Marriott Bonvoy - 電子禮券(eGiftCards)使用體驗報告：香港喜來登酒店「天寶閣」

萬豪集團做緊eGiftCards八折👉(按此)，阿迪哥5月12日早上10:00落單、5月13日凌晨3:15收到附有eGiftCard嘅電郵，於是立即衝去香港喜來登酒店「天寶閣」飲茶試用一下，希望能夠對成功購買嘅網友有所幫助兼且可以加深了解 。

天寶閣位於酒店二樓的中菜廳，門面冠冕堂皇，古董擺設加上長長走廊，感覺高貴又神秘。

天寶閣

天寶閣

天寶閣

有關之前香港喜來登酒店嘅入住報告，請👉(按此)

阿迪哥和友人一共點咗六款點心包括：蟹子燒賣、黑豚叉燒腸粉、鮑魚瑤柱珍珠雞、竹炭焗叉燒包、香葱黑豚肉燒餅及迷你燕窩蛋撻，全部都超好食，但當中最正嘅一定係天寶閣必吃嘅竹炭焗叉燒包，皮脆而不油膩，竹炭甘甘香味朋友都激讚， 另外香蔥黑豚肉燒餅雖然等咗好耐，燒餅上面嘅乾蔥絲、配合裏面爆汁嘅黑豚肉碎口感一流。

蟹子燒賣、黑豚叉燒腸粉

鮑魚瑤柱珍珠雞

竹炭焗叉燒包及迷你燕窩蛋撻

世界級竹炭焗叉燒包

香蔥黑豚肉燒餅

天寶閣 - 點心餐牌

天寶閣 - 點心餐牌

天寶閣 - 點心餐牌

天寶閣 - 點心餐牌

天寶閣 - 點心餐牌

大家埋單時最好儘早同職員講清楚係使用Marriott eGiftCards付款，因為職員唔係好熟悉操作方法，因為要去前台扣數，餐廳經理都走咗好幾轉，於是阿迪哥索性跟經理出去前台解釋，前台問阿迪哥索取禮券正本、但係都叫eGiftCards何來有正本呢？

阿迪哥最終要跟餐廳經理一起去前台跟進

最終都搞咗一段時間就扣帳成功， 但職員有問阿迪哥索取購買時嘅電郵確認信，佢哋話係保障人客，但係阿迪哥覺得係多此一舉，因為如果張卡係買嚟送畀朋友，朋友根本唔會有呢封電郵，不過個過程職員嘅態度係非常有禮貌。

阿迪哥一共消費$528(連加一)，前台折合共$68.12美元，匯率為7.751，所以太家唔需要擔心匯率呢個問題，萬豪嘅匯率都算得上幾均真。

阿迪哥一共消費$528(連加一)

阿迪哥亦嘗試用兩張電子禮券付款，一張$50美元面額扣清後、再用另外一張付尾數，亦都操作成功，另一張卡嘅餘額可以留番下次繼續使用。

eGiftCard真身，當中包括卡號及PIN碼

$50美元一張卡已扣盡

餘額在另外一張$1,000美元禮券內扣除，並發出收據有顯示禮券餘額

另外，餐廳經理亦都簽發咗今次消費累積Marriott Bonvoy積分嘅收據，所以大家亦無需擔心用eGiftCard找數儲唔倒積分嘅隱憂 。

Marriott Bonvoy累積積分收據

若果大家想查自己張eGiftCard嘅餘額，可以👉(按此)進入Marriott eGiftCards網站，然後進入“CHECK BALANCE”、輸入卡號及PIN碼便可。

查eGiftCard餘額首先進入"CHECK BALANCE"

然後輸入卡號及PIN碼便可

Marriott eGiftCards購買後沒有有效期限，除咗預付價外大部份官網價格都可以使用禮券付款、兼且可使用於酒店自營嘅餐飲及水療等，以阿迪哥本人嘅消費方式來講覺得非常值得購買。

👉 按此進入Marriott GiftCards主頁購買及查看條款

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)