今次行程首站於新加坡停留咗一星期後、係時候要飛往此行最原始計劃行程嘅主要目的地 - 杜拜，目前新加坡航空每日只營運一班航班SQ494由新加坡直飛杜拜，並以A350-900執飛，阿迪哥使用Krisflyer里數兌換商務艙。
【航班資料】
● 航班編號：SQ494
● 出發地：新加坡 (SIN)
● 目的地：杜拜 (DXB)
● 預計起飛時間：15:05
● 預計抵達當地時間：18:45
● 預計飛行時間：7小時40分鐘
● 服務客艙：商務艙
【預訂】
阿迪哥使用56,500 Krisflyer里數兌換單程新加坡航空Saver商務艙獎勵機票，另加稅項SG$61.1坡紙，即是HK$365.52，新航機票不收燃油附加費。
【機場體驗】
阿迪哥早上11:37、即是航機起飛前3個多小時抵達新加坡樟宜機場第3航站辦理登機手續，當時商務艙的櫃位客人不多。
 |
| 樟宜機場商務艙登記櫃位 |
通過出境手續之後阿迪哥直接往第3航站的新加坡航空Silver Kris Lounge，當日無食早餐，見到貴賓室供應的即造馬來西亞椰漿飯、新加坡喇沙等美食實在已經按耐不了，因為實在太肚餓了、所以覺得食物特別吸引，對比起以往坐新航响樟宜轉機通常使用第2航站嘅Silver Kris Lounge實在好太多，令阿迪哥印象最深刻嘅係响live station煮印尼炒麵嘅叔叔，佢不停向客人推介佢炒嘅炒麵，著緊程度好似自己生意一樣，阿迪哥就要咗一份、之後再經過叔叔再問那份炒麵如何呀，這種敬業樂業精神令迪迪動容。
 |
| 樟宜第3航站Silver Kris Lounge |
 |
| 樟宜第3航站Silver Kris Lounge商務艙入口 |
 |
旁邊則是頭等艙入口 |
 |
| Silver Kris Lounge商務艙貴賓室 |
 |
| Silver Kris Lounge商務艙貴賓室 |
 |
| Silver Kris Lounge商務艙貴賓室 |
 |
| Silver Kris Lounge商務艙貴賓室 |
 |
| Silver Kris Lounge商務艙貴賓室 |
 |
| Silver Kris Lounge商務艙貴賓室 |
其他食物及飲品容許阿迪哥不多加描述，用圖片去說話。
 |
| 湯 |
 |
| 素菜包 |
 |
| 即煮印尼炒麵 |
 |
| 炸雞塊及薯條 |
 |
| 熱葷 |
 |
| 熱葷 |
 |
| 熱葷 |
 |
| 熱葷 |
 |
| 熱葷 |
 |
| 熱葷 |
 |
| 即制喇沙及椰漿飯 |
 |
| 三文治及芝士 |
 |
| 甜品 |
 |
| 水果杯 |
 |
| 粟米片 |
 |
| 雜果仁及薯片 |
 |
| 免費酒類 |
 |
| 紅酒 |
 |
| 非酒精飲品及啤酒 |
 |
| 生啤 |
期間阿迪哥亦去咗Silver Kris Lounge嘅浴室拍照，浴室提供嘅個人護理用品應有嘅都有，包括牙具套裝、剃鬚刀、梳子及英國百年香水品牌Penhaligon's系列嘅香水及潤手乳。
 |
| Silver Kris Lounge浴室 |
 |
| Silver Kris Lounge浴室 |
 |
| Silver Kris Lounge浴室 |
 |
| Silver Kris Lounge浴室 |
 |
| Silver Kris Lounge浴室 |
 |
| Silver Kris Lounge浴室 |
 |
| Silver Kris Lounge浴室日式馬桶搖控器 |
雖然已經提早三個多小時抵達機場，但係時間真係快到唔夠用，食少少嘢(其實唔少)、拍完照就要走，因為登機閘口在第3航站最盡處近第1航站，要先步行坐Skytrain去第1航站就最近，航班大約下午14:30開始登機，時間啱啱好阿迪哥當一抵達到閘口就立刻可以登機了。
