海景嘉福洲際酒店 InterContinental Grand Stanford 又有新主題自助晚餐，今次嘅黑松露 • 菇菌主題自助餐重點美食包括黑松露本菇壽司、黑松露奶凍、黑松露帶子意大利芝士燉飯、姬松茸栗子燉雞湯、黑松露薄餅、黑松露牛油烤龍蝦及黑松露焦香芝士蛋糕等，阿迪哥即時去開箱！
沙律
除咗自製沙律吧外，廚師調製好嘅沙律包括千島海鮮牛油果意粉沙律、泰式鳳爪沙律、同埋黑松露菇菌主題嘅麻辣杏鮑菇沙律及黑松露奶凍。
 |
| 自製沙律吧 |
 |
| 麻辣杏鮑菇沙律 |
 |
| 泰式鳳爪沙律、千島海鮮牛油果意粉沙律 |
黑松露奶凍係阿迪哥最期待之一嘅主題食品，鹹味嘅奶凍本身已經好特別，不過大家唔好期望味道會好複雜，反而淡淡嘅奶香滲出黑松露嘅味道，係一道非常清新嘅開胃菜。
 |
| 主角之一黑松露奶凍 |
凍肉
除咗一般嘅雜錦芝士拼盤、莎樂美腸、蘑菇香腸及巴馬火腿外，今次更加入比較少見嘅鴨肉開心果凍肉批，這方面很有誠意，表現出餐廳並唔係求其放幾款凍肉砌滿擺枱就算嘅感覺。
 |
| 各款凍肉 |
壽司及刺身
肥美嘅北海道帶子刺身當然必食，而其他刺身包括甜蝦、三文魚、吞拿魚、鯛魚及爪魚等。
 |
| 刺身 |
 |
| 刺身及壽司 |
除咗雜錦壽司之外，今次嘅其中一個主角黑松露本菇壽司絶對係期待之一，但可惜預先製作好嘅壽司含有蛋黃醬，阿迪哥非常討厭蛋黃醬，幸好職員可以即製咗幾件走蛋黃醬嘅黑松露本菇壽司供迪迪品嚐，本身本菇的香味已經很濃烈、再加上黑松露醬，再配上軍艦嘅紫菜整個味道非常複雜、口感滿足，壽司上面青蔥更有畫龍點睛嘅感覺，完全唔覺得自己係食緊素食。
 |
| 雜錦壽司 |
 |
| 雜錦壽司 |
 |
| 雜錦壽司 |
 |
| 呢一盤日式前菜賣相一流 |
 |
| 黑松露本菇壽司 |
 |
| 廚師特製走蛋黃醬嘅黑松露本菇壽司 |
凍海鮮
今次嘅凍海鮮跟過往大同小異，包括有麵包蟹、加拿大鱈場蟹腳、挪威煙三文魚、凍熟蝦、藍青口、小龍蝦、翡翠螺、凍熟蜆，配有三款醬汁，包括紅酒醋、泰式香茜辣汁及喀嗲汁。
 |
| 凍海鮮 |
 |
| 凍海鮮 |
 |
| 凍海鮮 |
 |
| 凍海鮮 |
凍海鮮阿迪哥今次專攻龍蝦鉗，因為貪佢方便食、啖啖肉，再配迪迪食凍海鮮鍾情嘅泰式醬汁。
 |
| 龍蝦鉗 |
熱葷
非松露主題菜式包括自家製香脆燒腩仔、廣東燒鴨、麒麟石斑塊、XO醬爆花枝蜜糖豆、香烤牛臀肉、香煎三文魚配照燒汁、紅酒雜菜燴牛尾、雜菜咖哩、蒜蓉薄餅、乳酪咖哩雞、扒紐西蘭羊架及咖喱牛等。
 |
| 香脆燒腩仔、廣東燒鴨 |
 |
| 麒麟石斑塊 |
 |
| XO醬爆花枝蜜糖豆 |
 |
| 香烤牛臀肉 |
 |
| 香煎三文魚配照燒汁 |
 |
| 紅酒雜菜燴牛尾 |
 |
| 雜菜咖哩 |
 |
| 乳酪咖哩雞 |
 |
| 咖喱牛 |
 |
| 扒紐西蘭羊架 |
 |
| 麵檔 |
不過以上菜式細胃迪都冇幫襯，主要留肚黑松露及菇菌主題美食。
黑松露薄餅係呢次自助餐迪迪重點推介菜式，要知道酒店旗下有一間著名意大利餐廳Theo Mistral by Theo Randall，因此薄餅一定冇得輸，原本以為好似其他港式薄餅會被濃郁嘅芝士味蓋過所有配料味道，但今次呢個黑松露薄餅嘅黑松露香味卻非常突出主角嘅味道。
多款黑松露及菇菌主題美食中，阿迪哥和同行友人一致認為反而簡簡單單嘅椒鹽杏鮑菇最有驚喜，帶點餘溫嘅外層椒鹽脆皮、內裏杏鮑菇爽口彈牙，不油不膩、口感不錯。
 |
| 椒鹽杏鮑菇及黑松露薄餅 |
茶樹菇花膠麻辣雞煲很惹味、花膠都不少，吃完麻辣雞煲宜吃些少舞松茸雜菌豆乳浸時蔬清清味蕾，然後再來黑松露芝士蝦球伊麵，蝦肉新鮮爽脆，以中式烹調方式嘅芝士醬融合黑松露簡直絕配。
