訂日期：2022年5月18日至5月24日】

 

千禧新世界香港酒店New World Millennium Hong Kong Hotel今次快閃包3餐重點係晚餐可以响嵯峨野日式餐廳享用特製套餐，快閃期間已經減至本身係高級客房嘅價錢$1,840起可以升級入住城景客房，另外兼且仲會設有限量搶再升多一級至海景客房！

香港美利酒店 - 美饌時刻快閃，價錢連服務費$2,712起，入住高級客房一晚、雙人早餐、三道菜晚餐、免費泊車及免費寵物入住，輸入限量升級優惠碼免費升級至Explorer Suite套房【預訂日期：2022年5月18日至5月22日】

 

香港美利酒店The Murray Hong Kong, a Niccolo Hotel今晚凌晨00:00會推出包兩餐限時快閃，價錢連服務費$2,712起，開賣時鬥快輸入限量升級優惠碼星期一至四入住可以怒升4級至Explorer Suite套房！

港島海逸君綽酒店 - 負房價快閃，價錢連服務費$1,639起，入住高級海景客房、雙人自助早餐、下午小點、雞尾酒時段及$1,500餐飲消費額【預訂日期：2022年5月17日至5月22日】

 

港島海逸君綽酒店Harbour Grand Hong Kong同時推出兩個負房價快閃，豐檢由人，但講到最抵玩CP值最高係價錢連服務費$1,639起，包咗3餐待遇雙人自助早餐、下午小點、雞尾酒時段外、仲會包埋$1,500餐飲消費額！

World Of Hyatt - 凱悅天地會員入住亞太區參與活動酒店每完成2晚認可住宿即可賺取1,000奬勵積分，上限15,000分【入住日期：2022年5月16日至9月2日】

 

凱悅推出入住亞太區酒店專享積分推廣活動，每完成兩晚住宿可賺取1,000分，即是平均每晚500分，每晚約回血$67港幣，整個活動期間上限可賺取15,000分，即係共累積30晚，參與今次活動嘅酒店包括全港4家凱悅集團嘅酒店、澳門及台北嘅君悅、其他參與國家包括日韓、東南亞、馬爾代夫及澳紐，但並不包括中國大陸。

香港君悅酒店 - 君悅套房快閃，價錢連服務費$3,190起，入住君悅套房Grand Suite一晚、嘉賓軒酒廊禮遇及$1,200餐飲消費額【預訂日期：2022年5月16日至5月23日】

 

香港君悅酒店Grand Hyatt Hong Kong開埋泳池口價都仲咁靚仔，住套房啊！入住套房當然會包括雙人嘉賓軒禮遇入Lounge飲香檳、食下午茶、黃昏雞尾酒及早餐！另外仲會多包$1,200餐飲消費額、兼且今次會送埋價值$599嘅Style Theory服裝體驗服務！呢期WeWa Visa卡持卡人預訂滿$1,500或以上，於付款前輸入指定優惠碼可享$165折扣！

另外，如果唔需要一定入住套房的話，今次同時亦推出類似官網嘅Staycation優惠包雙人自助早餐+另外1餐，價錢跟官網差唔多、甚至平少少，可以選擇嘅一餐美食包括Tiffin茶園生蠔自助晚餐、露天池畔餐廳燒烤自助晚餐、露天池畔餐廳午餐及港灣壹號晚餐，快閃期間預訂呢類型套票一律免費升級入住豪華海景房及獲贈價值$588嘅Tiffin茶園外賣下午茶或價值$700嘅CLASH！期間限定「鋒味同行」創作主題美食體驗！

數碼港艾美酒店 - 酒店旗下4家餐廳將於2022年5月20日起陸續重新營業

等到地老天荒數碼港艾美酒店Le Méridien Cyberport終於決定有重新開業日期喇...啲餐廳，但至於客房住宿就今年夏季啦，應該...酒店係咁講啦。

香港JW萬豪酒店 - JW Buffet-cation at The Lounge住宿套票，價錢$2,380起+10%，入住豪華客房一晚、The Lounge雙人自助晚餐及自助早餐【入住日期：2022年5月18日至6月30日】