 |
| Skytrain |
【機艙坐位】
新航A350-900商務艙一共有42個可躺平座椅，排列為1-2-1，並且分為兩個空間，前面近機頭較大空間一共有26個座位、緊隨後面嘅較小空間則另外有16個座位。
 |
| 新加坡航空A350-900 (圖片來源：SeatGuru) |
今次阿迪哥嘅座位係較大空間嘅最後一排18F，中間雙人座位係一對會係兩個座位較接近方便溝通、而另一對則比較分離梅花間竹排開，阿迪哥選擇咗前者、不過缺點是進入座的罅隙有點窄，如果身型比阿迪哥更魁梧嘅朋友可能會有點不便。
 |
| 新加坡航空A350-900商務艙 |
 |
| 新加坡航空A350-900商務艙 |
 |
| 新加坡航空A350-900商務艙 |
 |
| 新加坡航空A350-900商務艙 |
 |
| 新加坡航空A350-900商務艙 |
 |
| 新加坡航空A350-900商務艙18F入座的罅隙有點窄 |
每個商務艙座位均有兩個USB充電插頭，非常好呀！响放耳筒及USB充電插頭嘅收納位置內已經預早放置好一支蒸餾水備用。
 |
| 新加坡航空A350-900商務艙收納位置 |
 |
| 耳筒 |
 |
| 電子遙控板 |
放雙腳嘅位置空間比較窄，不過都夠用。
 |
| 雙腳嘅位置空間比較窄 |
18F座位上嘅儲物櫃只有前面一半嘅空間，所以可算是私人儲物櫃。
 |
| 儲物櫃 |
因為18F就係洗手間前嘅位置，因此沖廁聲音聽得一清二楚，不過日間航班就對阿迪哥影響不大，大家如果介意要小心選擇。
 |
| A350-900安全指南 |
目前新航已經提升咗响航班上嘅免費Wi-Fi使用上限(👉詳情按此)，阿迪哥响呢班航班上試過好幾次斷線需要重新接駁多次，不過完全免費上網已經好正，另外在某些地區上空有網絡限際上網需要暫停。
 |
| 航機上免費Wi-Fi指南 |
 |
| 航機上免費Wi-Fi指南 |
【服務】
下午2時40分開始登機，阿迪哥就把握最早登機希望可以能夠拍多一些機艙內的相片，坐低不久機艙服務員就為乘客提供歡迎飲品，選擇包括香檳、橙汁及西柚汁，阿迪哥選擇橙汁，不知是否因疫情關係沒有提供濕毛巾。
 |
| 歡迎飲品 |
 |
| 歡迎飲品 (橙汁) |
機艙服務員不會主動提供過夜包，但超過6小時航程的航班乘客可以要求多款個人用品，包括過夜包、梳子、拖鞋、眼罩、襪子及耳塞等。
 |
| 商務艙乘客可以要求提供的個人用品 |
阿迪哥要求了拖鞋及過夜包，服務員就一次過給了兩個，過夜包是新航跟英國香水品牌Penhaligon's合作，外型簡約高貴，內含各一支唇膏、潤手乳及臉部噴霧。
 |
| 拖鞋 |
 |
| Penhaligon's過夜包 |
 |
| 過夜包內的噴霧、潤手乳及潤唇膏 |
航班在下午3時11分離開閘口，跟原定時間3時05分差不多，下午3時25分正式離開跑道，起飛後空中服務員跟阿迪哥確認餐單，餐飲及介紹會先提供餐前小食新加坡沙嗲。
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
 |
| SQ494餐牌 |
開始用餐前阿迪哥先到洗手間拍照，新航的A350-900商場艙一共有3個洗手間，前排機頭左手邊有一個、另外在兩個商務艙空間之間有另外兩個，洗手間不算很闊落、但放一個肥佬仍然綽綽有餘，由於環保關係新航的過夜包不會獨立提供牙膏、牙刷及剃鬚刀等，這些在擺放於商務艙洗手間內乘客有需要時可自助領取，洗手間內的個人護理用品包括香水、臉部噴霧及潤手乳均是Penhaligon's系列，不知道是否又係關環保事，其中兩支Penhaligon's護理用品上的品牌標籤已經甩色、這樣的狀況都不換新的，這樣未免些微會影響航空公司形象吧？