 |
| 茶樹菇花膠麻辣雞煲 |
 |
| 舞松茸雜菌豆乳浸時蔬 |
 |
| 黑松露芝士蝦球伊麵 |
黑松露帶子意大利芝士燉飯係另一款重頭戲碼，廚師以正宗意式煮法製作，正宗意式煮法成品奶油醬汁creamy、飯粒咬口略為微硬，即是我們經常形容為「半生熟」，有些朋友、尤其是長者未必接受這種半硬米粒煮法，但的而且確這就是正宗risotto嘅享用方式，完成後廚師會將一小片黑松露放在已完成嘅燉飯上面，大家開飯之前不妨直接先放一片黑松露入口直接感受一下黑松露的「味」力。
 |
| 黑松露帶子意大利芝士燉飯 |
 |
| 黑松露帶子意大利芝士燉飯 |
黑松露牛油烤龍蝦每位半隻，憑領取卡到鐵板燒現主區領取、即叫即做，不過略嫌龍蝦體積略小。
 |
| 黑松露牛油烤龍蝦每位半隻 |
順帶再提提大家記得每晚7:15準時排隊拎招牌乳豬食！
 |
| 招牌乳豬 |
湯品
湯有兩款，一中、一西，兩款都係以菇菌作為主題，西湯牛肝野菌忌廉湯，阿迪哥就大力推介中式燉湯，姬松茸栗子燉雞湯，除咗煲得很入味之外、連湯渣都好味到要食清光！
 |
| 牛肝野菌忌廉湯 |
 |
| 姬松茸栗子燉雞湯 |
甜品
黑松露主題甜品包括有黑松露白朱古力蛋糕、黑松露流心朱古力及黑松露焦香芝士蛋糕，建議食黑松露主題甜品次序、以達至味覺的最高境界，首先吃黑松露白朱古力蛋糕、然後是香軟綿滑的黑松露焦香芝士蛋糕，最後是黑松露流心朱古力，即使若然不愛甜的您不一定會想試朱古力，但求求你應承迪迪，無論如何都要試一粒好嗎？
 |
| 黑松露主題甜品 |
 |
| 黑松露焦香芝士蛋糕 |
其他甜品包括葡撻、美式芝士餅、士多啤梨慕絲蛋糕、桂花糕、泡芙、歌劇院蛋糕、抹茶蛋糕、海鹽焦糖蘋果蛋糕及紫薯撻。
 |
| 葡撻及豆腐花 |
 |
| 紫薯撻 |
 |
| 歌劇院蛋糕、抹茶蛋糕、海鹽焦糖蘋果蛋糕 |
 |
| 美式芝士餅、士多啤梨慕絲蛋糕、桂花糕、泡芙 |
 |
| 各式水果 |
試過幾次Café on M嘅自助餐之後阿迪哥認為滿滿豆香嘅豆腐花及廚師即製tiramisu係兩大signature甜品，今次無意中發現嘅驚喜食法係將豆腐花和tiramisu以3：1的比例混在一起吃，豆腐花不需要再加黃糖，豆花滲出濃郁的豆香味中和tiramisu的甜，中西合璧並將兩款甜品同時推上另外一個味覺層次！
 |
| 即製tiramisu |
 |
| 豆腐花及即製tiramisu |
 |
| 驚喜食法係將豆腐花和tiramisu以3：1的比例混在一起吃 |
餐廳供應有成6款特色口味嘅Häagen-Dazs 杯裝雪糕，今次另一驚喜還有供應罕見嘅Häagen-Dazs 雪糕批！
 |
| 迪迪最欣賞雪糕嘅款式都係一啲比較特色嘅口味 |
 |
| 驚喜罕見Häagen-Dazs雪糕批 |
若果大家有興趣試試，目前透過官方網上商店預訂自助晚餐有75折，價錢如下(已包加一服務費)：
星期一至四
● 成人每位 HK$618.8 原價 HK$800.8
● 小童每位 HK$372.3 原價 HK$481.8
星期五至日
● 成人每位 HK$669.8 原價 HK$866.8
● 小童每位 HK$423.3 原價 HK$547.8
👉 按此進入官方網上商店預訂自助晚餐
另外若果1月26日前透過KKday更有買2送1及76折優惠，再配合Citibank信用卡付款滿HK$1,500再減HK$240就更抵，詳情(👉按此)。
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言