今個月嘅會員日優惠全部推出，重點係「零」房價優惠，包括Sheraton Hong Kong Tung Chung都有，價錢$1400起+10%，但只限星期部份日子， 餐飲消費額只可以用於采悅軒中菜廳，另外平時冇做開「零」房價嘅Courtyard by Marriott Sha Tin價錢$870起+10%，入住河景房， 不過餐飲消費額只可以用於MoMo Café自助餐及Level 30任飲套餐。
香港本身已有幾家酒店有恆常「零」房價住宿套票，因此今次要著眼一啲罕見做「零」房價嘅酒店。
2021年9月7日 星期二
Marriott Bonvoy - 萬豪旅享家紛享會員日2021年9月份優惠【預訂日期：2021年9月8日至9月10日】
「賞你住」再度登場 - 於合資格實體零售或實體餐飲商戶消費滿港幣$800，即可享港幣$500住宿折扣優惠【預訂日期：2021年9月7日至10月31日】
「賞你住」2.0今日(9月7日)上午09:00開始預訂！今次每間酒店嘅預訂方式一早已經响活動主頁公佈，不過記住要打咗針先、所以冇阿迪哥嘅事我都係出返去先……
2021年9月6日 星期一
香港東隅酒店 - 時尚住宿連雙人自助晚餐快閃，連服務費$1,688起，限量搶每個入住日首3間免費升級城市精選客房【預訂日期：2021年9月6日至9月12日】
EAST Hong Kong嘅FEAST自助晚餐最吸引之處係各款頭盤、沙律、壽司、剌身、甜品、海鮮，包括生蠔、蟹腳、大蝦、翡翠螺等全部任食自取、而精美主菜則是以放題型式即叫即做、任點任食，包括鹽燒牛舌、烤美國肉眼扒、烤腩肉、西京燒銀鱈魚、煙肉帶子卷等，今次住宿連自助晚餐快閃價錢連服務費$1,688起，兼送房間飲品及小食，每個星期一至四之入住日限量首3間免費升級城市精選客房！
Accor Live Limitless - 香港九龍諾富特酒店結業
今天2021年9月6日是九龍諾富特酒店Novotel Hong Kong Nathan Road Kowloon最後一天營業，正式結束29年的酒店歷史，以後再冇平價酒店自助餐食喇。
2021年9月5日 星期日
香港半島酒店 - 優惠加推！半島款待限時快閃連服務費$1,980起，包含豪華客房一晚、雙人半島早餐及$1,650半島住宿套票禮券【預訂日期：即日至2021年9月15日】
The Peninsula Hong Kong近排極受歡迎嘅半島款待住宿套票加咗房！ 暫時嚟緊嘅兩個公眾假期及前夕，包括中秋節(9月21、22)及9月30日仲有得訂！而且冇加價，價錢連服務費$1,980起，費用包括客房住宿一晚、雙人半島早餐及退房時獲贈$1,650半島住宿套票禮券一張，禮券可以日後於半島官方平台預訂【半島禮待 – 賞心時光】住宿禮遇。
2021年9月4日 星期六
Hilton Honors - 希爾頓集團向特選會員送出10,000積分【優惠日期：即日至2021年12月31日】
酒店集團經常推出賺取積分活動、賣分促銷，但直接送分就比較少見，今次希爾頓集團向特選會員無條件送出10,000分，如果收唔倒電郵都可以試試前往註冊頁面睇睇自己是否幸運兒。
2021年9月3日 星期五
American Express - 美國運通白金卡於本港及世界各地指餐廳用餐享HK$2,000簽賬回贈【活動日期：2021年9月1日至12月31日】
美國運通白金卡(細頭)卡主快啲查吓電郵做登記！美國運通白金卡/美國運通白金卡最新優惠！响本港及世界各地指定餐廳用餐首HK$2,000合資格交易可獲簽賬回贈！指定餐廳包括香港半島Felix、Gaddi's、九香格里拉Angelini、Nadaman、香宮、尖沙咀凱悅Hugo's、香港君悅Grissini、香港文華東方Mandarin Grill & Bar、Man Wah、香港朗廷Bostonian、香港康得思明閣、港島香格里拉Lobster Bar & Grill、Nadaman、香港洲際欣圖軒等！正呀！即係等於年費回血返$2,000畀你食好西！
訂閱：
文章 (Atom)