 

自助餐控注意！JW Marriott Hong Kong終於再次推出自助晚餐住宿套票喇！雙人自助晚餐將會响The Lounge享用，包埋The Café雙人自助早餐及住宿一晚價錢$2,380起+10%！今次連星期五、六入住都有，都只係貴$200蚊咋！

香港半島酒店 - 半島美食住宿禮遇包3餐快閃優惠，價錢連服務費$2,948起，住宿連雙人早餐及外帶下午茶，自選晚餐包括Felix、大堂茶座或嘉麟樓【預訂日期：即日至2022年6月15日】

 

香港半島酒店 The Peninsula Hong Kong應該想谷番啲入住率所以推出呢個好平、唔洗$3K起跳嘅包3餐Staycation套票，晚餐仲有三個選擇，包括Felix、大堂茶座或嘉麟樓都得！呢期WeWa Visa卡持卡人預訂滿$1,500或以上，於付款前輸入指定優惠碼可享$165折扣！

香港銀樾美憬閣酒店 - The Silveri Hong Kong - MGallery 2022年6月1日正式開業

 

阿迪哥都已經唔記得究竟講咗第幾次呢家酒店開業消息喇，但今次或許、應該、可能係最可靠一次，The Silveri Hong Kong - MGallery於2022年6日1日正式開業、兼且仲可以使用Accor Plus嘅Stay Plus免費房券預訂！但係最難理解應該係阿迪哥何解會响3月1日以平行時空型式付費入住過，我自己都攪唔清楚。

如果想享受一個完整住宿體驗，可以考慮透過Klook率先推出嘅全港獨家Staycation【美饌之旅】，每晚價錢連服務費$2,600起，包住宿及早、晚兩餐及於The Pavilion 享用日落開胃酒。

YMCA港青酒店 - 海景美食之旅快閃，價錢連服務費$1,288起，入住海景客房連雙人早餐及「牛柳・龍蝦・火焰雪山」4道菜套餐，限量搶每日共10個名額免費升級至海景套房或半海景套房【預訂日期：2022年5月13日至5月19日】

今次The Salisbury - YMCA of Hong Kong有大量套房免費搶呀！包早、晚兩餐住宿套票，晚餐提供海陸雙拼烤美國牛柳及法式焗龍蝦！本身呢個優惠已經係入住海景客房，而且開賣時仲有充足升級套房免費搶，海景套房及半海景套房每日各5間，即係每日10間！呢期WeWa Visa卡持卡人預訂滿$1,500或以上，於付款前輸入指定優惠碼可享$165折扣！

另外仲會同時推出包自助晚餐快閃，價錢連服務費$1,588起，一樣都有套房搶！

海景嘉福洲際酒店 - 五月驚喜快閃：預訂海鮮刺身龍蝦饗宴住宿計劃，可獲得額外5,000優悅會積分【預訂日期：即日至2022年5月16日】

 

海景嘉福洲際酒店InterContinental Grand Stanford推出五月驚喜快閃，預訂海鮮刺身龍蝦饗宴住宿計劃，價錢每晚$1,688起+10%，包含住宿一晚、 汽酒一支及迎，快閃期間預訂可獲取額外5,000優悅會積分！

Marriott International - 萬豪集團第二代繼承人Bill Marriott退下集團主席一職並正式退休

 

萬豪集團第二代繼承人Bill Marriott服務集團66年後退下董事會執行主席一職，並於2022年5月6日正式退休，在最近一次董事會會議上其兒子David Marriott被選為接任人選，接替其父親擔任主席一職，成為萬豪集團的第三代繼承人。

香港維港凱悅尚萃酒店 - We Miss Thailand住宿計劃，價錢每晚$1,130起+10%，包含住宿一晚、雙人自助早餐、泰國主題自助午餐或晚餐、泰式二人甜點套餐、潑水節通行證、泰國零食禮包及泰國文化散紙包【入住日期：2022年5月13日至6月30日】

