Marriott Bonvoy淡、旺季積分訂房將會於2019年9月14日正式實施

 

其實大家一早已經知道Marriott嘅積分房將會於今年內會實施淡、旺季積分要求，但當初一直未有確實實施嘅日期，但係今日萬豪正式宣佈將會於2019年9月14日正式實行，而且亦會有其他改動。

【改動1：淡、旺季及基本積分】

除咗目前嘅基本積分(Standard)外，9月14日之後仲會推出淡季及旺季所需積分，例如Category 1嘅酒店(例如：常平Fairfield)本身Standard rate係每晚7,500分、而淡季將會降至5,000分；旺季係10,000分，而最高級别Category 8嘅酒店(例如：馬爾代夫St Regis)本身Standard rate係85,000分、而淡季將會係70,000分；旺季100,000分！

Marriott透露所有酒店大部分日子都會維持Standard rate，而淡、旺季呢兩個時段會平均的，至於是否真確就需要到咗9月14日生效後先知喇。

於9月14日前所有預訂將會按照目前嘅Standard rate，如果目前嘅預訂於新政策實施後所需積分低咗系統係不會作出自動調整，會員需要自行取消及再重新預訂(如果仍然有房的話)；若然新請策實施後預訂日子係屬於旺季，只要該預訂已經扣除積分就可以維持原有嘅Standard rate。

Marriott Bonvoy積分兌換表

【改動2：現金+積分】

原本Marriott嘅現金+積分兌換每家酒店各有不同，但新政策於9月14日實施後將會統一每個Category積分加一個定額金額。

Marriott Bonvoy現金+積分兌換表

【改動3：Points Advance預訂】

Marriott Bonvoy嘅獨有優勢，即使會員未有足夠積分都可以先訂積分房，最遲入住前14日先會扣除會員帳號內積分，新政策實施之後每位會員同時間只能最多預訂3個Points Advance嘅預訂、與及若果預訂未扣分就需要依照扣分時嘅淡季、基本或旺季分數，意思即係Points Advance只能保證房間、但不保證所需積分，要保證所需積分就必須作預訂時即時扣除積分。

【改動4：住5付4】

用積分訂房連續住5晚只需付4晚積分仍然會維持，但在淡、旺季實施下若然5晚入面分别有不同積分，免費的就只會係當中所需最少積分嘅一晚。

改動詳情按此進入萬豪官網

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com