香港喜來登酒店Sheraton Hong Kong Hotel & Towers將於11月9日後從第五輪指定檢疫酒店名單中剔除，酒店將於11月11日起重新接待一般客人並緊接會進行翻新工程。
2021年10月31日 星期日
HSBC - 匯豐Visa Signature信用卡預訂香港4家精選酒店Staycation獨家$500折扣【預訂日期：2021年11月1日至11月30日】
匯豐Visa Signature信用卡香港酒店Staycation優惠半年後再次推出！今次預訂指定獨家Staycation套票一律扣減$500折扣，但參與酒店就縮減到得番4家，包括香港文華東方酒店、九龍香格里拉、雅格酒店及The Hari Hong Kong。
2021年10月30日 星期六
灣景國際 - 快閃價錢包服務費$913起：升級海景客房連雙人自助早餐、精選晚餐/自助晚餐【預訂日期：2021年10月30日至11月7日】
灣景國際The Harbourview位於灣仔會展附近，亮點就係可以平價享受海景房，今次包兩餐快閃正是免費升級海景房，包含嘅兩餐可以自由選擇自助晚餐或精選晚餐食set及自助早餐，雙人精選晚餐+自助早餐價錢已包服務費只係$913起、雙人自助晚餐+自助早餐價錢已包服務費$1,243起。
海景嘉福洲際酒店 - The Mistral by Theo Randall意大利餐廳半自助午餐優惠低至$312【預訂日期：即日至2021年11月29日】
早排阿迪哥介紹過InterContinental Grand Stanford嘅意大利餐廳The Mistral by Theo Randall半自助午餐終於聯同KKday推出優惠喇！星期一至五每位折扣後$312、星期六都只係$360，價錢已包加一，半自助午餐每括優質風乾火腿、傳統意式蛋餅、八爪魚沙律超過20款意大利餐前美食、主菜每位5選1，當中包括各式扒類、海鮮、意大利粉及自家精製pizza，甜品亦有多款包括自家名物Tiramisu及奶凍等，餐廳撚手菜式全部盡出，內文仲有阿迪哥嘅用餐後報告連結。
2021年10月29日 星期五
香港港威酒店 - 限時快閃只限3天！價錢每晚$889起+10%，入住高級客房連雙人貴賓樓層禮遇，包括早餐、下午茶、黃昏雞尾酒及精緻鹹甜美點【預訂日期：2021年10月29日至10月31日】
Gateway Hotel快閃唔洗一千就包咗入住高級客房一晚連雙人入Lounge，價錢每晚$889起+10%，貴賓樓層禮遇，包括早餐、下午茶、黃昏雞尾酒及精緻鹹甜美點、全日供應咖啡茶等飲品，平平地hea吓有幾餐飲食玩得過啦！
香港九龍酒店 - “0”房價快閃只限3天！每晚$771起+10%，升級入住豪華房一晚、$780餐飲消費額及24小時彈性入住【預訂日期：2021年10月29日至10月31日】
香港九龍酒店The Kowloon Hotel罕有推出0房價！優惠只限3天！價錢每晚$771起+10%，包括由高級房升級入住豪華房、入住期間$780餐飲消費額及24小時彈性入住，九龍酒店營運嘅餐廳包括提供高CP值自助餐嘅倚窗閣、炮製各式點心及粵菜嘅龍逸軒及中間道酒吧等。
Marriott Bonvoy - 萬豪旅享家2021年大使會員可送贈白金尊貴會籍給一位親友
今早萬豪最高級别嘅大使會員紛紛收到電郵，當中內容描述可以送贈白金會籍給一位親友，所以出來識朋友就梗係要識大使啦！另外電郵亦提及到明年2022年大使嘅保級所需要求。
香港銀礦灣渡假酒店 - 限時3日包3餐快閃，每晚$998+10%，入住標準大床房或園景雙床房、雙人早餐、雙人自助燒烤、雙人特色下午茶及單車租用1小時【預訂日期：2021年10月29日至10月31日】
如果想平平哋又有度假feel，又放倒平日假嘅話，趁住秋涼去郊外Staycation兼燒嘢食、踩下單車最啱數，香港銀礦灣渡假酒店快閃限時3日包3餐，入住標準大床房或園景雙床房、雙人早餐、雙人自助燒烤、雙人特色下午茶及單車租用1小時，雖然間酒店就舊少少，但咁嘅價位當做淨係要佢出面個沙灘當回本位啦！
2021年10月28日 星期四
香港四季酒店 - 全新豪華客房連3餐快閃，價錢連服務費$3,685起，包含全新豪華客房、雙人早餐、3道菜晚餐及烘焙套餐配瑜茶舍冷泡茶及多項禮遇【預訂日期：2021年10月28日至11月3日】