 

香港維港凱悅尚萃酒店Hyatt Centric Victoria Harbour重啟港遊世界系列，為重新出發作好準備！酒店與泰國政府旅遊局合作推出We Miss Thailand住宿計劃，除咗有玩、有食、有手信外，訂咗呢個Package仲可以响酒店泳池來一次潑水節水戰，另外仲可以額外付費參加私人泰拳班或由泰國天然護膚品牌Siam Botanicals Thai Spa所提供嘅75分鐘雙人按摩體驗！

YMCA港青酒店 - 5月抵Deal，價錢連服務費$715起，入住半海景客房連雙人早餐，限量搶免費升級至半海景套房【預訂日期：2022年5月10日至5月19日】

 

The Salisbury - YMCA of Hong Kong又有套房搶！今次仲可以超低價入手，本身價錢連服務費$715起，入住半海景客房連雙人早餐，但開賣時有限量名額免費升級半海景套房！

World Of Hyatt - 凱悅世界品牌探索者奬勵(Brand Explorer Award)及淺談凱悅集團26個酒店品牌

 

凱悅酒店集團全球酒店足跡對比起其他幾個全球大集團例如萬豪、希爾頓相對較小，但凱悅近年正快速擴張其品牌及酒店數目，凱悅不僅專注於為自家核心品牌在全球各地區開設新酒店、並積極收購同業增加品牌數目及以獨特方式進行市場策略性合作，目前凱悅酒店集團經已擴展至26個酒店品牌，由於近年加入頗多品牌、或許各位都有點兒混淆，今日凱悅官網剛剛亦重新整合旗下各系列品牌定位，所以阿迪哥就响呢一篇文章列出所有26個品牌簡介一下，希望大家睇完之後會對於其各個酒店品牌印象會比較深刻，另外凱悅世界會員有一個好獨特嘅Brand Explorer獎勵可以賺取免費住宿券，今次亦一次過介紹。

香港四季酒店 - 味之旅住宿快閃包兩餐，價錢連服務費$3,388起，包全新客房住宿一晚、雙人早餐、三道菜晚餐、池畔享用氣泡酒兩杯、全部日子均可提早11AM入住及延遲退房5PM【預訂日期：2022年5月9日至5月15日】

 

泳池重開就梗係諗起Four Seasons Hotel Hong Kong香港四季酒店！今次包兩餐快閃最大亮點係連周末及公眾假期入住都可以提早上午11時入住及黃昏5點退房，長達30小時住宿真係好難得！兼且會贈送氣泡酒兩杯於池畔享用！

Marriott Bonvoy - 萬豪紛享會員日2022年5月份優惠【預訂日期：2022年5月8日至5月10日】

 

阿迪哥首先祝各位母親節快樂！今個月參加萬豪會員日嘅酒店一共有6家，分別係The Ritz-Carlton, Hong Kong、The St. Regis Hong Kong、JW Marriott Hotel Hong Kong、Sheraton Hong Kong Hotel & Towers、Sheraton Hong Kong Tung Chung Hotel 及 Renaissance Hong Kong Harbour View Hotel，而優惠分別有兩大類，包括以Flexible Rate定價嘅額外積分包，奢華酒店類別5,000分、高級酒店類別2,000分；與及指定住宿套票98折，綜觀所有優惠中，最值得考慮入手係香港麗思卡爾頓酒店套房優惠，價錢$4,508起+10%，入住套房一晚 + $1,500餐飲消費額 + 1支香檳 + 雙人行政酒廊。

GHA Discovery - 會員大抽獎 (抽獎結果)，頭獎可獨得D$10,000 (價值$10,000美元)【活動註冊日期：即日至2022年3月31日】

話說GHA Discovery改制後有個抽獎活動，之前阿迪哥都有報導過， 其實較早前已經 有得獎結果，但原來好多得獎者都冇收到電郵通知，所以大家不妨查一查自己個帳號有冇多咗D$，因為呢次嘅D$獎賞只有半年有效期。

