Accor Live Limitless - 雅高心悅界/卡塔爾航空連結會員帳號及會籍快速升級

 

即將會有好多準雅高白金會員，所以有必要獨立寫一篇升白金後一定要做的事情，就係連結卡塔爾航空連結會員帳號及一飛升卡塔爾金卡，從而可以得到寰宇一家Sapphire嘅福利。

如果大家想用最快速度及以最有效成本升級雅高白金卡，請先重溫有關雅高臻享卡呢篇文章先(👉按此)

雅高心悅界白金會員福利 (一般要求一年入住60晚)

● 入住酒店比基本會員賺取多76%獎勵積分
● 客房免費升級 (視乎入住情況)
● 提早辦理入住或延遲退房 (視乎入住情況)
● 迎賓禮遇
● 歡迎飲料
● 兩晚套房升級券
● 享用行政酒廊 (Fairmont除外)
● 亞太區酒店免費早餐

連結卡塔爾航空帳號

當升級雅高白金後，第一件事情就係要(👉按此)連結卡塔爾航空Privilege Club帳號，連結帳號完成後，即時可以獲得以下福利：

當入住雅高旗下參與會員計劃酒店，除可賺取原有的雅高積分外，酒店每消費等值€1歐羅可賺取額外Avios：

● 入住大部份酒店品牌：1 Avios
● ibis, ibis styles, Mama Shelter：0.5 Avios
● Adagio：0.4 Avios
● Adagio Access：0.2 Avios

當搭乘卡塔爾航空航班，而且必需使用Privilege Club帳號，除可累積原有的Avios外，機票每USD2票價可賺取到額外1雅高積分。

而當連結帳號後，亦即是代表雅高白金會員可以隨時進行卡塔爾航空Privilege Club一飛升金卡，但要留意今年升金嘅名額上限3,100位，而網站亦無註明名額仲有幾多個，只有係飛完一程入帳並升級金卡後方知道是否成功，因此建議大家要襯年初盡快去做。

要乘搭卡塔爾航空，當然係可以由香港出發經多哈前往世界各地，包括中東、歐洲、非洲及南北美洲，但如果假期唔多，亦可以利用卡塔爾航空佢由胡志明市前往金邊嘅第五航權航班，票價約港幣HK$900起，咁就唔洗飛去中東咁遠。

獲得卡塔爾航空金卡後，亦即是可以獲得寰宇一家Sapphire福利，當乘搭寰宇一家成員航班，包括國泰航空、日本航空、馬來西亞航空、斯里蘭卡航空、英國航空、芬蘭航空、西班牙國家航空、阿拉斯加航空、美國航空、阿曼航空、卡塔爾航空、皇家約旦航空、摩洛哥皇家航空、斐濟航空、澳洲航空，可以獲得以下禮遇：

● 享受商務艙旅客登機手續優先辦理服務
● 使用首選座位或預訂座位
● 優先獲得臨時票及候補票
● 商務艙貴賓室使用權 (連1位同行旅客)
● 優先登機
● 免費享受額外行李限額
● 優先處理行李