阿迪哥好耐都冇介紹過Four Seasons Hong Kong嘅優惠喇，原因係價錢唔算平，一直保持高水位，不過香港四季亦係香港自Staycation以來數一數二仍保持穩定標準嘅酒店，今次介紹呢個快閃嘅原因係雖然價錢同平時嘅快閃差不多，但係KKday就R多咗一個成件事幾禪吓價值$400嘅烘焙套餐配瑜茶舍冷泡茶响大堂咖啡廳享用順便打卡，加埋雙人早餐及3道菜晚餐，共3餐入住全新豪華山景客房連服務費$3,685起、入住全新豪華海景客房連服務費$4,125起，套票仲包含一系列禮遇包括迎賓水果、室內虛擬活動體驗、週末兒童遊戲室及生日或紀念日驚喜禮遇等！
記住一定要10月28日22:00後睇清楚有烘焙套餐嗰個package先至好買！
香港金域假日酒店 - 親子主題房連雙人自助晚餐及自助早餐快閃，價錢連服務費$1,485起，每日限量兩間，提早入住及延遲退房【預訂日期：2021年10月28月至11月11日】
Holiday Inn Golden Mile成為檢疫酒店前最後舞曲，快閃價錢連服務費$1,485起連雙人自助晚餐及自助早餐，每日限量兩間免費升級至「夢幻粉紅獨角獸」或「星空戰士」親子主題房間，平日入住可提早中午12時入住及延遲退房至3PM、即使周末入住都可以下午2時入住及下午1時退房！以DBS信用卡付款輸入優惠碼，訂單滿$1,500可享$150折扣！
World Of Hyatt - 凱悅官網查閱酒店淡旺季「積分日曆」新功能
講咗好耐嘅凱悅淡旺季積分兌換住宿日前終於正式實施，同時間官方網站亦推出咗一項叫「積分日曆」嘅全新功能可以一次過睇哂整個月内每日所需要嘅積分，非常方便！
2021年10月27日 星期三
香港康得思酒店 - 「零」房價限時優惠：房價$1,100起+10%房價全數回贈入住期間餐飲消費額！迪迪family成員預訂可享紅酒一支【預訂日期：2021年10月27日至11月1日】
機會又來了！Cordis Hong Kong「零」房價又返嚟喇！價錢$1,100起+10%，預訂任何房型即可獲相等於房間價格之回贈於住入期間作餐飲消費，透過阿迪哥預訂贈送紅酒一支！近排真係多咗網友問迪迪嚟緊仲有冇「零」房價優惠，將來會唔會停迪迪真係唔知，但要知道康得思「零」房價已經好耐冇加過價、又冇限制食邊間餐廳，無論如何都值得入手。
Marriott Bonvoy - 萬豪旅享家積分兌換住宿將於2022年3月起採用積分浮動制
琴晚萬豪宣布咗今年無保級嘅會員延續尊貴會籍一年，意味著大部份嘅迪迪family成員都無受惠，但公告最後一節宣布埋明年3月起積分會轉為浮動制，並取消酒店級別Category 1-8及淡旺季積分率，意味著積分勢必貶值，因為實在太多朋友關注呢項即將實施嘅新措施，因此阿迪哥獨立詳細寫一篇來補充一下尋晚文章嘅不足。
2021年10月26日 星期二
Marriott Bonvoy - 萬豪旅享家宣布最新會籍、奬勵之最新延期政策及宣佈積分兌換住宿浮動制【2021年10月】
萬豪終於推出最新對會員之關愛政策，當中包括會籍延期、套房升級券、免費房券及積分之延期政策，仲有一樣最大鑊嘅嘢出現就係積分兌換將會改為浮動制，即係話積分將會貶值！！！
麥當勞道貳號 - 限量搶套房包兩餐，每晚連服務費$1,188起，包含園景客房一晚、雙人「海鮮、鵝肝、和牛」5道菜晚餐連紅白酒暢飲及雙人單點早餐，首100間於指定日子入住免費升級標準套房【預訂日期：2021年10月26日至11月4日】
嘩！又有麥當勞套房搶喇！今次合共仲有成100間免費升級套房quota！位於半山嘅麥當勞道貳號呢個快閃Package本身入住園景客房一晚價錢連服務費$1,188，除咗包咗雙人於客房享用單點早餐、仲有海鮮、鵝肝、和牛食晚餐食，用餐時連埋紅白酒任飲！首100間指定日子免費升級入住標準套房！
香港JW萬豪酒店 - JW Stay and Dine住宿套票$2,480起+10%，包含住宿一晚、$2,000餐飲消費額及平日享24小時彈性入住【入住日期：即日至2021年12月20日】
