IHG One Rewards - 如何一次過獲得連續兩年IHG行政酒廊會籍資格

 

早幾日IHG終於公佈全新會員計劃IHG One Rewards嘅詳情，由於會員福利真係有咗明顯嘅提升、引來全球關心酒店常客計劃人仕頗大迴響，重點鑽卡有免費早餐、並推出類似凱悅集團嘅里程碑獎勵Milestone Rewards，而當中嘅年度行政酒廊會籍肯定係含金量最高獎勵。

IHG One Rewards全新會員計劃將會從第20晚合資格晚數起提供Milestone Rewards獎勵選擇，之後每10晚再設有獎勵、一直到100晚止，當中詳細嘅獎勵阿迪哥不作重複，詳情請重溫以下呢篇文章👉(按此)。

Milestone Rewards獎勵列表

而本篇文章主要係要講Milestone Rewards中最有價值嘅獎勵年度行政酒廊會籍，呢項里程碑獎勵係當會員响該日曆年之內(1月1日至12月31日內)累積滿40晚及70晚合資格晚數嘅選項之一，一旦選擇年度行政酒廊會籍獎勵時就會適用於該曆年餘下日子及翌年全年，舉個例子若果已累積滿40晚、並且在2022年6月領取該獎勵，咁呢位會員嘅行政酒廊使用權就可以一直至到2023年12月31日。

洲際俱樂部 (海景嘉福洲際酒店)

最有趣嘅地方係，一旦符合Milestone Rewards嘅資格，會員將會有90天時間去選擇自己喜歡嘅獎勵，所以關鍵在於若果在10月份累積第40晚或70晚，而當等到翌年1月1日後先去選擇行政酒廊使用權，响呢個情況下就將擁有足足兩年嘅行政酒廊權益！

香港麗晶酒店預計2022年開幕

因此响計劃IHG住宿時，盡可能不早於每年10月3日、且不遲於12月31日完成第40晚或70晚，然後再於翌年1月1日後才選擇獎勵福利。

洲際俱樂部 (東京全日空洲際酒店)

年度行政酒廊會籍可享用於IHG集團全球絕大部分嘅酒店，包括最頂級嘅Regent及InterContinental品牌，只係拉斯維加斯及澳門嘅InterContinental Alliance Resorts與及Mr & Mrs Smith合作夥伴酒店除外。

麗晶俱樂部 (新加坡麗晶酒店)

👉 按此進入IHG One Rewards官網

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)