酒店宅男 - 阿迪哥 - 酒店及航空常客交流

2021年11月10日星期三

Marriott Bonvoy - 萬豪旅享家終身會籍年份已增加一年

由年頭等到年尾，等到天荒地老，原本大家預期會响每年三、四月年結後會增加一年嘅萬豪終身會籍年份增加一年，最終等到差不多年尾阿迪哥個帳號終於加咗1年。另外，之前所公布將免費住宿券(FNA)及套房升級券(SNA)亦已經延期至2022年6月30日。

2021年11月9日星期二

香港JW萬豪酒店 - 訂閲酒店電子報可獲得$800住宿優惠券及11月11日限時快閃優惠【住宿優惠券入住日期：即日至2022年1月30日】

訂閲香港JW酒店電子報可以獲得新一批券$800住宿折扣優惠券一張，因為數量有限、除非預訂標準房、否則建議大家有實需要券先訂閱啦，留畀有需要人仕。

另外，响11月11日上午11:00起一連7天酒店响eShop將會推出一系列餐飲美食及節慶禮品快閃銷售活動，包括JW Café雙人下午茶自助餐$578起+10%、平安夜/大除夕自助午餐每位$488起+10%、The Lounge自助午餐/自助晚餐每位$400起+10%！

香港朗廷酒店 - 加強版「零」房價限時優惠，每晚低至$1,300起+10%，房價全數回贈酒店消費額，包括餐飲、「川」水療及禮品店等多項消費，迪迪family成員預訂可額外專享紅酒一支【預訂日期：2021年11月9日至11月22日】

香港朗廷酒店The Langham, Hong Kong「零」房價返嚟喇！加強版限時「零」房價回贈額除咗可以用於酒店內所有餐廳、當然仲包括米芝蓮三星食府唐閣、除此之外用來做「川」新+心水療、外賣、客房用餐、Flavours of Langham禮品店及客房內mini bar都得，非常靈活有彈性！除咗訂標準房然後用消費額來食之外，阿迪哥認為大家可以考慮訂行政客房每晚$2,500起、或者主臥套房每晚$3,500起+10%，因為本身呢兩款房型包埋Club Lounge，咁就即係包埋雙人早餐、下午茶及cocktail時段任飲任食，已經有咗基本嘅餐飲，咁就可以利用消費額做spa或者將credit全數投資叫埋家人一齊嚟唐閣食飯！經阿迪哥預訂可額外專享紅酒一支！

2021年11月8日星期一

WM酒店 - 只限1天快閃海景住宿包早晚兩餐，每晚$2,554起+10%，入住豪華海景露台客房、雙人早餐、雙人四道菜晚餐或自助晚餐、免費泊車及房內迷你吧【預訂日期：2021年11月8日只限一天】

西貢新開業對住西貢海嘅WM酒店首次推出包自助晚餐海景住宿快閃，雖然價錢未算貼地，每晚$2,554起+10%，包雙人早餐、自助晚餐、免費泊車及房內迷你吧，入住豪華海景露台客房、唔係基本房型呀，其實比起開業初期已經平咗一截，想去吓郊區Staycation呢個價位包自助晚餐其實都可以考慮試試。

Marriott Bonvoy - 萬豪紛享會員日2021年11月份優惠：「零」房價快閃優惠【預訂日期：2021年11月8日至11月11日】

今個月嘅萬豪紛享會員日「零」房價優惠全部7家酒店都已經開始接受預訂喇！入住期間可獲贈與客房價等值嘅餐飲消費額。

🔥 香港JW萬豪酒店房價由 $2,680起+10%
🔥 香港海洋公園萬豪酒店房價由 $1,090起+10%
🔥 香港天際萬豪酒店房價由 $1,488起+10%
🔥 香港喜來登酒店房價由 $1,300起+10%
🔥 東涌世茂喜來登酒店房價由 $1,500起+10%
🔥 香港萬麗海景酒店房價由 $1,388起+10%
🔥 香港沙田萬怡酒店房價由 $850起+10%