美食滿滿嘅JW Marriott Hong Kong終於再次推出包含dining credit嘅住宿套票！雖然無之前零房價咁抵，不過JW萬豪勝在美食、始終吸引，今次套票價錢$2,480起+10%、周末大約貴$200，包含$2,000餐飲消費額及平日享24小時彈性入住，雖然註明唔可以使用於JW Café嘅早餐後嘅時段，不過若果想食自助餐另外都仲有The Lounge選擇，其他餐廳包括有米芝蓮一星萬豪金殿、Fish Bar及Flint都係一啲好有水準嘅餐廳。
香港朗廷酒店 - 聖誕早鳥限時優惠，淨房每晚$799起+10%、住宿連雙人早餐每晚$999起+10%，透過阿迪哥預訂額外送紅酒一支【預訂日期：2021年10月26日至10月31日】
係時候都要計劃12月同埋聖誕、除夕Staycation，The Langham Hong Kong位於尖沙咀最適合嘅節目夜晚睇完燈飾就直接返酒店瞓，今日開始佢哋限時6日推出早鳥快閃，入住日期涵蓋聖誕節、跨年及除夕，星期日至五入住淨房價$799起+10%、星期六入住只係多$100、聖誕期間及除夕假期都係只加$200！而住宿連雙人自助早餐只係需要加$200，好抵玩！如果今年仲未完成保級、或最後衝刺今年跑1865 Privilege、又或者有套房升級券响手呢個快閃優惠就仲啱數！迪迪family預訂再送紅酒一支！
2021年10月25日 星期一
港島香格里拉大酒店 - 限時快閃連服務費$1,750起，包含豪華山景客房連$1,000餐飲消費額快閃，平日入住可保證升級豪華海景客房及享受24小時彈性入住時間，限量搶首30間預訂指定日子更可免費升級入住豪華閣海景客房入Lounge【預訂日期：2021年10月25日至11月1日】
勁受歡迎嘅Island Shangri-la快閃終於返嚟喇！今次快閃價錢連服務費$1,750起，星期日至四入住由豪華山景客房免費保證升級至豪華海景客房，包含$1,000餐飲消費額，星期一至四退房更可享受長達24小時彈性時間入住，開賣時指定日期限量首30間更可免費升級至豪華閣海景客房包埋雙人入Lounge食下午茶、黃昏雞尾酒小食及早餐！
如果搶唔倒以限量優惠，阿迪哥認為應該注目另一個優惠，價錢連服務費$2,800起，包豪華山景客房一晚、雙人Café TOO自助晚餐、雙人早餐及外賣下午茶，星期日至四入住同樣保證升級至豪華海景客房、星期一至四退房亦可享受長達24小時彈性時間入住。
香港維港凱悅尚萃酒店 - Klook獨家優惠《STAY得筍 - 額外九折》價錢連服務費$1,218起，升級海景雙床客房 + 自助午餐 + 自助早餐【預訂日期：2021年10月25日至10月31日】
Klook會响今晚(10月25日21:00)推出香港維港凱悅尚萃酒店住宿連自助午餐及自助早餐快閃，星期日至四入住對比起官網相等於9折，價錢連服務費$1,218起，兼享星期日至四入住額外保證升級至海景雙床客房，最適合手上無Globalist高階會籍嘅朋友，預定任何日子另外加送紅/白酒一枝，以DBS信用卡付款仲有兩個超抵限量優惠碼，訂單滿$1,000可享$250折扣；及訂單滿$1,500享$150折扣！
2021年10月24日 星期日
香港瑞吉酒店 - 24-Hour Plus Staycation住宿套票，每晚$3,288起+10%，包含客房升級、$1,000餐飲消費額、兩杯Virgin Canto Mary、雙人私人教練課程一節及24小時彈性入住時間【入住日期：即日至2021年12月31日】
繼續重溫番本港萬豪集團酒店包含dining credit嘅住宿套票，St Regis Hong Kong同好多家最頂級嘅酒店一樣都守得住冇做零房價，而當中一直最受白金或以上會員歡迎嘅住套票24-Hour Plus Staycation價錢$3,288起+10%，預訂Deluxe Room免費升級Grand Deluxe、$1,000餐飲消費額；預訂St Regis Suite瑞吉套房$5,750起+10%，預訂套房則包含$2,000餐飲消費額，兩者都包含兩杯Virgin Canto Mary、雙人私人健身教練課程一節及24小時彈性入住時間。
2021年10月23日 星期六
馬哥孛羅香港酒店 - 快閃優惠每晚連服務費$1,485起，包括免房間升級、雙人自助早餐、$1,300餐飲消費額及生日月份入住免費生日蛋糕【預訂日期：2021年10月23日至10月29日】
