悅品天秀酒店‧元朗開業於2017年9月，是天水圍區的第二家開業酒店，共提供約336間客房，是一家鄰近香港濕地公園的3星級酒店，酒店與天一商城是同一建築物，1至3樓是商場、4樓至20樓是酒店，因此食肆或購買日常用品都很方便。
【預訂及房費】
阿迪哥透過agoda預訂豪華優悅客房(Elite Deluxe Room)👉(按此)，價錢連服務費$366.14，不包任何餐飲。
【酒店位置】
酒店鄰近輕鐵天秀站，由天秀站步行約兩分鐘，若果由市區前往可乘搭港鐵屯馬線到天水圍站，到E2出口轉乘輕鐵705線到天秀站下車。
 |
| 酒店(左)位於輕鐵天秀站旁邊 |
酒店亦定時有提供免費穿梭巴士前往天水圍站及屯門V-City商場。
 |
| 免費穿梭巴士時間表 |
酒店地址： 香港元朗天水圍天秀路8號
【辦理入住】
酒店大門不大，進入大堂空間一眼睇哂，當日辦理入住人不多，填完健康申報表之後很快就辦理完成手續，不過職員說房間未準備好，稍後再需要回來拿房卡。
 |
| 酒店大門 |
 |
| 酒店連接天一商城 |
如冇特別提出職員只會發一張房卡，由於客房需要插房卡通電，若果只得一張房卡其中一位住客外出時就需要取走房卡、留在房內嘅另外一位住客就要摸黑，因此建議辦理入住時提出需要兩張房卡。
 |
| 酒店大堂 |
 |
| 酒店大堂 |
 |
| 酒店前台 |
 |
| 酒店房卡歷久不衰，嗱！唔好話我唔夠溫馨，無時無刻提住你中午12:00記得準時退房呀！ |
【房間】
所有客房設計都係大同小異，分別只係樓層、景觀、大床、雙床或三床等。
 |
| 客房樓層電梯大堂 |
 |
| 客房外通道 |
阿迪哥今次入住豪華優悅客房，屬於高樓層城市景觀，客房設計是非常簡單及傳統，進入客房一邊是一組衣櫃、另一邊是浴室。
 |
| 豪華優悅客房 |
迪迪問過酒店所有房間不設浴缸，浴室同樣簡潔，還好設有乾濕分離淋浴間，酒店只提供簡單衛生備品，包括牙具套裝、浴帽及衛生袋，而沐浴備品是大支環保裝，只提供洗手液、二合一洗髮護髮露及沐浴露，毛巾只提供兩大兩中，沒有洗面小毛巾。
 |
| 豪華優悅客房 - 浴室 |
 |
| 豪華優悅客房 - 浴室 |
 |
| 豪華優悅客房 - 浴室 |
 |
| 豪華優悅客房 - 浴室 |
 |
| 豪華優悅客房 - 浴室洗手液 |
 |
| 豪華優悅客房 - 浴室 |
 |
| 豪華優悅客房 - 浴室二合一洗髮護髮露及沐浴露 |
 |
| 豪華優悅客房 - 衛生備品 |
 |
| 豪華優悅客房 - 風筒 |
 |
| 有大破洞的毛巾 |
 |
| 洗手盆邊的污漬有點反胃 |
酒店2017年開業，其實都算新，不過浴室及臥室空間就沒有採用現代化的透明玻璃間隔設計。
 |
| 豪華優悅客房 |
以三星級酒店及酒店價位其實房間面積不算細，有行李櫃，一張長書枱、而且仲放得落一張二人梳化，不過梳化前面就略欠一張茶几，換來是一片沒有用處的空間。
 |
| 豪華優悅客房 |
 |
| 豪華優悅客房 |
 |
| 豪華優悅客房 |
 |
| 猶如紙質嘅睡拖，3星級酒是正常吧 |
 |
| 豪華優悅客房 |
 |
| 豪華優悅客房 - 免費飲用水、咖啡及茶 |
 |
| 豪華優悅客房 - 免費即溶咖啡及茶包 |
 |
| 豪華優悅客房 |
 |
| 豪華優悅客房 - 飛利浦大電視 |
 |
| 豪華優悅客房 - 雪櫃 |
 |
| 若果需要客房用餐，酒店餐廳The Platter提供外賣自取餐單，住客6折 |
 |
| 豪華優悅客房 |
 |
| 豪華優悅客房 |
 |
| 豪華優悅客房 |
 |
| 豪華優悅客房 |
大床兩邊分別各有一個傳統三腳插頭、沒有配置原組USB充電插頭，整間客房唯一嘅USB充電插頭在其中一邊床頭嘅鬧鐘內。
 |
| 豪華優悅客房 |
 |
| 豪華優悅客房 |
 |
| 整間客房唯一嘅USB充電插頭在其中一邊床頭嘅鬧鐘內 |
 |
| 豪華優悅客房 |
房間設計就很像一間Holiday Inn或Hilton Garden Inn客房，酒店開業僅四年多、但令人感覺有點舊、可能因為房間使用偏向深啡色嘅傢俬、仲有污漬嘅洗手盆，而且房間隔聲很差，房間外面如果有人傾計十分應聲。
