Accor - Boost your points全球推廣活動，入住3次可獲6,000積分【預訂日期：即日至2020年10月9日】

呢個一直以來係雅高酒店集團尚算做最吸引嘅全球推廣活動(情況類似見到秋香)，而家又再推出，入住3次可共獲6,000分(每次必需最少入住兩晚)、等值€120歐羅(約港幣$1,115)，如果去刷北角ibis六晚最低價假設連稅約$1,664、可以回本$1,115，即係成本$500幾蚊可以有6晚住宿，不過常見comments出沒注意 ~ 北角ibis間房好細嘛，明啦...遊戲就咁玩囉，睇吓今晚有冇需要啦~OK😏

American Express - 無需累積入住晚數即時獲得酒店集團尊貴會籍

 

若然自己本身比較難透過累積入住晚數從而獲得酒店集團尊貴會籍的話，其實可以考慮利用「美國運通白金卡」福利直接獲得各大酒店集團尊貴會籍、入住時就可以獲得延遲退房、房間升等、額外積分或者甚至免費早餐等待遇，機會是留給有準備的人。

American Express - 於萬豪、希爾頓、凱悅酒店集團憑已登記合資格美國運通卡消費滿指定金額，即可享現金回贈【簽賬日期：即日至2020年11月30日】

嘩！史上最瘋狂首次三大酒店集團一齊參與美國運通簽賬回贈！ 部分優惠設有登記上限，快啲登記呀！如果有多張卡登記哂佢可以平衝Hyatt Globalist、Hilton Diamond、Marriott Platinum呀！

Marriott Bonvoy - 萬豪旅享家9月8日會員日優惠預告

每月逢8號萬豪會員日優惠又來，今個月其實啲優惠都係嗰啲啦，都離不開套房半價、連續入住高達6折，不過今個月就多咗項新意、訂行政房7折，當然白板會員有用啦！但係白金以上會員看似無用、但若然某間酒店嘅行政房跟標準房價錢相差不遠，咁樣就有望行政房價便宜過標準房，不過只要香港萬豪市場仍然有半價房券玩，乜嘢優惠都變得失色。

港島海逸君綽酒店 - 限時3日快閃$1,650起，包含服務費、$1,300餐飲消費額、仲包埋行政酒廊及免費泊車【銷售日期：2020年9月2日至9月4日】

今晚(9月2日)凌晨00:00即刻搶！五星級酒店港島海逸君綽酒店做3日快閃，已包服務費每晚$1,650起，入住期間1,300餐飲消費額、仲包埋行政酒廊，今時今日最難得仲有免費泊車呀baby，真係可以食到癲！

World Of Hyatt - 購買積分75折促銷【即日至2020年9月30日】

凱悅集團又賣分促銷，過往佢哋嘅促銷係額外加乘bonus，今次換湯不換藥改為玩折扣，其實咪又係咁，而今次促銷由即日起至2020年9月30日，只需一次過購買最少5,000分即可獲75折優惠，阿迪哥就認為响近來眾多酒店集團積分促銷之中Hyatt嘅CP值最高，不過以目前環境就並非買分嘅最好時間。

Accor Live Limitless - 會員帳號預訂住宿給親友，會員無需親自辦理入住亦可累積積分【入住日期：即日至2020年12月31日】

Accor推出咗一個期間限定活動，由即日至2020年12月31日會員帳號訂房給親友入住，無需親身辦理入住亦可賺取積分。