GHA Discovery - 全新改革會員計劃將於2021年12日初面世

 

阿迪哥早前有報導過有關GHA Discovery會員計劃將於12月初改革，最新嘅消息又再唧牙膏式透露，今次講嘅係會員未兌換嘅Local Experience將會轉換成為GHA自家嘅貨幣單位D$。

GHA Discovery會員計劃近來愈來愈多人注重，而香港有參與計劃嘅酒店一共有四家，包括香港美利酒店、馬哥孛羅香港酒店、港威酒店與及目前正在裝修中嘅香港太子酒店，而全球好多知名嘅獨立酒店品牌都有參與計劃，包括Anantara、Capella 、Kempinski、Outrigger、The Sukhothai及Viceroy等，而最近集團透露將會响12月上旬改革會員計劃，暫時新計劃未有完整詳情，但新計劃嘅 尊貴會籍資格及保級對比起現在相對會容易好多。

但是目前暫時未有完整改革後新會員計劃嘅詳情，而早前集團就發出電郵畀個別會員公佈這項計畫的消息，亦附帶介紹新計劃簡單嘅網站👉(按此)，暫時所知嘅資料如下：

現有會員過渡新計劃的會員級別

● 現有Gold會員：若果過去3年內沒有任何入住紀錄新計劃下將會降至Silver，否則會維持新計劃的Gold會籍
● 現有Platinum會員：在新計劃後仍然是Platinum，會籍更會延期至2022年年底
● 現有Black會員：在新計劃後會成為新嘅高階會籍Titanium，會籍並會延期至2022年年底

Local Experience

所有現有Local Experience必須於2021年11月21日前兌換，白金及黑卡會員尚未兌換嘅Local Experience將會响2021年12月7日轉換為D$：

● 每個白金Local Experience = D$100
● 每個黑卡Local Experience = D$200

什麼是D$

D$將會是GHA自家嘅貨幣單位，每D$1等值USD1美元，詳情👉(按此)。

會員在入住參與會員計劃酒店期間的客房消費、餐飲、水療及而參與酒店舉辦活動均可賺取D$，賺取的方式是以會員級別的百分比計算，最高可達所付的費用7%(暫時未有透露每級會員所賺取的百分比)，大家可以直接視作最高可達7%現金回贈。

至於如何使用D$，其實即係當錢洗，D$可以使用於房間費用、房間升級、餐飲、水療及酒店舉辦的體驗活動等。

尊貴會籍級別的所需要求

另外，GHA亦以唧牙膏形式透露新會員計劃更多詳情，在最新收到的會員電郵內👉(按此)有詳細解釋未來每個尊貴會籍級別的所需要求。

Silver：白板會員
Gold： 每曆年入住兩次或$1,000等值美元消費額
Platinum： 每曆年入住10晚或$5,000等值美元消費額或入住兩個不同品牌
Titanium： 每曆年入住30晚或$15,000等值美元消費額或入住三個不同品牌

新計劃下未來保級將會容易好多，亦相信好多人都將會跑品牌數目，因為只需要每曆年入住3個不同品牌就可以完成最高階嘅Titanium，但以香港人嚟講就必須要衝出香港先能夠儲齊三個品牌，因為馬哥孛羅香港酒店、港威酒店與及香港太子酒店都只屬於同一個Marco Polo品牌。

暫時新會員計劃所透露嘅詳情只有咁多，將來會員權益嘅重要資訊暫時未知，大家拭目以待。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)