酒店宅男 - 阿迪哥 - 酒店及航空常客交流

2024年9月16日星期一

香港尖沙咀凱悅酒店 - 咖啡廳自助餐買2送2快閃，折扣後連服務費平均每位自助晚餐HK$449起、自助午餐HK$329起【預訂日期：2024年9月16日至9月22日】

香港尖沙咀凱悅酒店Hyatt Regency Hong Kong Tsim Sha Tsui嘅咖啡廳自助餐再次推出買2送2自助餐快閃，計返即係4人同時用餐最高可享半價！除咗自助晚餐招牌排隊之作龍蝦三味 (新鮮即烚、西式、中式或泰式烹調) ，仲有一星期7天限定主題美饌，包括異國美饌、地中海風情、亞洲風味、香辣之夜、滋味蟹饌及海鮮盛宴，日日不同主題、每日有不同招牌菜式。

2024年9月14日星期六

酒店入住報告：大阪 - THE OSAKA STATION HOTEL, Autograph Collection (附YouTube完整入住報告)

【更新：附YouTube完整入住報告】今次阿迪哥嘅台北+大阪行程目的主要開箱三間新酒店，而THE OSAKA STATION HOTEL, Autograph Collection呢間酒店就係當中最新嘅一間，阿迪哥入住嘅時候只係開業咗兩個星期，酒店位於大阪JR站旁邊位置極佳，而於餐飲方面簡直誇張到打破阿迪哥多年入住酒店嘅思維，阿迪哥會盡快完成呢間酒店嘅YouTube完整入住報告，但首先跟大家分享10張精選相片及3條YouTube Shorts短片先！

Alaska Airlines - 限時快閃：購買阿拉斯加航空Mileage Plan里數高達60%獎勵優惠【優惠日期：即日起至2024年9月18日】

購買阿拉斯加航空Mileage Plan里數高達60%獎勵快閃，阿拉斯加里數通常恆常每年推出多次高達60%獎勵優惠，每次優惠不同會員會有不同獎勵比率，今次應該大部分會員會中50%或以上，若有興趣購買可以趁住中咗50%或60%獎勵入手，Mileage Plan除咗可以兌換寰宇一家航空公司獎勵機票外，例如國泰、而其他夥伴仲包括星宇航空、Air Tahiti Nui、以色列航空、冰島航空、大韓航空及新加坡航空等，Mileage Plan最強功能係兌換特選經濟艙、商務艙及頭等艙長程航班比起其他飛行里數計劃所需里數較低。

星宇航空已經服務台北-香港航線，透過今次優惠假設是50%獎勵，單程台北-香港商務艙成本只需HK$2,325+稅，仲可以試埋桃園機場嘅星宇GALACTIC Lounge！

2024年9月12日星期四

IHG One Rewards - IHG全球積分活動，每累積入住2晚可賺取3,000獎勵積分【入住日期：2024年9月19日起至12月31日】

IHG推出最新全球積分推廣活動，每累積入住2晚可賺取3,000獎勵積分，平均即係每晚1,500分，呢個獎勵比率响近年來算做OK了。

2024年9月11日星期三

Marriott Bonvoy - 萬豪旅享家會員購買積分定向優惠及提升購買上限【優惠日期：即日起至2024年9月23日】

萬豪最新購買積分優惠，每位會員定向優惠都不同，以阿迪哥自己嘅帳號為例今次專屬優惠係購買2,000分或以上可獲得40%額外獎勵，計返即係折扣後每1,000分售價為US$8.93(約HK$70)，購買之後用於阿迪哥近期最推大阪站旁邊嘅THE OSAKA STATION HOTEL, Autograph Collection，趁佢仲有少量41,000分房晚，依照以上購買積分成本即係US$366.13(約HK$2,855)，對比起相同房型會員彈性價同一晚連稅項¥79,941(約HK$4,351)即係差不多用65折嘅價錢就可以住到，若果你中到45%、50%以上獎勵積分仲更加抵！諗返起佢白金會員主餐廳免費早餐嘅任食日本靜岡溫室蜜瓜、烤和牛阿迪哥又想再去了。