香港海景嘉福洲際酒店 - 雙十一限時優惠：每晚 $1,111+10%，入住尊尚城市客房連Club InterContinental行政禮遇及$300房間mini bar消費額【訂購日期：2020年11月6日至2020年11月11日】

InterContinental Grand Stanford雙11限時快閃！$1,111+10%入住尊尚城市客房連Club InterContinental行政禮遇，即係包含咗兩位早餐、下午茶及Happy Hour任飲紅白酒及精緻小食，阿迪哥6月曾經住過呢間酒店覺得行政酒廊嘅Happy Hour小食非常高質！最難得係周末、平日同價！

香港麗思卡爾頓酒店 - 11月快閃優惠，包括Deluxe Suite住宿連行政酒廊待遇及$2,000餐飲消費額每晚$4,888+10%及其他餐飲優惠【銷售日期：2020年11月6日至11月9日】

The Ritz-Carlton Hong Kong再度推出一系列網上快閃！當中大家最感興趣應該係以每晚$4,888+10%入住Deluxe Suite連行政酒廊待遇及$2,000餐飲消費額，簡直挑戰正常人食量！睇落真係算抵，但係兩日一夜之內閣下有能力食倒咁多嗎？行政酒廊嘅午餐+下午茶+晚餐+早餐+午餐+另加$2,000...而且佢嘅行政酒廊及早餐嘅美食你懂的！😉

其他餐饗優惠包括：Café 103自助午餐優惠價$293+10%、Tosca di Angelo四道菜假日午餐$621+10%及Ozone周六Brunch包無限添飲Veuve Clicquot香檳$585+10%等。

香港康得思酒店 - 11月感謝祭快閃優惠第一擊，內容包括住宿連自助餐Staycation、餐飲及「川」水療優惠，阿迪哥大家庭成員預訂住宿+自助餐套票可享紅酒一支【預訂日期：2020年11月4日至11月7日】

Cordis Hong Kong將會响連續三個星期嘅周三晚上9時正推出感謝祭快閃優惠，今次11月4日21:00頭炮推出嘅Staycation包兩位自助餐套票由$988起+10%，非住宿優惠包括有「川」水療臉部+眼部護理共90分鐘原價$2,000特價63折後$1,250+10%、Alibi餐廳亞洲風味下午茶原價$388兩位特價72折後$278+10%、與及米芝蓮星級食府明閣嘅「龍皇珍味宴」$1,111+10%(兩位用)，阿迪哥大家庭成員訂購Staycation自助餐套票照舊享有紅酒一支！

港島海逸君綽酒店 - 限時海景客房每晚$1,758起，包含服務費、貴賓閣禮遇、$1,500餐飲消費額及免費泊車等多項禮遇【預訂日期：2020年11月4日至11月8日】

 

KKday六周年優惠第三炮！Harbour Grand Hong Kong Hotel貴賓樓層海景客房$1,758起(包服務費)，除咗包含$1,500餐飲消費額外、仲要包埋貴賓閣禮遇，即係包埋兩位免費早餐、下午茶小點及Happy Hour，真正考驗香港人飢餓指數！餐飲消費額可以用於咖啡廳自助餐或於酒店頂層LE 188°嘆法國餐都得！其他禮遇仲包埋免費泊車、生日送餐酒、提早中午12:00入住及延遲退房至下午3:00！

香港尖沙咀凱悅酒店 - 海景客房連嘉賓軒酒廊禮遇每晚$990起，包服務費、提早於早上10時入住及延遲退房至下午2時及免費K11 Select $300電子禮券【預訂日期：2020年11月4日至11月8日】

若果閣下認為沒SNP不了就請不需要繼續看下去... KKday六周年優惠第二彈！都喺今晚凌晨12:00開搶！(2020年11月4日00:00) ~ Hyatt Regency Tsim Sha Tsui呢個嘉賓軒海景客房真係抵到爆！如果搶唔倒TUVE就可以轉移目標！星期日至四入住只需$990、星期五及六入住亦只需$1,220！價錢已包含服務費及嘉賓軒禮遇，即係有埋雙人早餐、全日咖啡或茶服務、黃昏Happy Hour及其他禮遇。

TUVE Hotel - KKday六周年快閃優惠 (限量) Staycation套票$6(已包含服務費)，包含：入住「薰」大床房、雙人早餐、 延遲退房2PM及酒店禮品乙份【預訂日期：2020年11月4日至11月8日】

 

今晚凌晨12:00開搶！(2020年11月4日00:00) 每晚$6！阿迪哥冇打錯、您亦冇睇錯，係六元港幣=6個1皮！應該得極少量房間！

早前因IHG跟Mr & Mrs Smith合作因而阿迪哥介紹過嘅呢間位於港島天后嘅TUVE Hotel精品酒店，酒店以工業風設計，限量每晚$6包含服務費、入住「薰」大床房、於「清風徐來」享用雙人早餐、延遲退房至下午2時、酒店禮品乙份及Le Labo沐浴備品旅行套裝，若果$6/晚搶完、 快閃期間仍然有9折限時優惠$711起(包含服務費)。

IHG Rewards Club - 購買積分促銷高達6折及提升每年購買限額【即日至2020年11月13日】

今年IHG第五次賣分促銷了，與其不斷咁做促銷不如將每次賣分優惠期延長吧，呢類賣分優惠活動其實大家已經對佢亳無感覺，阿迪哥確實有考慮過應否繼續寫下去，但礙於地標香港嘅page其實已經無人再寫呢類活動了，本站宗旨主要是針對酒店常客計劃而生、而另外一個目的是要响blog裏面留個紀錄，好讓日後都可以查閱每次買分促銷嘅頻密程度及溢價，因此決定還是堅持落去。