阿布達比 Andaz Capital Gate Abu Dhabi 位處於建築十分有美感的Capital Gate摩天大樓內，酒店開業於2018年11月，設計非常之時尚，距離阿布達比國際機場約15分鐘路程，而距離阿布達比最標誌性的謝赫扎耶德大清真寺亦僅需8分鐘車程左右。
酒店前台位於18樓大堂，一出電梯就有一個好搶眼嘅ANDAZ標誌，打卡一流。
前台職員態度有善，但辦理入住時早餐幾點、响邊度食冇講、房價幾錢冇講、Mini Bar邊啲包、邊啲唔包冇講。
今次入住Executive Suite套房，起居室有一個客廁，有一張高枱可以用來用餐、亦另有一張圓形大餐枱。
卧室弧形設計，弧形窗戶本應好開揚，但無奈地大廈外窗嘅鋼筋非常阻礙景觀，呢堆鋼筋係大廈外牆嘅設計獲獎主要元素，阿迪哥只能慨嘆設計嘅嘢識條鐵。
整個Executive Suite套房最大亮點就肯定係設置於浴室窗邊嘅按摩浴缸。
跟其他Andaz一樣，大堂都有Andaz吧，但沒有免費飲品、沒有Happy Hour，只係一個跟一般酒店相同嘅大堂酒吧，自助早餐於主餐廳Cyan Brasserie供應，食物中規中舉。
很多Andaz酒店早餐都係半自助形式有主菜單點，呢間酒店都有，但就只有蛋類及班戟之類。
酒店設施包括無邊際泳池，設計跟新加坡的Andaz(👉按此)基乎是完全相同，其實都幾靚。
酒店的健身室不錯，有足夠器械之餘、又有足夠空間，而且居高臨下又有景觀。
更衣室內有一個蒸氣浴室，不過就沒有桑拿。
水療中心Cherish Spa & Beauty是第三方營運，所以不能累積積分，同行兩位朋友有打算試，約好了指定時間，但按摩師遲遲未出現，接待員說稍等幾分鐘，但最後乾等半小時都只有一位技師出現，最終他們氣沖沖取消就算。
這家Andaz有時會好便宜、有時又突然好貴，如果大約連稅HK$1400內還值得考慮，不竟房間很新、位置又可以，不過沒有大型商場連接飲食就不夠方便。
📹以下幾條短片可以令大家更清楚了解酒店各項設施及服務：
🔥 Twin Room + Executive Suite Room Tour：
🔥 自助早餐：
🔥 酒店公共空間：
沒有留言:
張貼留言