Marco Polo Hong Kong推出快閃強力回本盤，價錢連服務費$1,485起，包含$1,300餐飲消費額、另外仲包雙人馬哥孛羅咖啡廳自助早餐，咁就唔需要留番彈藥食早餐，全力進擊Cucina意大利餐廳、Lobby Lounge或食buffet，星期日至四入住仲有跟量升級海景房！
HSBC - 全新匯豐EveryMile信用卡，指定日常消費簽帳$2=1里或酒店積分、一般本地及海外簽帳$5=1里或酒店積分
阿迪哥唔係經常介紹信用卡，但係今次匯豐最新推出呢張EveryMile信用卡必須要跟大家分析一下，因為有大量航空夥伴(共12間)，當中包括有3間首次引入香港市場，其他信用卡無嘅航空夥伴：加航Aeroplan、越南航空Lotusmiles及土耳其航空Miles&Smiles，而重點係呢張卡有3間酒店奬勵計劃夥伴，全港最多！包括大家最關注嘅Marriott Bonvoy、仲有IHG，但其實當中最大亮點竟然係雅高Accor Live Limitless！！拿，大家唔好鬧住呀，請睇埋內文先，因為憑「獎賞錢」兌換成雅高呢個酒店夥伴可以將$100「獎賞錢」增值成為HK$362嘅價值！！！將來嘅馬爾代夫Raffles、泰國喀比Banyan Tree Krabi不是夢！
2021年10月22日 星期五
香港維港凱悅尚萃酒店 - 萬聖節「安心上路」宅度假，價錢$1,999起+10%，包含住宿一晚、雙人自助晚餐、「哈囉喂——反轉異域」專屬鬼巴士、免預約泳池通行證及延遲退房至下午3時【入住日期：2021年10月31日】
Hyatt Centric Victoria Harbour真係好攪鬼又抵死，官網期間限定10月31日萬聖節推出「安心上路」宅度假只此一團，價錢$1,999起+10%，包住宿一晚連萬聖節當晚The Farmhouse首輪自助晚餐，晚餐後於8點鐘登上尚萃專屬紅色開蓬鬼巴士，夜遊港島多個靈異地點，並由導遊帶領及解說當中詭秘之靈異故事，令參加者worry-free真正令大家安心上路，萬聖節夜晚可以玩夜啲翌日安排延遲退房至下午3時，仲會包埋一次問預約泳池通行證。
Hilton Honors - 新服務：希爾頓精英會員提前免費房間升級通知
希爾頓嘅IT的確係業界先驅，繼較早前官網推出可以即時預訂雙連客房呢個新功能外👉(按此)，最新即將推出幾項新服務，最值得一提係Hilton Honors精英會員將會提早收到房間免費升級通知，從而好讓會員在online check-in時直接選擇入住已升級的房間號碼。
2021年10月21日 星期四
九龍海逸君綽酒店 - 「零房價」快閃，入住園景客房$1,300+10%(包1,300餐飲消費額)、入住優越城景塔樓套房$2,200+10%(包$2,200餐飲消費額)，慶祝結婚週年可獲免費紅/白酒一支【預訂日期：2021年10月21日至10月27日】
Harbour Grand Kowloon推出「零房價」快閃！入住園景客房$1,300+10%(合共$1,430)包含入住期間$1,300餐飲消費額、今次連新裝修完成嘅套房都有平，入住優越城景塔樓套房$2,200+10%(合共$2,420)包含$2,200餐飲消費額，餐飲消費額最正梗係用嚟食連續3年榮獲《米芝蓮指南》推介嘅炉端燒！但記得盡早訂枱喎！慶祝結婚週年仲有紅酒送。
港島海逸君綽酒店 - 「食住玩」住宿禮遇快閃套票，價錢連服務費$1,628起包4餐，入住豪華海景客房、下午茶小點、黃昏雞尾酒、自選晚餐三選一及雙人自助早餐，指定日子首50訂單免費升級入住尊貴海景客房【預訂日期：2021年10月21日至10月31日】
港島海逸君綽酒店 Harbour Grand Hong Kong 推出快閃包4餐，價錢連服務費$1,628起入住豪華海景客房、於指定餐廳享用下午茶小點、黃昏雞尾酒、雙人自助早餐及自選晚餐(3選1)，晚餐可選君綽軒鮑參翅肚晚餐，菜式包括燕窩焗釀蟹蓋、紅燒花膠翅、8頭原只鮑魚扣海參及生磨合桃露等；自助餐控亦可以選擇咖啡廳自助晚餐；若果想食法國菜另一選擇Le 188˚餐廳及酒廊四道菜晚餐，菜式包括加拿大龍蝦配芹菜頭沙律、 酥皮焗法國鴨肉及鴨肝卷、迷你日本南瓜湯配煙肉及松露忌廉及紅酒燴美國牛面頰肉等，預訂套票獲贈價值$2,500嘅英格蜜兒 「AGE Jet 等離子逆齡眼部療程」，限量搶首50訂單可以免費升級入住配有打卡圓形浴缸嘅尊貴海景客房！
