Cathay Pacific - 國泰特選會員完成指定賺取目標即可享受額外亞洲萬里通里數【活動日期：2023年8月30日至10月31日】

 

國泰又有會員特選賺取里數活動，今次玩法就好似以前咁會有指定賺取里數目標提供畀個別特選會員，每個會員分別有4個目標，完成賺取目標就可以有額外里數，以較高者為準，以阿迪哥嘅帳號為例，如果想食盡最高目標為活動期間賺取30,000里，就可以額外獲得3,000里，若果賺取嘅里數係來自任何兩個不同類別消費就可以獲得額外300里，最簡單即係信用卡轉分另加一項例如百佳易賞錢就可以完成兩個任務。

另外由於今個月初有另外一個透過信用卡積分轉換亞洲萬里通里數有額外10%嘅特選會員優惠將會响8月31日到期，如果兩個特選都中哂嘅會員响8月31日前轉分理論上可以雙食，另外匯豐獎賞錢轉亞洲萬里通亦都做緊額外10%，即係話可以3食！

活動詳情

● 優惠期：2023年8月30日至10月31日

👉 按此進入活動主頁及進行登記 (只限特選會員)

今次嘅活動分為兩個部分：

第一部分

完成指定賺取里數目標可以享受額外里數，以下係阿迪哥帳號裏面嘅指定目標：

● 目標1：賺取1,000-5,999里 = 獲享額外200里
● 目標2：賺取6,000-11,999里 = 獲享額外800里
● 目標3：賺取12,000-29,999里 = 獲享額外1,500里
● 目標4：賺取30,000里或以上 = 獲享額外3,000里

第二部分

若果里數入帳來自其中任何2個不同類別，例如航班、購物、旅遊、餐飲、支付、身心健旅，則可以額外享有300里。

計番阿迪哥所獲得嘅優惠其實賺盡都只係獲得10%另加300里，但由於8月初亦中咗信用卡積分轉亞洲萬里通10%額外獎勵(👉按此)，另外匯豐信用卡轉亞洲萬里通亦有額外10%獎賞，因此博佢可以3食，於是今晚即時轉咗合共3,000獎賞錢至亞洲萬里通賬號內：

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)