原本呢類快閃阿迪哥通常會夜少少先同大家分享，雖然今晚(1月12日22:00) 先開售，但係因為實在太瘋狂，因此忍唔住同大家分享咗先！Mandarin Oriental Hong Kong「米芝蓮美食之旅」入住市區客房$2,750起、海景客房$3,080起、文華閣市區景觀客房$3,520起、文華閣海景客房$3,960起、巿區套房$5,060起，已包服務費、一晚住宿、雙人早餐、招牌下午茶、仲有首次推出房內享用米芝蓮一星Mandarin Grill & Bar晚餐，享用馳名威靈頓牛柳及自家煙燻蘇格蘭三文魚！平時食一餐都要成3千幾蚊架！而且仲有32小時住宿(上午10AM入住、下午6PM退房)，農曆新年、情人節都開放預訂，真係too good to be true呀！仲有呀！二月份入住文華閣市區景觀客房、文華閣海景客房及市區套房就可以免費享用全新文華閣Club Lounge，食到地裂不是夢！
萬豪2021年降低保級要求出焗喇！ 老眼昏花又寫漏咗嘢添...應該係大使(Ambassador Elite)嘅保級要求降低咗先啱😅，咁今年香港嘅Ritz-Carlton Suite同埋St Regis總統套房可能會好爆😜。
今晚~1月11日晚上10點開售！食到嘔系列之Marco Polo Hong Kong「龍蝦松露美酒饗宴」！價錢$1,490(包服務費)保證升級入住豪華海景客房、龍蝦松露主題晚餐、貴賓樓層雅座Club Lounge(即係包埋早餐、下午茶及Happy Hour)、享用Glycel瑞士活膚之旅、迎賓果盤及紅酒一支，生日月份入住更可享免費生日蛋糕，如果想住總理客房只係貴$440、入住高級套房都只係貴$550，今次優惠可以訂到2021年4月份，亮點係農曆新年、情人節及復活節都開放，劃一價錢...如果搶到的話。
好耐都冇秒升高階酒店會籍連結喇！雖然Ascott係主打服務式住宅，但係香港其實都兩家酒店參與計劃，呢一刻可能您覺得未必有用，但將來嘅嘢係冇人知，好似兩年前如果冇註冊Langham 1865 Privilege而家先嚟後悔就已經愛得太遲。
本身之前阿迪哥冇乜留意EAST Hong Kong呢家酒店，直到上年入住The Upper House先知道係同屬太古集團、而The Upper House嘅住客都係用佢個泳池先開始對呢家酒店產生興趣，酒店位於太古城、可遠眺維港，酒店嘅藝術設計、與及以Dino恐龍帶來活力色彩，酒店及客房設計其實都幾呃like架！今次優惠價錢$800起+10%，包咗客房一晚、兩位早餐及一支Prosecco氣泡酒，重點係可以下午6點勁遲退房！
阿迪哥最近終於累積滿250合資格晚數成為萬豪終生銀卡會員，不過距離終生白金還有一段長路，阿迪哥認為玩酒店集團屬於人生重要計劃，選擇一個適合自己嘅集團與及能力去跑其實非常重要，當然每個人看法都唔同，有人可能只係襯住疫情期間有個高階會籍來玩吓Staycation，但係對於阿迪哥就係一生嘅其中一個長線投資，因此亦誘發阿迪哥寫呢一篇三大酒店終生會籍嚟畀大家參考吓究竟自己值唔值得跑。