Preferred Hotels - 推薦加入I Prefer會員計劃無須入住即可賺取1,000積分及透過Status Match即時升級高階Elite會籍
Preferred Hotels & Resorts係全球其中一個獨立酒店品牌，營運方式類似Global Hotel Alliance (GHA)，本港參與嘅酒店目前有3間，包括奕居、香港東隅及港島海逸君綽酒店，亞洲區有參與、而港人比較熟悉嘅酒店有台北君品、蘇梅The Tongsai Bay、日本有大量酒店例如Keio Plaza、Tokyu Hotels、New Otani都有參加，而全球目前共有3家Fullerton，分別兩家位於新加坡及1家位於悉尼嘅都有參與計劃，咦！Fullerton？香港海洋公園咪將會開Fullerton囉！香港Fullerton會唔會參加就暫時未落實，不過目前佢哋嘅I Prefer會員計劃推出咗會員推薦活動，只要推薦朋友加入會員計劃無需入住可以即時雙方各得1,000積分獎勵，若果手上擁有其他酒店集團高階會籍、入會後可以申請Status Match到I Prefer嘅Elite入住時享受各項福利，例如提早入住、延遲退房、房間升級及迎賓禮遇等。
2021年10月20日 星期三
香港康得思酒店 - 限時住宿連雙人自助早餐快閃，每晚$799起+10%包括免費迷你吧，透過阿迪哥預訂額外送精選紅酒一支【預訂日期：2021年10月20日至10月25日】
簡簡單單又到星期三，約睇英超喇喂！Cordis Hong Kong今個星期推出好耐都冇做過嘅住宿連雙人The Place自助早餐快閃，價錢由$799起+10%，今次仲加送首round客房內迷你吧方便睇波！迪迪family預訂當然照慣例額外再送紅酒一支啦！
2021年10月19日 星期二
香港朗廷酒店 - 超級海鮮聯盟一泊4食快閃套票，價錢每晚連服務費$1,599起，入住內園景豪華客房、雙人超級海鮮聯盟自助午餐、自助早餐、雙人尊享朗廷會禮遇(包括下午茶及黃昏雞尾酒小食)及平日延遲退房至3PM【預訂日期：2021年10月19日至10月25日】
召喚勁食達人！睇吓你食唔食得哂！Langham Hong Kong 超級海鮮聯盟一泊4食快閃套票，價錢每晚連服務費$1,599起，包含內園景豪華客房一晚、雙人超級海鮮聯盟自助午餐及朗廷會禮遇，入住日先食自助午餐、之後直落享用朗廷會下午茶、黃昏時再食埋雞尾酒及小食，第二朝就雙人自助早餐，一共食四餐，平日入住更可以延遲退房至下午3時，預訂呢個套票仲有30分鐘「粉紅下午茶室」自助攝影時段打卡。
海外抵港人士政府指定第六輪檢疫酒店名單及網上預訂指定檢疫酒店【有效期由2021年12月1日至2022年2月28日】
政府剛宣布第六輪指定檢疫酒店名單，因聖誕節旺季增加需求，名單由上輪36間酒店增至40間，增添名單包括香港金域假日酒店及屬於Small Luxury Hotels嘅香港逸蘭銅鑼灣酒店，有凱悅免費房券响手嘅會員又少一間可以用，而各位非常擔心萬豪旗下嘅沙田萬怡酒店及香港萬麗海景酒店今次有幸被放生。
如果對搜尋檢疫酒店有困難，可以响Trip .com系統搜尋， 能夠一次過睇哂邊間酒店仲有房並進行即時預訂，內文有預訂連結。
香港東隅酒店 - 藍精靈「十分勁」主題Staycation，藍精靈主題客房連雙人藍精靈主題下午茶及早餐，每晚連服務費$1,660起；藍精靈主題客房連雙人自助晚餐及早餐，每晚連服務費$2,460起，預訂藍精靈主題套票可獲贈藍精靈主題禮品包價錢超過$500【入住日期：2021年11月1日至2022年1月31日】
全港首個藍精靈主題Staycation於香港東隅酒店EAST Hong Kong舉行，藍精靈粉絲必玩！屆時酒店入口、大堂都可以見到藍精靈家族蹤影外，當然仲有藍精靈主題客房，酒店聯同Klook推出兩大類主題住宿套票，預訂以下套票均獲贈價值超過$500藍精靈主題禮品包，包括藍精靈主題單肩布袋、收納布袋及遊戲套裝：
❶ 藍精靈主題客房 + 雙人藍精靈主題下午茶+ 早餐：每晚連服務費$1,660起
❷ 藍精靈主題客房 + 雙人自助晚餐 + 早餐：每晚連服務費$2,460起