香港半島酒店 - 嘉麟樓精品應節端午糭，每隻$308起【換領日期：2022年5月21日至6月3日】

 

香港半島酒店The Peninsula Hong Kong嘅嘉麟樓今年限量制作嘅端午糭即將於5月21日開始發售，而家可以開始優先預購，賣完即止，嘉麟樓一共推出三款應節精品靚糭訂購，均由餐廳行政總廚林鈺明監督出品，分別為金黃鴛鴦鹼水粽每套$308、瑶柱裹蒸粽每隻$388、而當中最吸引嘅金腿幹鮑裹蒸粽先以鮑汁為糯米調味、加入原隻中東幹鮑及其他上乘餡料，並且使用上湯煮熟，每隻售價$688。

千禧新世界香港酒店 - 聚賢薈客房快閃，價錢連服務費$1,198起，入住聚賢薈客房一晚、雙人自助早餐、聚賢薈貴賓廊禮遇、免費房内自選電影、紅酒一支及設限量搶平日入住免費客房升級【預訂日期：2022年5月6日至5月15日】

 

千禧新世界香港酒店 New World Millennium Hong Kong Hotel好受歡迎嘅快閃喇！今次除咗有包入Lounge嘅套票外、仲有加設另外一個包早、晚兩餐嘅套票，晚餐將會安排响K11 Musea嘅意大利百年烘焙品牌Giovanni Pina享用雙人意式晚餐，晚餐仲會包括招牌蛋糕及迷你手工撻及指定美酒！

Marriott Bonvoy - 阿迪哥萬豪帳號內被消失的4個房晚

 

阿迪哥前晚，即係2022年5月4日，打開Marriott Bonvoy個App赫然發現今年嘅合資格晚數被扣走咗4晚，當時腦海中立刻湧現，英冠球隊打比郡由於因財政問題被扣分嘅事件，喂！係咪因為迪迪今年响萬記spending太低、同樣因財政問題被扣晚數呀？長話短說，總之帳戶內今年就係唔見咗4晚，相信應該唔止發生响阿迪哥一個人身上。

奕居 - 限量搶海景套房！價錢連服務費$3,334起，入住Studio 70 Island、包雙人早餐、雙人3道菜晚餐及免費Maxi-Bar，限量搶6月指定日子免費升級海景套房【預訂日期：2022年5月5日至5月15日】

 

奕居海景套房嚟喇！The Upper House奕居再推包兩餐快閃，價錢連服務費$3,334起，6月份指定日子限量20個名額免費升級入住海景套房！如果搶唔倒套房，6月至9月星期一至四入住都保證升級Studio 80 Island！

IHG One Rewards - 2022年Q2全球積分推廣活動：入住奬勵高達4倍積分【活動日期：2022年5月18日至8月31日】

 

IHG One Rewards推出Q2全球積分推廣活動，活動期間內由入住第二個房晚起可獲倍數積分，最高可以賺取4倍積分，IHG改革全新會員計劃之後吸引力的確大咗，可能部分朋友仔都考慮跑吓，如果跑數之餘仲配合加乘今次積分活動，咁將來Six Senses、麗晶就不是夢！

香港六國酒店 - 佛跳牆及點心放題住宿快閃，價錢連服務費$1,555起，入住高級客房一晚、雙人精裝佛跳牆套餐及點心放題下午茶【預訂日期：2022年5月4日至5月10日】

 

六國酒店Gloucester Luk Kwok Hong Kong嘅佛跳牆快閃Staycation返嚟喇！今次晚餐主題係「佛跳牆 X 港式回憶懷舊菜」，菜式包括鮑魚海參花膠佛跳牆、招牌粵軒叉燒及焗釀蟹蓋等多款撚手名菜再送埋白酒，翌日仲包埋點心放題下午茶，高質點心包括粵軒灌湯餃、南非鮑魚燒賣、蝦餃皇、白玉蝦燒賣及鮑汁叉燒包等，包含一兩餐都响佢地嘅著名中菜食府粵軒用餐，如果著重味覺享受呢個快閃啱哂！

