宜必思香港中上環酒店 - 24小時浪漫時光住宿快閃，價錢連服務費$499起，入住海景客房、雙人精選晚餐、雙人精選早餐、免費迷你吧及24小時住宿，限量搶每日一個名額升級城市景觀公寓房【預訂日期：2022年4月12日至4月24日】

 

宜必思香港中上環酒店Ibis Hong Kong Central & Sheung Wan抵玩24小時住宿包早、晚兩餐快閃又嚟喇！雖然間房細細地17平方米，但勝在優惠係升級入住海景客房可以望住RC食薯片(Mini bar包埋)，如果兩個人真愛的話那會怕空間小呢？若果海景並唔係你必須的話可以限量搶免費升級有25平方平嘅城市景觀公寓房(Studio Room)咁雙方就會多點空間。

同時亦推出另一個包四人入住包早、晚兩餐嘅海景家庭客房嘅優惠，價錢連服務費$1,264起！

香港文華東方酒店 / 香港半島酒店 / 香港四季酒店 / 奕居 - 永安網站推出限時優惠碼，預訂指定四家酒店住宿套票或淨房最高可減$600【優惠券使用日期：2022年4月12日至4月14日】

 

永安網站推出限時優惠碼只限3天，只要响佢哋網站預訂指定四家酒店Staycation住宿套票或者淨房輸入優惠碼可以獲得折扣，包括每單滿$1,000即減$120、滿$2,000減$240、滿$3,000減$360、滿$4,000減$480及滿$5,000減$600。

精選優惠包括香港文華東方酒店Mandarin Oriental Hong Kong住宿連雙人早餐及三道菜雙人晚餐，價錢連服務費$2,288起，使用優惠碼減$240(折扣後$2,048起)；香港半島酒店The Peninsula Hong Kong住宿連雙人早餐及外帶下午茶，價錢連服務費$2,618起，使用優惠碼減$240(折扣後$2,378起)！

千禧新世界香港酒店 - 最後機會：聚賢薈客房快閃，價錢連服務費$1,198起，入住聚賢薈客房一晚、雙人自助早餐、聚賢薈貴賓廊禮遇、免費房内自選電影、紅酒一支及延遲退房3PM【預訂日期：2022年4月5日至4月12日】

物以罕為貴，千禧新世界香港酒店 New World Millennium Hong Kong Hotel呢個優惠唔係成日有，今日快閃最後一日喇，所以再提提大家，抵在除咗公眾假期之外週末入住同價，而且海景房只係貴$200！

YMCA港青酒店 - 海景客房連雙人自助早餐及「牛柳・龍蝦」4道菜晚餐快閃，每晚連服務費$1,220起；海景客房連雙人自助早餐及自助晚餐快閃，每晚連服務費$1,588起；限量搶免費升級海景套房【預訂日期：2022年4月11日至4月17日】

 

The Salisbury - YMCA of Hong Kong海景套房又有得搶！今次包嘅兩餐係除咗自助早餐外，晚餐分別可選擇訂或食足超過3小時嘅，今晚要準時10點搶呀！

香港君悅酒店 - 消費券抵Deal：價錢連服務費$2,990起，升級海景客房、雙人自助晚餐、自助早餐、外賣下午茶禮盒及平日入住24小時彈性住宿時間【預訂日期：2022年4月11日至4月17日】

 

香港君悅酒店Grand Hyatt Hong Kong嘅Grand Café自助晚餐質素全港數一數二，今次嘅優惠比起官網價錢差不多，甚至仲平少少，使用大新信用卡付款並輸入指定優惠碼更可以再減多$150！但係就額外送多咗雙人份量Tiffin茶園外賣下午茶及保證升級入住海景客房，對於非會員嚟講係抵玩嘅！

香港喜來登酒店 - 重推住宿半價券，預訂指定房價獲贈住宿半價券一張【入住日期：即日至2022年5月31日】

 

香港喜來登酒店 Sheraton Hong Kong Hotel & Towers重新推出住宿半價券，今次比較鬆手，預訂大部份住宿房價每次入住可以獲贈一張供下次使用，如果今年仲未完成保級嘅萬豪旅享家會員襯住目前仲有Q1雙倍晚數活動👉(按此)就趕緊跑數！

九龍海逸君綽酒店 - 外賣自取：京式片皮鴨套餐送招牌棗皇糕四件，每隻$160起【預訂日期：2022年4月11日至4月17日】

 

Harbour Grand Kowloon 九龍海逸君綽酒店嘅海雲天 HOI WON TEEN 出品原價每隻$428、快閃價$160嘅超抵食京式片皮鴨之前閃間被搶購一空！今次優惠仲抵過上次加送招牌棗皇糕四件！！一鴨兩食只係加$40！另外仲可以加多$98加餸，例如燒腩仔、菠蘿咕嚕肉、蜜味欖角骨、豉油皇帶子炒麵、蜜味欖角骨，搶要快呀！