Accor Plus - 限時優惠：超低價$1,488入手Accor Plus會籍，會籍包括一晚免費住宿、參與酒店餐廳二人用餐高達半價及一磅蛋糕券一張【優惠日期：延期至2021年11月13日】
Accor Plus會籍推出限時優惠！可以以超低價$1,488入手一年會籍！成為Accor Plus會員後可獲得一晚香港或亞太區酒店免費住宿、與及於參與酒店餐廳當2人用餐時高達買一送一半價！例如响柏寧酒店Park Lane Hong Kong, a Pullman Hotel嘅Playt食自助餐；灣仔香港諾富特世紀酒店 Novotel Century Hong Kong嘅Le Café咖啡廳食自助餐、AK'S酒吧及Pepino意大利餐廳；東涌諾富特東薈城酒店Novotel Citygate嘅Essence食自助餐、Olea地中海餐廳；甚至乎平平地去宜必思香港中上環ibis Hong Kong Central & Sheung Wan嘅Taste食飯全部二人用餐都享有半價折扣！
假設嗰晚免費房用於入住銅鑼灣柏寧酒店，平均一般彈性取消價錢每晚連服務費約$1,077，扣減$1,488，咁即係成本$411就可以獲得半價食飯卡一年有效及Accor Live Limitless銀卡會籍，銀卡會員入住集團內酒店可以享有禮遇包括兩杯歡迎飲品及延遲退房，而蛋糕券最佳用途係同另一半去酒店餐廳食飯慶祝、可享受半價之餘同時用埋張蛋糕券就連買生日蛋糕都慳埋 ！
2021年10月18日 星期一
香港港麗酒店 - STAY得筍快閃，兩大優惠限量搶，包括限量搶入住期間行政貴賓廊禮遇及額外減$300【預訂日期：2021年10月18日至10月27日】
Conrad Hong Kong推出兩大限量搶優惠，包括入住豪華客房連雙人意寧谷意大利餐廳4道菜晚餐及自助早餐，價錢連服務費$2,300起，限量搶入住期間享用行政貴賓廊禮遇(禮遇包括下午茶及黃昏雞尾酒連小食)及升級至半海景客房。
另一個優惠，入住豪華客房連雙人自助午餐及自助早餐，價錢連服務費$1,800起，限量搶額外再減$300，減後即$1,500起就包兩餐自助餐！
香港文華東方酒店 - 3日2夜悠閒度假之旅，價錢連服務$4,620起，包皇后像廣場景觀客房住宿兩晚，每天雙人早餐、首晚文華閣禮遇、第二晚3道菜晚餐及IPSA護膚禮品【預訂日期：2021年10月18日至10月28日】
Mandarin Oriental Hong Kong連續入住兩晚快閃連文華閣禮遇載譽歸來！兩晚皇后像廣場景觀客房連服務費合共$4,620起(平均每晚$2,310起)，首晚包文華閣禮遇：包括雙人早餐、下午茶及黃昏雞尾酒、第二晚則包雙人早餐及3道菜晚餐。
另外，同時亦推出包三餐住宿套票(Café Causette海鮮拼盤連牛柳鵝肝三道菜晚餐 + 早餐 + 下午茶)，價錢連服務費$2,838起，指定日子20間免費由原本市區景觀客房價錢升級入住皇后像廣場景觀客房！以上所有優惠都可獲贈IPSA多項禮遇。
Hilton Honors - 全球首家華納兄弟主題樂園酒店The WB Abu Dhabi將加入成為希爾頓Curio Collection一員
全球三大主題樂園之一華納兄弟跟其餘兩大主題樂園迪士尼及環球影業一直經營主題樂園業務，但不同之處的是欠缺主題樂園酒店版塊，這個局面當全球首家位於阿聯酋首都阿布達比的華納兄弟酒店The WB Abu Dhabi, Curio Collection by Hilton今年11月開業後會跟其餘兩大集團睇齊。
2021年10月17日 星期日
香港JW萬豪酒店 - JW Buffet-cation at The Lounge住宿套票，每晚$2,080起+10%，每含住宿一晚、The Lounge雙人自助晚餐及The Café雙人自助早餐【入住日期：2021年10月20日至11月17日】
自助餐控注意！JW Marriott Hong Kong終於推出自助晚餐住宿套票喇！雙人自助晚餐將會响The Lounge享用，包埋The Café雙人自助早餐及住宿一晚價錢$2,080起+10%！不過日子只限少量星期一至星期三，「零」房價已成過去，各位同志向前看吧！
海景嘉福洲際酒店 - 「秋•逸」禮遇限時住宿優惠，住宿每晚$1,000起+10%，可一共獲享共4項禮遇：自助早餐、IPSA護膚禮品、$300迷你吧消費額及平日入住延遲退房至3PM【預訂日期：2021年10月17日至10月24日】