香港君悅酒店 - 自助晚餐住宿快閃，價錢連服務費$3,280起，升級入住海景客房、雙人自助晚餐、自助早餐及Tiffin茶園外賣下午茶禮盒，平日24小時彈性入住【預訂日期：2022年5月4日至5月10日】

 

又有高CP值香港君悅酒店Grand Hyatt Hong Kong快閃！Grand Café嘅自助餐質素全港名列前茅，今次快閃包括雙人兩餐自助餐，Grand Café自助晚餐及自助早餐，仲有以下3個賣點：
1. 大部分日子平過官網
2. 免費升級海景客房
3. 額外贈送Tiffin茶園外賣下午茶禮盒

呢期只要使用匯豐信用卡付款時輸入指定優惠碼仲可以勁減$200！ 

香港帝苑酒店 - Sky Club Spa按摩及水療服務優惠：60分鐘深層舒緩按摩特價$880、90分鐘盈彩亮肌面部護理及深層舒緩背部按摩$990【適用日期：即日至2022年6月30日】

 

香港帝苑酒店The Royal Garden嘅Sky Club Spa推出超大折扣優惠，一系列水療按摩服務低至33折！60分鐘深層舒緩按摩原價$2,685、33折後特價$880；90分鐘盈彩亮肌面部護理及深層舒緩背部按摩原價$2,575、38折後特價$990，特價後同响泰國5星酒店做Spa價錢差不多，以上療程均包括花茶、蝴蝶酥及當日單次健身室通行証！

香港美麗華酒店 - 免費升級Mira套房70包3餐快閃，價錢連服務費$1,518起，限量免費升級入住Mira套房70、雙人自助午宴、房內西式晚餐、自助早餐及房內迷你吧【預訂日期：2022年5月3日至5月12日】

 

香港美麗華酒店The Mira Hong Kong呢個包3餐快閃只需$1,518起，仲有限量免費升級入住Mira套房70！其中兩餐食自助餐，美麗華個室內泳池都幾夠大，預計於5月8日重開，呢口價錢係KKday响宣佈重開泳池之前已經傾好，所以下一水未必係呢口價，搶到套房就更加發達！

香港維港凱悅尚萃酒店 - 「食．住．嘆」住宿計劃，價錢$2,290起+10%，包住宿一晚、雙人自助早餐、Cruise空中餐廳二人套餐或自助晚餐及泰國品牌Siam Botanicals Thai Spa雙人75分鐘按摩【入住日期：即日至2022年7月31日】

 

終於有得做按摩！做得按摩就不如入住埋酒店、住得就梗係食埋、「食．住．嘆」完就梗係儲埋酒店積分及晚數啦！香港維港凱悅尚萃酒店Hyatt Centric Victoria Harbour推出住宿包兩餐套票優惠連泰國天然護膚品牌Siam Botanicals Thai Spa所提供嘅75分鐘雙人皇牌香薰按摩或泰式傳統按摩體驗或養生美肌排毒按摩，個雙人按摩體驗原價都要$1,500！至於晚餐自助餐控可以選擇Farmhouse自助晚餐、如果喜歡食亞洲各國fusion菜就揀Cruise空中餐廳主理嘅Feed Me Staycation二人套餐無誤。

Marriott Bonvoy - 萬豪國際集團計劃進一步擴張亞太地區業務，預計2022年將開設第1000家酒店

 

萬豪集團預計今年將在亞太地區開設近100家酒店，更大的目標是到2022年底在亞太區開設第1,000家酒店。由於休閒需求預計將超過商務旅行，萬豪將加強其在濟州等多個休閒目的地的酒店分佈，已於2022年5月開設濟州島JW Marriott Jeju Resort & Spa，而悉尼W酒店預計 2022年底開業。