酒店入住報告(預告篇)：馬爾他 - Malta Marriott Resort & Spa

 

阿迪哥今次9晚馬爾他行程原本打算分開兩間酒店入住，但當抵達Malta Marriott Resort & Spa時由於感覺非常滿意、酒店位置又很理想、再加上馬爾他景點多行程緊密、搬酒店會浪費時間，因此抵達酒店後很快就決定全程9晚都入住這家酒店、並取消原本預訂了的下一間酒店，入住報告推出前先分享10張精選相片及幾段酒店設施短片。

阿迪哥今次入住Junior Suite，這間初級套房簡直顛倒阿迪哥多年嚟入住酒店對Junior Suite嘅認知，打開房間大門無盡嘅空間只見到起居室，及右手邊的客廁，話就話係客廁、但就包括埋淋浴間。

打開起居室另外一道門，兩個大衣櫃嘅空間，你可以叫呢度係衣帽間、但其實又係又起居室通往睡房嘅必經之地，可以叫做第二客廳，响呢個空間亦可以出去露台，呢間Junior簡直深不可測。

浴室只有單洗手盆、有個面積不少嘅浴缸、淋浴間空間就比較窄。

臥室亦可以出打開門露台，其實露台係L型圍繞整間套房，大得非常誇張，至今阿迪哥仍然未相信呢一間係Junior Suite？大家睇睇本文下面嘅短片就會更明白呢間初級套房嘅結構。

作為一間萬豪集團嘅度假酒店，白金或以上會員可以免費享用行政酒廊，呢間酒店算得上好大方慷慨，行政酒廊仲要係24小時開放，黃昏雞尾酒食物都比較簡單，要作為晚餐代替品會比較困難。

行政酒廊早餐就絕對歐洲式，而且每日款式都唔會轉，雞蛋類可以單點，阿迪哥食咗9日厭倦到想絕食。

酒店自健身室好大、設施非常齊全。

酒店有三個泳池，露天泳池The Sundeck位於12樓。

室內恆溫泳池附設於2樓水療中心之內，泳池內設有按摩池、旁邊及室外區域亦各有一個圓形按摩池，並且亦有一個男女共用的桑拿室。

另外一個露天泳池Gala Lido位於主樓隔一條馬路的副樓內，面積較大，旁邊旁邊有個小童池，適合一家大細使用。

這間酒店入住報告將以YouTube視像版形式推出，敬請留意。

📹先睇住短片先：

 

完全超乎阿迪哥固有對初級套房認知

 

一間非常大方慷慨24小時開放嘅度假酒店行政酒廊

 

睇睇馬爾他萬豪度假酒店各項設施

 

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)