InterContinental Grand Stanford Hong Kong官網推出限時優惠「秋•逸亅禮遇，住宿每晚價錢$1,000起+10%，除咗包含本身住宿一晚外，限時快閃期間預訂仲可享受4項額外禮遇：雙人自助早餐、IPSA護膚禮品、$300迷你酒吧消費額及星期日至三入住延遲退房至下午3時！
2021年10月16日 星期六
奕居 - 限時快閃每晚連服務費$2,875起，包含保證升級Studio 80山景房一晚、雙人早餐及$1,000餐飲消費額，限量搶首20間升級至奕居標準套房【預訂日期：2021年8月9日至8月18日】
【#搶套房】The Upper House推出新一輪住宿快閃，當中包括住宿+早餐+餐飲消費額；住宿+早餐+The Continental 3道菜式晚餐或美酒小食體驗；與及住宿+早餐優惠，當中最大亮點係Studio 70山景房一晚連保證升級Studio 80、雙人早餐及$1,000餐飲消費額價錢連服務費$2,875起，開賣1-2月指定日子首20間升級至奕居標準套房！！！奕居嘅房內Maxi-Bar嘅果汁、汽水及啤酒全部免費所以房內餐飲消費額可以全部用來點食物就相對比較好用。
Marriott Bonvoy - 萬豪集團計劃目標在2025年前新建多達11家瑞吉度假村
萬豪酒店集團宣布，集團計劃到2025年將發展的瑞吉度假村(St. Regis Resorts)新增數量增加近一倍，在未來4年間由現有的15家瑞吉度假村再增加多11家。
2021年10月15日 星期五
香港W酒店 - Dine Whatever/Whenever住宿套票，每晚$2,220起+10%，包含$1,500餐飲消費額、預訂套房$2,850起+10%，包含$2,500餐飲消費額【入住日期：即日至2022年1月31日】
繼續review本港萬豪包消費額嘅住宿套票，W Hong Kong嘅Dine Whatever/Whenever大家都好熟悉，預訂唔同嘅房型會包括唔同面額嘅消費額，目前最抵嘅係啱啱跌價嘅Fantastic Suite(奇幻套房)，每晚跌至$2,850起+10%，包含$2,500餐飲消費額及一張無乜用嘅$500 Spa禮券，即使無視張Spa券都差不多近乎「零」房價，重點係入住套房、餐飲消費額除咗可用於酒店自家餐廳外、更可使用於香港麗思卡頓酒店旗下餐廳，天龍軒、Tosca di Angelo不是夢，因為價錢好飄忽，因此阿迪哥建議睇啱日子價錢立即鎖定，反正入住限期前可免費取消。
香港酒店連續入住兩晚快閃盤，只限3天，淨房平均每晚$228起+10%【預訂日期：2021年10月15日至10月17日】
今個星期Trip .com快閃最抵玩主打一系列低價簡約酒店連續入住兩晚淨房快閃盤，包括旭逸酒店‧旺角平均每晚$228起+10%、旭逸雅捷酒店‧灣仔平均每晚$248起+10%、香港灣景國際平均每晚$265起+10%、香港彩鴻酒店平均每晚$283起+10%、銅鑼灣愛麗舍酒店平均每晚$276起+10%、與及香港九龍酒店平均每晚$336起+10%，若果真係有需要搵平價酒店出走一陣、Work from Hotel或者解決土地問題就非常抵deal。
九龍香格里拉大酒店 - 豪華客房連豪華閣貴賓廊禮遇住宿限時優惠，連$1,000酒店消費額及免費泊車，每晚連服務費$1,980起，預訂再送GLYCEL禮品，限量20間預訂可免費升級入住豪華海景客房【預訂日期：2021年10月15日至10月24日】
好抵呀！今次Kowloon Shangri-La推出嘅豪華客房快閃價錢連服務費$1,980起，包埋兩位入Lounge！豪華閣貴賓廊禮遇包括小食及飲品、黃昏雞尾酒及早餐，食牛扒早餐不是夢！平時响官網預訂帶有豪華閣貴賓廊禮遇嘅住宿最低消費都要$2,200，今次KKday快閃優惠仲加送$1,000酒店消費額、免費泊車一架及GLYCEL升級版魚子極緻修護面膜及HK$200現金劵！抵到喊咗！😭😭😭今次如果錯過咗、下次加價千祈唔好怨啊……
2021年10月14日 星期四
World Of Hyatt - 凱悅淡旺季積分兌換表將於2021年10月中實施【入住日期：2022年3月份後】
