香港海洋公園萬豪酒店 - 自助餐優惠買1送1快閃，折扣後連加一平均每位Marina Kitchen自助午餐HK$299、自助晚餐HK$467；Pier Lounge & Bar自助晚餐HK$401【預訂日期：2024年3月5日至3月11日】

 

香港海洋公園萬豪酒店 Hong Kong Ocean Park Marriott Hotel嘅兩間餐廳Marina Kitchen及Pier Lounge & Bar再次同時推出買1送1半價自助餐快閃！想食日韓經典美食及海鮮可搶Marina Kitchen、而Pier Lounge & Bar就主打各式燒烤美食！今次同時開放Marina Kitchen復活節自助午餐早鳥優惠！

港島香格里拉大酒店 - Café TOO自助餐快閃買2送1：折扣後連服務費平均每位自助午餐HK$390起、自助晚餐HK$620起【預訂日期：2024年3月5日至3月11日】

 

港島香格里拉大酒店 Island Shangri-La, Hong Kong 嘅Café TOO都加入自助餐減價戰！多款升級晚市海鮮佳餚包括波士頓龍蝦、紅蝦刺身（阿根廷）和拖羅刺身、優質日本壽司卷物、即製刺身手卷、鐵板和牛、港式避風塘炒龍蝦以及黃金蝦球等美食。

香港九龍東皇冠假日酒店 - 尚廚自助餐快閃買1送1：折扣後連服務費平均每位自助午餐HK$209起、自助晚餐HK$359起、下午茶自助餐HK$161【預訂日期：2024年3月4日至3月10日】

  

每次做快閃都非常受歡迎嘅香港九龍東皇冠假日酒店Crowne Plaza Hong Kong Kowloon East尚廚自助餐，今次除咗自助午餐及自助晚餐做限量搶買1送1外、就連下午茶自助餐都買1送1，自助晚餐每人3百幾、自助午餐二百幾蚊、下午茶自助餐仲平多百幾蚊咋！

Brilliant by Langham - 亞太區萬事達卡持卡人可以匹配朗廷卓逸會尊貴級會籍【活動日期：即日起至2025年2月28日】

 

朗廷酒店集團上星期推出全新會員計劃Brilliant by Langham，睇落都幾難跑吓，咁跑唔倒就不如match返嚟啦，亞太區萬事達卡持卡人可以匹配尊貴級會籍，竟然連每年需要求$24,000美元消費額嘅最頂級會籍Ruby都開放匹配，不過目前阿迪哥即使連申請入會都未辦得到，因為一直收唔到系統發出嘅驗證碼，所以建議大家唔好心急，反正呢個優惠做到明年二月，等遲少少新會員計劃行順咗先申請。

Shangri-La Circle - 香格里拉會快速升級翡翠級會籍活動【活動日期：2024年2月26日至5月31日】

 

香格里拉會今年再次推出快速升級活動，基本金卡會員註冊活動後在活動期間內只需入住10晚(原本20晚)或賺取3,000等級積分(相等於稅前消費US$3,000)，即係將原本所需要求一律減半，完成快速升級Jade會籍有效期至2025年12月31日，Jade嘅入住權益包括額外25%獎勵積分、每日免費早餐、提早入住及延遲退房等。

香港美利酒店 - POPINJAYS下午茶自助餐買一送一快閃：折扣後連服務費平均每位HK$291【預訂日期：即日起至2024年3月7日】

 

下午茶自助餐比較少做買一送一，香港美利酒店 The Murray Hong Kong, a Niccolo Hotel 嘅Popinjays天台餐廳及酒吧全落地玻璃飽覽維港，可以一路chill一路享受下午茶自助餐！星期六、星期日及復活節假期3月29日及3月31日都有少量供應及同價！

香港沙田萬怡酒店 - 酒店11周年誌慶活動，3月份內入住每次可賺取額外1,100分，房價每晚HK$850起+10%【活動日期：2024年3月1日至3月31日】

 

香港沙田萬怡酒店 Courtyard by Marriott Hong Kong Sha Tin 迎來11週年生日，推出3月份內入住每次可額外賺取1,100積分優惠活動，房價每晚HK$850起+10%，白金以上會員每次入住可獲得500分歡迎積分、另加Q1全球雙倍晚數活動1,000分及11周年1,100分，另外房價可賺取基本積分另外房價可賺取基本積分約1,086分及白金會員50%加乘約543分，共可獲取約4,229分，即係而少回血HK$270以上，唔洗同阿迪哥講大灣區某個地方嘅Aloft或Fairfield仲抵啦，其實嗰啲人民幣折算港幣連稅、未連交通時間普遍最低都要近乎HK$550-$600，阿迪哥一直不贊成空刷，更加反對直接買晚數呢類違反守則嘅行為，玩酒店一定要一路享受一路跑。