【#非官網】非高階會員恩物，可以一嘗Hyatt Regency Hong Kong Tsim Sha Tsui嘉賓軒酒廊服務禮遇，快閃優惠價連服務費$1,250起，包標準客房一晚、星期一至四入住保證升級海景客房及延遲退房至3PM及嘉賓軒酒廊禮遇(雙人黃昏雞尾酒/小食及早餐)，每房可獲贈K11優惠券總值$300。
同時亦會推出住宿連自助午餐、自助晚餐或港式秋日下午茶優惠、全部均包埋雙人自助早餐，價錢比官網便宜、兼且平日入住可享受額外禮遇，包括升級至豪華客房及延遲退房！預訂除咗可獲贈K11優惠券總值$300外、更額外加送CANVAS護膚套裝，沒有高階酒店會籍也不怕啦！
1961年開業嘅香港百樂酒店今年踏入60周年慶，官網推出兩大60周年「1961」優惠，阿迪哥認為當中最抵玩嘅係豪華套房「零」房價優惠，百樂嘅套房又新淨、又有圓形大浴缸，每晚價錢$1,961起+10%，費用包含豪華套房一晚、$1,961餐飲消費額、紅酒一支、迎賓果盤、平日入住保證延遲退房至下午4時，餐飲消費額可使用於Park Café享用全天候自助餐或者客房送餐服務，11月份生日客人於生日月份入住更可享免費優先客房升級禮遇！
Novotel Century Hong Kong啲住宿套票一向抵玩，最平唔洗一千就包兩餐，今次STAY得筍快閃兩大套票再各減$160，減完之後即時可加入平有平玩系列，優惠首推房內享用雙人和牛日式料理晚餐及自助早餐，菜式包括雜錦壽司刺身拼盤、蟹肉茶碗蒸、慢煮醬燒和牛肩胛肉眼及西京燒比目魚等等，食物好吸引，但價錢仲吸引，本身已經平爆，連服務費原價$998起、快閃價則減至$838起。
如果自助餐控則可以考慮另一個包住宿連雙人自助晚餐及自助早餐套票，連服務費原價$1,428起、快閃則減至$1,268起。
麥當勞道即使見唔倒麥當娜、但係都唔洗食麥皮撈當歸嘅，今次去麥當勞道貳號仲有海鮮、鵝肝、和牛食添呀！快閃價錢連服務費$1,188起，週末入住都冇額外收費，入住園景客房一晚、雙人外賣早餐供客房內享用及海鮮・鵝肝・和牛5道菜晚餐套餐連2小時紅白葡萄酒無限暢飲，晚餐菜式包括海鮮拼盤、香煎鵝肝配芒果醬、法式焗洋蔥湯、慢煮和牛肉配牛肝菌汁及焗朱古力心太軟配雲呢拿雪糕，咁嘅價位當兩位去酒店食個dinner都抵！若果入住套房價錢連服務費都只不過係$1,488起！
本港萬豪集團旗下剩番仲有做「零」房價嘅酒店已經唔多，仲有做嘅Renaissance Hong Kong Harbour View每晚$1,288起+10%，房價全數回贈餐飲消費額於入住期間享用，星期一至四入住更可免費升級至海景客房及24小時彈性入住時間，可能漸漸地香港Staycation會進入另外一個階段，趁住仲有「零」房價阿迪哥建議大家入定啲貨，反正响萬豪官網預訂可以入住前兩日免費取消。
