酒店宅男 - 阿迪哥 - 酒店及航空常客交流

2024年2月29日星期四

三大酒店自助晚餐半價快閃 - 折扣後包加一平均每位：香港麗思卡爾頓酒店HK$494起、香港逸東酒店HK$395、香港文華東方酒店HK$401【預訂日期：2024年2月29日至3月6日】

三家重量級酒店自助晚餐今晚同一時間推出半價快閃，包括香港麗思卡爾頓酒店嘅Café 103買2送2、香港逸東酒店Eaton HK嘅普慶餐廳買2送2及香港文華東方酒店 Mandarin Oriental Hong Kong嘅快船廊買1送1！

2024年2月28日星期三

深圳四季酒店 - 升級行政及兒童禮遇超抵優惠，價錢連稅項HK$2,219起，免費升級行政客房、兩大一小自助早餐、下午茶、雞尾酒時光及兒童免費加床【入住日期：2024年3月1日至8月25日】

深圳四季酒店 Four Seasons Hotel Shenzhen 抵玩staycation，免費升級行政客房連行政待遇，包括兩大一小自助早餐、下午茶、雞尾酒時光、RMB200人民幣水療消費額及獨家酒店餐廳85折，週末、公眾假期、復活節長假及暑假同價！

World Of Hyatt - 凱悅天地2024年度獎賞兌換表更新【實施日期：2024年3月26日】

一年一度嘅凱悅天地年度改表，先講好嘢日本金澤Hyatt House Kanazawa、京都Hyatt Place Kyoto、東京Hyatt Regency Tokyo Bay、沖繩Hyatt Regency Naha全部降一級，台灣兩間酒店Grand Hyatt Taipei由Cat 4降至Cat 3、Hyatt Place New Taipei City Xinzhuang降一級至Cat 1，跟住輪到壞消息峇里島兩間正嘢Andaz Bali升一級至Cat 5及Alila Villas Uluwatu升至Cat 8，搞到兩間酒店都用唔到Cat 1-4及Cat 1-7券，兌換表每年都調整一次，不是什麼驚天動地的大事，有得改表好過其他集團已經冇咗兌換表吧，其他嘅主要全球改表酒店請閱讀內文。

香港康得思酒店 - The Place自助餐買二送二快閃，折扣後連服務費平均每位：自助午餐HK$239起、自助晚餐HK$467起【預訂日期：2024年2月28日至3月5日】

香港康得思酒店Cordis Hong Kong嘅The Place嘅Snap! Crack! Pop!自助午餐/晚餐，買2送2！即係相等於半價！Snap! Crack! Pop!海鮮自助餐品嚐一系列冰鎮海鮮及海鮮主題熱食，提供嘅美食包括清蒸海鮮 - 鮑魚、海蝦、扇貝及載譽歸來的即煎鵝肝、任食生蠔、龍蝦、鱈蟹腳、阿根廷紅蝦刺身、鹽燒牛舌、牛小排、MÖVENPICK 雪糕連精選酒類及飲品無限暢飲！

2024年2月27日星期二

Brilliant by Langham - 朗廷酒店集團全新會員計劃：朗廷卓逸會(Brilliant by Langham)

早前朗廷向部分會員發出電郵宣佈1865 Privilege會員計劃將於2024年2月28日完結，阿迪哥第一時間首先帶初步會員計劃訊息畀大家，全新嘅會員計劃Brilliant by Langham將會於2024年2月29日正式推出，除咗基本會員Onyx外，尊貴會籍級別共有4個，由低至高分別為Topaz、Diamond、Sapphire及Ruby，會員需要累積指定會籍積分保級或升級，累積嘅積分可以用來兌換酒店住宿、餐飲或水療服務，除咗以往入住Langham及Cordis品牌可以累積積分及享受會員禮遇外，新計劃更加入朗廷集團另外兩個品牌逸東(Eaton)及Ying'nFlo，原本嘅1865 Privilege會員亦會被邀請加入新嘅計劃相對應會籍，至於其他詳情請按入內文閱讀。

香港黃金海岸酒店 - 海岸扒房下午茶半價快閃，折扣後連服務費HK$377起供兩位享用【預訂日期：2024年2月27日至3月4日】

放假可以考慮入去屯門chill吓，Hong Kong Gold Coast Hotel 香港黃金海岸酒店嘅海岸扒房3月及4月推出全新香檳魚子醬下午茶半價快閃！平均每位只需HK$189起，以香檳色作為主調嘅三層架，放上多款精彩美食包括蟹肉牛油果魚子醬撻、魚子鵝肝醬多士配蜜桃蓉、脆炸蝦肉魚子醬春卷、藍莓慕斯配香檳啫喱及玫瑰奶凍配香檳士多啤梨醬等，完美融合輕柔馥郁的香檳及飽滿鮮甜的魚子醬，打卡一流！