酒店宅男 - 阿迪哥 - 酒店及航空常客交流

2024年3月31日星期日

Cathay Pacific - 國泰特選會員禮遇完成指定賺取里數目標即可賺取額外里數【優惠期：即日起至2024年5月31日】

國泰又出特選會員優惠，國泰早幾日向特選會員發送咗電郵，活動期間完成指定賺取里數目標可賺取額外里數，以阿迪哥嘅帳號為例，可以賺取額外高達5,300里。

2024年3月29日星期五

酒店入住報告：新加坡 - Hotel Faber Park Singapore - Handwritten Collection及實測以雅高積分現場抵銷支付房價

阿迪哥對於新加坡酒店昂貴程度實在用積分都頂唔順，尤其是住開+嘅萬豪及凱悅，之前叫大家用匯豐EveryMile積分轉做雅高就係留返嚟咁樣用，新加坡好多雅高集團酒店，當然良莠不齊，不過識得揀總有啲平靚正選擇，至於萬豪、凱悅真心唔捨得住咁貴，根本就唔值。

用積分响雅高官網預訂酒店好多時系統只準許你扣除嘅積分有限，但其實唔洗擔心，當去到酒店嘅時候其實可以叫酒店幫你再扣多啲積分抵銷房價，阿迪哥今次就來Hotel Faber Park Singapore - Handwritten Collection試一次實測。

2024年3月28日星期四

香港萬麗海景酒店 - 萬麗咖啡室自助餐買1送1快閃優惠，折扣後包加一平均自助午餐每位HK$293起、自助晚餐每位HK$485起【預訂日期：2024年3月28日至4月3日】

一向以來CP值甚高嘅香港萬麗海景酒店Renaissance Hong Kong Harbour View Hotel嘅萬麗咖啡室推出新一輪主題西班牙漫味「豐」情自助餐快閃買1送1！西班牙醋漬鯷魚、西班牙番茄凍湯、西班牙香菇炸丸子、西班牙香烤豬肉串、西班牙海鮮飯；自助晚餐任食新鮮蒸焗龍蝦、蟹腳、西班牙烤乳豬、欖油蒜香蝦！

2024年3月27日星期三

香港康得思酒店 - The Place自助餐買二送二快閃，折扣後包加一平均每位：自助晚餐HK$467起、自助午餐HK$239起、下午茶自助餐HK$173【預訂日期：2024年3月27日至4月2日】

香港康得思酒店Cordis Hong Kong嘅The Place味遊「鮮」境自助餐買2送2快閃！新鮮海鮮包括鱈蟹腳、龍蝦鉗、翡翠螺及熟蝦，晚市加入即開生蠔、原隻開邊龍蝦及麵包蟹，晚市最受歡迎嘅蒸氣海鮮區新鮮鮑魚、海蝦及扇貝繼續供應！鐵板專區更有厚煎鵝肝及多款惹味串燒，糕點總廚Roy Ma匠心製作多款甜點，推介包括法式伯爵茶杏仁黃金磚、焙茶焦糖燉蛋、北海道蜜瓜啫喱、港式雞蛋仔，以及八款口味的MÖVENPICK® 雪糕，另外週末限定味遊「鮮」境下午茶自助餐同時推出買2送2！

2024年3月26日星期二

香港W酒店 - 「環球營火燒烤」自助餐買1送1快閃，折扣後連服務費平均每位自助午餐HK$275起、自助晚餐HK$479起【預訂日期：2024年3月26日至4月1日】

香港W酒店推出最新「環球營火燒烤」自助餐已經減到可以買1送1唔洗再限住一定要4個人食，自助餐以不同醬汁和香料的運用，烹調出惹味的BBQ炭燒風味，亮點推薦有外層焦糖化，嫩滑多汁的叉燒醬燒腩；以香料腌雞，再用香蘭葉包裹慢烤泰式班蘭葉包雞；8 款醬料混合而成的八仙醬炒牛肉粒。海鮮方面惹味桑拿蝦以燒熱石頭用熱力把調味隨蒸氣逼入蝦中，做法特別；肉質鮮嫩的天使粉紅蝦，烹煮時把汁與膏保留在蝦殼。