已經講咗好耐嘅World Of Hyatt淡旺季積分兌換表將會响10月中正式實施，但實際實施日期到而家仲未定😅，大家若果2022年3月份後入住有心儀嘅酒店、又有足夠積分建議就訂咗先、鎖定現時嘅兌換率，香港嘅酒店用積分就唔抵架喇， 要訂就訂定啲使用積分CP值高嘅外國酒店，例如柬埔寨暹粒Park Hyatt Siem Reap (Cat 3)、 越南峴港Hyatt Regency Danang (Cat 4)、 墨爾本Grand Hyatt Melbourne (Cat 4)、 馬爾代夫Park Hyatt Hadahaa (Cat 7)、悉尼Park Hyatt Sydney (Cat 7)、巴黎Park Hyatt Paris-Vendome (Cat 7)、 峇里Alila Villas Uluwatu (Cat 7)， 然後睇下出年有冇機會去旅行啦🤦♂️
2021年10月13日 星期三
香港康得思酒店 - 住宿連自選雙人兩餐快閃優惠$1,388起+10%，透過阿迪哥預訂可額外獲贈紅酒一支【預訂日期：2021年10月13日至10月18日】
令人期待嘅星期三終於來臨！Cordis Hong Kong推出特色嘅住宿連雙人兩餐快閃，價錢每晚$1,388起+10%，餐膳分別有兩個組合：
❶ Alibi西式三道菜午餐+米芝蓮明閣點心早午餐
❷ Alibi西式四道菜晚餐+The Place自助早餐
米芝蓮明閣點心早午餐菜式包括尖藍天使蝦餃、阿拉斯加蟹肉藍天使蝦菜苗餃、上素蒸粉果、銀湖天鵝酥、黑毛豬鹹水角、蜜汁叉燒包、茶壺松茸竹笙清湯、XO醬炒腸粉及芥香欖菜豚肉炒飯；而Alibi – Wine Dine Be Social西式四道菜晚餐菜式包括即開時令生蠔、生牛肉韃靼、慢煮蜜香鴨胸/慢煮本地鮮鱸魚及芒果四季橘牛奶朱古力慕絲蛋糕，鍾意食好中、或者鍾意食好西隨你揀，迪迪family成員預訂兼享紅酒一支，康康嘅客房電視仲有now可以睇英超直播架！
香港君悅酒店 - 「一泊三食」美食之旅，每晚連服務費$3,438起，入住海景房、Grand Café自助晚餐、自助早餐及Tiffin茶園下午茶外賣禮盒【預訂日期：2021年10月13日至10月17日】
【#非官網】終於等到Grand Hyatt Hong Kong嘅Grand Café自助晚餐推出住宿快閃，本身呢間自助餐已經難訂枱，今次賣大包加送埋Tiffin茶園下午茶外賣禮盒及升級海景客房，包雙人入住價錢每晚連服務費$3,438起，平日入住兼享24小時彈性入住時間。
如果唔食Grand Café自助晚餐的話，另外同時推出另外兩個更便宜嘅快閃，改為食The Grill露天池畔餐廳燒烤自助晚餐，包雙人入住價錢每晚連服務費$2,750起、或者另一個套票包含$1,200餐飲或水療消費額(比官網多$200 credit！)，每晚連服務費$2,758起，所有套票跟官網價錢差不多，不過今次快閃就加送Tiffin茶園下午茶外賣禮盒、額外禮遇包括升級海景客房及平日入住可享受24小時彈性入住時間。
2021年10月12日 星期二
阿迪哥免費送出「5G LAB@天際100」免費門票
颱風天齊人就最好送禮物， 阿迪哥聯同SmarTone R咗個迪迪family專享福利，無條件送您「5G LAB@天際100」免費門票，即係今次免費就可以睇到RC同樣嘅景色！只需要按入內文優惠連結並填寫簡單個人資料進行登記，就可以獲得免費門票一張！
香港天際萬豪酒店 - 「食‧住‧呵護」住宿計劃，每晚$1,700起+10%，升級入海景客房、$1,600入住期間酒店消費額、免費迷你吧及免費泊車，另加$800+10%可享多一間相連客房【入住日期：即日至2021年11月30日】
繼續review香港萬豪集團包含dining credit抵玩嘅住宿套票，Hong Kong SkyCity Marriott「食‧住‧呵護」Experience Dining and Wellness Package每晚價錢$1,700起+10%，包含$1,600入住期間酒店消費額，係集團內唯一一家酒店消費額除咗餐廳消費外、仲可以使用於做Spa嘅酒店，使用消費額時當中的水療療程兼享8折！除此之外禮遇仲包含升級入海景客房、免費迷你吧以及免費泊車，另加$800+10%可以同時多一間相連客房。
訂閱：
文章 (Atom)