假如阿迪哥有800000AE積分

近排因為AE响機場開咗自家lounge、同埋AE白金charge卡大大降低入息申請要求， 所以呢張卡近排人氣非常高企， 即使年費要$7800身邊好多朋友都申請咗，佢個迎新係800000AE積分（因為15 AE分=1 mile，所以=53333里數），相信好多朋友會即時咁諗：嘩！發達喇！Asia Miles啱啱降低咗哩數換香港去日本，而家來回20000哩就得，即係我有2.5張日本機票仲有多呀，今次仲唔發達！但係比著阿迪哥擁有呢800000 AE積分的話，首先我一定唔會用哩數換經濟客位先，因為而家Economy機票都唔值錢，當然如果比你換到大節日去（例如聖誕、復活節、CNY嗰啲）咁你叻囉，但如果只係換淡季，一來機票平、二來買廉航就更加平，所以阿迪哥唔會咁樣浪費啲積分，更何況儲到飛行哩數嘅信用卡大把啦！AE嘅積分系統係獨特嘅，因為佢有兩個酒店常客計劃嘅partner可以轉分，分別係Hilton同埋Marriott/SPG，而且用酒店積分入住係可以計埋每年會員保級嘅晚數，所以酒店積分對阿迪哥嚟講比飛行哩數更加珍貴，如果想知道阿迪哥會點樣用呢800000 AE積分回本$7800，兼且仲賺突咗。

首先介紹比大家知，AE嘅積分系統係非常獨特嘅，除咗大路嘅Asia Miles、英航Avios、新航Krisflyer嗰啲之外，仲有一啲其他信用卡唔會有，係佢先有嘅航空夥伴，例如阿聯酋、中華航空、馬航、芬蘭航空...等，而且仲有兩個酒店集團夥伴Hilton同埋Marriott/SPG，咁800000 AE分即係幾多酒店分呀？

8000 AE = 1250 Hilton （咁如果阿迪哥有800000 AE積分 = 125000 Hilton積分）

9000 AE = 1000 Marriott（咁如果阿迪哥有800000 AE積分 = 88888 Marriott積分）

咁究竟比著阿迪哥擁有呢800000 AE積分，我會點樣利用佢轉到酒店積分從而將AE白金charge卡$7800年費賺返嚟呢？

以下舉幾間Marriott酒店集團積分換免費房間嘅幾個例子，以下現金入住價全部以28/10/2018入住一晚為例、價錢是酒店官網會員價連稅、不包早餐：

【香港Courtyard Hong Kong Shatin - 積分入住每晚12500分，即係AE轉分後夠住7晚】

房價每晚HK$1401 x 7 = $9807！

【深圳Shenzhen Marriott Golden Bay - 積分入住每晚17500分，即係AE轉分後夠住5晚】

房價每晚CNY1551.95 = HK$1791 x 5 = HK$8955！ **咪睇小佢，呢間係resort好嘢嚟架！**

【台北Courtyard Taipei - 積分入住每晚12500分，即係AE轉分後夠住7晚】

房價每晚TWD7017.78 = HK$1795 x 7 = $12565！！

【台北北投Aloft Taipei Beitou - 積分入住每晚7500分，即係AE轉分後夠住11晚】

房價每晚TWD4075 = HK$1042 x 12 = $11462！！

因為之前改制後希爾頓積分已經變咗Dynamic pricing浮動價錢，換希爾頓確實可能無咁抵嘅，但我亦可以舉到以下3個例子，都係以28/10/2018入住計：

【吉隆坡DoubleTree by Hilton Kuala Lumpur - 積分入住每晚10000分，即係AE轉分後夠住12晚】

房價每晚MYR399 = HK$762 x 12 = $9144！

【維也納 Hilton Garden Inn Vienna South - 積分入住每晚10000分，即係AE轉分後夠住12晚】

房價每晚EUR115.43 = HK$1058 x 12 = $12696！

【 峇里島Hilton Garden Inn Bali Ngurah Rai Airport - 積分入住每晚5000分，即係AE轉分後夠住25晚】

房價每晚IDR1408440 = HK$757 x 25 = $18925！！

**因為之前提過希爾頓積分係dynamic pricing，因此大家要留意Hilton積分房係可以毫無預警下隨時改動積分嘅， 所以大家如果需要轉分去希爾頓最好係查清楚積分房嘅實際分數先好由AE轉分，積分到帳之後就立即訂房。

AE轉飛機哩數每次要收取$200手續費，但轉酒店計劃係免費架！大家唔好忘記用積分換房，如果連續住5晚Marriott所有會員第5晚係免費的，而Hilton銀卡以上會員第5晚亦係免費，同埋頭先個post都講過，用酒店積分入住係可以計埋每年會員保級嘅晚數，所以酒店積分對阿迪哥嚟講比飛行哩數更加珍貴，其實以上我只係舉咗幾個例子， 仲有好多好多酒店可以等大家慢慢發掘！

如果想申請AE白金charge卡年費$7800，但係記住要透過推薦及網上申請先至會有迎新共800000分架，所以如果你有朋友擁有呢張卡記住叫朋友推薦你申請，推薦人都會有250000 AE積分，如果搵唔倒朋友推薦亦可以透過阿迪哥嘅連結申請。 

各位網友記住like埋阿迪哥Facebook page呀！