 |
| 由於豪華優悅客房位於高樓層，因此可以遠眺深圳灣大橋及深圳蛇口 |
 |
| 另一邊亦可看到深圳福田區 |
【餐廳及酒吧】
酒店只有一間位於4樓的餐廳The Platter，星期六、日及公眾假期供應自助早餐、每日供應半自助午餐，但迪迪入住期間因防疫限制，晚市則只提供外賣自取服務。
 |
| The Platter餐廳 |
 |
| The Platter餐廳座位不算很密，仍能保持一定距離 |
 |
| The Platter餐廳 |
 |
| The Platter餐廳 |
因為阿迪哥中午抵達時需要等房，因此就正好可以一路等房、一邊試試佢哋The Platter餐廳嘅半自助午餐，先睇睇個餐牌，每人一份主菜、而自助沙律吧及甜品任食，以所選擇嘅主菜定價，唔計賀年特別餐牌，正常半自助午餐最平嘅香辣雞肉菠蘿薄餅$108+10%、最貴燒西冷配燒汁伴薯蓉及時令蔬菜都只係$168+10%，仲唔止呀，其實一般客人有75折、住宿房客仲有7折，以咁嘅價錢唔會預期佢會係世一或米一質素啦。
 |
| The Platter - 半自助午餐 |
 |
| The Platter - 半自助午餐新春特別餐牌 |
沙律吧選擇超少，只有三款沙律菜、一啲什菜、吞拿魚雜菜沙律、薯仔沙律及蓮藕沙律等，喂呀，你係唔係唔記得咗個價錢呀？淨係食個主菜都唔止咁嘅價位啦！而且蓮藕沙律都幾入味幾好食，講到食嘢詞窮嘅迪迪就梗係用口感嚟形容啦，蓮藕沙律口感仲幾唔錯㗎！
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
自助餐區域仲包括有兩款湯，中湯迪迪冇試、西湯係蕃茄湯味道不錯、只係偏鹹咗少少，餐包有好多款、一睇就睇得出係生命麵包來貨😂，but don't get me wrong...啲餐包toast咗之後其實都幾好食！
 |
| 半自助午餐 |
 |
| 半自助午餐 |
拿，最精彩嘅甜品櫃來喇，其實甜品選擇都真係幾多，仲有好幾款港式好啱小朋友嘅甜品迪迪幾喜歡，例如椰絲啫喱糖、芒果布甸、雜果涼粉及蛋花大菜糕，呢個迷你甜品櫃真係精品嚟嘅！ 另外甜品方面仲有製作班戟機及麵包布甸，啲甜品都幾認真一啲冇hea你！不過略嫌就冇水果供應囉。
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
 |
| 半自助午餐 |
另外咖啡或茶都係自助式，真係只有咖啡及茶囉，連最簡單嘅橙汁都冇，去到呢個moment必需提番自己個價錢...
 |
| 半自助午餐 |
 |
| 半自助午餐 |
 |
| 半自助午餐 |
至於主菜迪迪分別點選咗焗豬手配蜜糖芥末汁伴薯蓉及蔬菜及香辣雞肉菠蘿薄餅，豬手外層好乾、賣相麻麻，但切開之後內裏肉質都幾嫩滑及juicy嘅，不過食豬手就真係好滯，所以食唔曬；至於香辣雞肉菠蘿薄餅其實味道正常、但沒驚喜。
 |
| 半自助午餐主菜 - 焗豬手配蜜糖芥末汁伴薯蓉及蔬菜 |
 |
| 半自助午餐主菜 - 香辣雞肉菠蘿薄餅 |
總括嚟講呢個半自助午餐已經發揮咗佢最大功能，就係可以令迪迪有個舒適嘅環境打發時間去等房，咁嘅價位真係仲抵過去搵Pacific Coffee坐。
【酒店設施及Wi-Fi】
酒店康體設施只有位於4樓的健身室，但因為政府防疫措施下健身室需要關閉，因此迪迪今次沒有使用。
 |
| 健身室 |
酒店Wi-Fi密碼印在房間電話上面，訊號接收不算強、亦有點慢。
【整體觀感】
如有需要在該區下榻酒店，其實只有兩個選擇，分別是本文的悅品天秀與及位於嘉湖銀座的嘉湖海逸酒店，嘉湖海逸酒店勝在有泳池、而且聽聞個泳池不錯、而悅品天秀就相比起房間比較新(比較新、不是新淨ok？)，若然迪迪再有需要在該區入住酒店仍是會選擇悅品天秀。另外，如有需要在該區找酒店長住、公共設施配套其實還可以，但若然考慮Staycation各位不妨先參考阿迪哥其他入住報告文章👉(按此)。
 |
| 悅品天秀酒店‧元朗 (Hotel Cozi Wetland) |
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言