World Of Hyatt - 凱悅官網查閱酒店淡旺季「積分日曆」新功能

 

講咗好耐嘅凱悅淡旺季積分兌換住宿日前終於正式實施，同時間官方網站亦推出咗一項叫「積分日曆」嘅全新功能可以一次過睇哂整個月内每日所需要嘅積分，非常方便！

呢項「積分日曆」嘅新功能既方便、使用又簡單，阿迪哥簡單介紹一下，有關凱悅淡旺季積分制實施可👉(按此)重溫相關文章。

步驟1

首先進入凱悅集團官網首頁👉(按此)，然後假設是搜尋香港有邊幾家酒店，地點請輸入“Hong Kong”、隨便輸入一個入住及退房日期、然後勾選「使用積分」方格，然後按下黃色「搜索酒店」鍵：

步驟2

搜尋結果出現後假設我哋想查「香港尖沙咀凱悅酒店」嘅每晚所需要積分，然後按下黃色「查看房價」鍵：

步驟3

之後系統就會引領到下一版、同慣常一樣嘅該酒店專屬網站顯示你開始時所輸入想查閱嘅日期價錢及所需要積分，然後响酒店名稱、地址及電話號碼下面顯示咗一個全新嘅功能鍵「積分日曆」：

步驟4

當按下「積分日曆」鍵後便可查閱未來嘅13個月每晚嘅淡/旺季所需積分，以Category 5嘅香港尖沙咀凱悅酒店為例，淡季每晚17,000分、標準日子每晚20,000分、旺季則23,000分：

而响拉下嘅選項仲可以選擇查閱其他房型嘅獎勵，例如嘉賓軒及套房：

要留意呢項功能只提供網頁版使用，手機應用程式係暫時沒有呢項功能，凱悅集團嘅網站一直都缺少咗彈性查價閲房價功能，希望將來呢項功能早日可以伸展到除積分外連查付費入住價格都用得到。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)