酒店宅男 - 阿迪哥 - 酒店及航空常客交流

2021年10月5日星期二

香港朗廷酒店 - 加強版「零」房價限時優惠，每晚低至$1,300起+10%，房價全數回贈酒店消費額，包括餐飲、「川」水療及禮品店等多項消費，迪迪family成員預訂可額外專享紅酒一支【預訂日期：2021年10月5日至10月18日】

The Langham, Hong Kong「零」房價返嚟喇！加強版限時「零」房價回贈額除咗可以用於酒店內所有餐廳、當然仲包括米芝蓮三星食府唐閣、除此之外用來做「川」新+心水療、外賣、客房用餐、Flavours of Langham禮品店及客房內mini bar都得，非常靈活有彈性！除咗訂標準房然後用消費額來食之外，阿迪哥認為大家可以考慮訂行政客房每晚$2,500起、或者主臥套房每晚$3,500起+10%，因為本身呢兩款房型包埋Club Lounge，咁就即係包埋雙人早餐、下午茶及cocktail時段任飲任食，已經有咗基本嘅餐飲，咁就可以利用消費額做spa！經阿迪哥預訂今次可額外專享紅酒一支！由於預訂時信用卡只用於擔保預訂、不會即時扣數，香港朗廷酒店接受Alipay、Wechat Pay及Tap & Go，因此可以用於扣減消費券。

2021年10月4日星期一

香港文華東方酒店 - Chantecaille Into the Wild限時住宿計劃，價錢連服務費$2,310起，包含住宿一晚、雙人早餐、三道菜雙人晚餐及Chantecaille專屬禮品及各項禮遇【預訂日期：即日至2021年10月18日】

Mandarin Oriental Hong Kong又有新優惠喇！今次快閃係送價值過千蚊嘅Chantecaille專屬禮品及各項禮遇，住宿連早、晚兩餐連服務費$2,310起，平日入住更可享受24小時彈性入住體驗。

Shangri-La - 香格里拉Golden Circle鑽石級及翡翠級會員延續會籍級別一年【會籍延期至2022年12月31日】

好消息呀，香格里拉宣布將現有Golden Circle鑽石級及翡翠級會員自動延續會籍級別一年至2022年12月31日，即係話今年唔需要再保級！

太陽村莊 - 4人住宿連早餐連服務費$868起，包家庭房一晚、4位早餐、單車租借、兒童飛馳樂、「夢想星球」展館通行證4張及借用桌上遊戲【預訂日期：2021年8月17日至8月23日】

若果想遠離鬧市Staycation、好多疑似度假型酒店近月價錢飆升不少，講到最抵應該就呢間馬灣太陽村莊，今次馬灣太陽村莊再做快閃，真係仲平過租度假屋，最多可共4位住客入住，每晚連服務費$868起，費用包括溫馨家庭房一晚、四位於挪亞方舟豐盛閣餐廳享用早餐、租借單車服務、兒童飛馳樂、借用房內桌上遊戲及挪亞方舟「夢想星球」展館通行證4 張，上次如果錯過咗今次就要把握機會！

香港JW萬豪酒店 - JW Lobster-cation住宿優惠，每晚$2,480起+10%，包住宿一晚、雙人於Flint享用龍蝦主題4道菜晚餐、雙人JW Café自助早餐及客房免費迷你吧一次【入住日期：即日至2021年12月30日】

Staycation要食好嘢梗係JW，香港JW萬豪酒店係香港其中一家餐飲服務質素最穩定嘅酒店，酒店10月份推出全新嘅JW Lobster-cation住宿套票從而取代Stay Well Dine Well 2021，套票價錢$2,480起+10%，包含住宿一晚、雙人JW Café自助早餐、客房免費迷你吧一次及兩位於Flint品嚐龍蝦主題4道菜晚餐，全龍晚餐蝦餐包括暖龍蝦沙律、法式龍蝦湯、龍蝦扁意粉，甜品則可選擇栗子蒙布朗或酒浸朱古力櫻桃蛋糕。

2021年10月3日星期日

香港東隅酒店 - STAY得筍快閃每晚連服務費$1,668起，海景客房連雙人自助午餐或Sugar三道菜晚餐及早餐【預訂日期：2021年10月3日至10月12日】

EAST Hong Kong海景房一向熱門，因此之前推出嘅包自助餐Staycation都只係住城市客房，今次STAY得筍快閃價錢跟之前9月份快閃包城市客房及自助晚餐價錢差不多，但今次入住係海景客房！不過就改為包雙人自助午餐(星期六、星期日及公眾假期更提供自助早午餐)或Sugar三道菜晚餐，今次仲多包多咗雙人早餐，價錢連服務費$1,668起，對比起恆常優惠$1,648起嘅包海景房+早餐，今次快閃即係變相送多一餐畀你食！入住海景房抵玩呀！

另外仲同時推出城市精客房(Urban Corner Room)連雙人早餐，價錢連服務費$958起，呢個優惠有得搶Citibank信用卡1折code！