話說阿迪哥响2025年壓線完成凱悅150晚，何解阿迪哥去年需要跑150晚？全因為完成第150晚里程碑嘅獎勵可以兌換到兩晚Miraval！150晚里程碑其中一項獎勵，可以用來預訂凱悅旗下任何一間酒店一晚嘅Ultimate Free Night Award免費房券，並且一早決定是配合Miraval Extra Night Award用來入住即將開業，位於沙特阿拉伯的Miraval The Red Sea，呢家酒店可以免費取消嘅會員價，每晚超過1萬港幣！但預訂流程並非一般响官網或手機應用程式直接落單就可以，究竟流程係點？
Ultimate Free Night Award免費房券獎勵於12月30日晚上到帳。
本身响2025定立150晚，目標就係要拿得Ultimate免費房券，再配合100晚後、每10晚可以選擇嘅里程碑禮物Miraval Extra Night Award，可以用於第2晚入住Miraval免費。
 |
| Miraval Austin Resort and Spa |
全球現有3家Miraval全部均位於美國，所有3家都係位於內陸，阿迪哥沒有興趣，不過Miraval呢個品牌就相當有趣，除咗所有住客均全包三餐外、飲品、Mini Bar都全包，每位客人每日仲包USD175酒店消費額！吸引嗎？
 |
| Miraval Arizona Resort and Spa |
不過事情將會有變，Miraval將會唔止在美國先有，位於沙特阿拉伯紅海渡假區嘅Miraval The Red Sea預計將於今年三/四月之間開業，阿迪哥努力一整年目標就係呢間酒店。
 |
| Miraval The Red Sea |
12月30晚Ultimate券到手後，因為用免費住宿券預訂Miraval必需聯絡Hyatt預訂部，所以即晚就已經電郵去凱悅禮賓專員，而且為盡快進行翌日早上再補一個電話。
過咗24小時左右，响1月2日凌晨已經收到了兩個預訂電郵，一晚係使用Ultimate免費房券、另一晚則使用Miraval第2晚免費住宿券的，不過預訂只係訂咗一位成人，阿迪哥預訂時已經清楚表示係需要兩位成人入住。
 |
| Hyatt預訂部只係訂咗一位成人 |
要知道，Miraval品牌跟其他凱悅品牌唔同，除咗有獨立嘅兌換表外，單人入住及雙人入住所需積分係有很大分別的，例如基本房標準日子單人入住每晚45,000分、雙人入住每晚65,000分，雖然係用免費房券入住，但入住人數必須要修改好，否則可大可小！
.jpeg) |
| Miraval品牌有獨立兌換表，而且單人及雙人入住所需積分不同 |
之後又要電話+電郵聯絡凱悅，需要修改為兩位入住，並且需要預訂餘下晚數，是這樣配合的：
● 第1晚：Ultimate Free Night Award (第150晚獎勵)
● 第2晚：Miraval Extra Night Award (第150晚獎勵)
● 第3晚：65,000分
● 第4晚：Miraval Extra Night Award (第140晚獎勵)
● 第5晚：65,000分
● 第6晚：Miraval Extra Night Award (第130晚獎勵)
之後等咗幾天時間仍然未有什麼回覆，原本兩晚仍維持1位成人。
再過3天，竟然收到這家酒店的預訂部經理電郵，內容大致上是....「有什麼可以幫到你？」...WHAT？一切好似重新嚟過嗎？所以就回覆佢嘅電郵，佢話會立即幫我跟進，過咗大約21小時之後，呢位酒店預訂部經理再將我嘅預訂要求轉發上凱悅某一個部門，時間好似停頓咗咁？？
最終，大約8個小時之後終於收到全部6晚嘅預訂確認電郵，所需嘅獎勵亦已經在帳戶內扣除，但第1晚仍然未修改，已經再發電郵，不過即使到咗5天後嘅今日仍然都係保持現狀.....隔幾天後酒店電郵來話酒店系統已記錄正確入住人數，唔需要再改。
紅海渡假區。好像好厲害
回覆刪除