 |
| 洗手間 |
 |
| 洗手間 |
 |
| 洗手間Penhaligon's系列香水、臉部噴霧及潤手乳 |
 |
| 洗手間個人護理用品 |
航班起飛後大約50分鐘供應餐前小食新加坡沙嗲配青瓜及洋蔥串，阿迪哥等了一會待機艙服務員拿來一杯Sunrise Meadow嘅mocktail拍完照才享用，但沙嗲仍有餘溫兼且肉質鬆軟，這道小食仍然保持一貫水準。
 |
| 餐前小食新加坡沙嗲配青瓜及洋蔥串及Sunrise Meadow |
 |
| 新航連濕紙巾都高級啲 |
享用完沙嗲之後，很快服務員便替迪迪在枱上鋪上枱布準備前菜，前菜是煙三文魚配芹菜頭蘋果沙律及青瓜粒，因為沙律內含有蛋黃醬、mayonnaise是迪迪非常討厭的食物，整份前菜完美放棄。
 |
| 餐前小食享用完之後，服務員很快便鋪上枱布 |
 |
| 煙三文魚配芹菜頭蘋果沙律及青瓜粒 |
 |
| 新航啲麵包都好好食 |
然後再過多15分鐘阿迪哥預先在新航官網預訂的book the book的主菜芝士焗龍蝦(Lobster thermidor with fondant potato and buttered seasona)就到了，呢個係迪迪以往坐新航商務艙經常點嘅菜式、今次水準好似比過往差咗，龍蝦肉一點彈性都沒有，配菜又缺少了蘆筍。
 |
| 主菜芝士焗龍蝦 |
20多分鐘後服務員開始供應甜品，甜品選擇分別有4款，分別有香蕉芝士蛋糕、雲尼拿雪糕、芝士拼盤及精選水果，為咗能夠拍照跟大家分享、所以why not all？香蕉芝士蛋糕味道麻麻，最好食始終最基本，就係雲呢拿雪糕和水果。
 |
| 香蕉芝士蛋糕 |
 |
| 雲尼拿雪糕 |
 |
| 芝士拼盤 |
 |
| 精選水果 |
最後以一杯illy cappuccino作結，整個餐由餐前小食開始至到清枱總共兩小時完成。
 |
| illy cappuccino |
用餐後阿迪哥就睇睇Krisworld內有乜嘢港產片睇，比較新嘅「飯氣攻心」已經睇咗、而「我阿媽有咗第二個」上又程國泰機又睇埋，所以今次就睇咗由鄭中基、梁詠琪、呂爵安及吳君如主演嘅闔家辣，呢套戲又好笑、又好睇。
 |
| 部分機上娛樂節目 |
 |
| 部分機上娛樂節目 |
 |
| 部分機上娛樂節目 |
 |
| 部分機上娛樂節目 |
睇完呢套戲休息一陣、記低航班上一啲重要事項之後距離降落杜拜國際機場仲有大約1小時20分鐘再供應簡餐，選擇包括冬陰功蝦炒米粉或雞肉醬焗意大利粉，阿迪哥點咗前者再配一杯Citrus Delight嘅mocktail，用餐完畢後其中一位服務員主動過來跟阿迪哥閒聊幾句、並問到去杜拜的原因等等。
 |
| 簡餐冬陰功蝦炒米粉及Citrus Delight |
航班抵步前40分鐘機艙服務員派發杜拜機場快速通關服務卡，當地時間晚上18:11航班降落杜拜國際機場跑道、18:20停泊接駁橋，比原定降落時間早了25分鐘，輕鬆愉快嘅旅程時間特別過得快。
 |
| 杜拜機場快速通關服務卡 |
 |
| 航班即將到達杜拜 |
 |
| 比原定降落時間早了25分鐘 |
【整體觀感】
除咗國泰外，新加坡航空是阿迪哥一直以來乘搭得最多嘅航空公司，經過幾年疫情後再坐，優良服務貫徹始終、至於餐飲方面Book The Cook絕對冇得輸，加上最近機上免費 Wi-Fi服務升級，阿迪哥最愛嘅航空公司是當之無愧。
👉 按此進入新加坡官網預訂機位
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言