加航食兩家茶禮，之前已經同萬豪合作，而家最新推出又跟凱悅合作！咁樣簡接地凱悅可以搶去萬豪嘅鈦金及大使會員！
簡單列出今次凱悅 x 加航合作下嘅相方會員福利：
📍 加航Aeroplan會員入住凱悅酒店時可以選擇每次賺取500 Aeroplan積分(呢樣從來到有)，但呢個方法係唔會儲到凱悅積分。
📍凱悅會員可以以2:1比率轉分為Aeroplan積分(凱悅積分跟Aeroplan積分嘅估值差不多，所以其實咁樣轉分會蝕咗一半價值)。
📍加航Aeroplan精英會員同樣可以以2:1比率轉分為凱悅積分(同樣等於蝕一半)。
📍加航Aeroplan會員可以使用25,000分換取一晚凱悅Cat 1-4住宿券或75,000分換取一晚凱悅Cat 1-7住宿券(唔洗計數都知係唔抵)。
📍凱悅會員使用50,000凱悅積分換取一張等值30,000 Aeroplan積分機票兌換獎勵。
📍凱悅會員每年可以獲贈一張價錢CA$20(約HK$112)消費券(呢個完全免費，好過冇)。
以上福利其實用處不大，今次合作最重點係相方快速升級，而且係向住萬豪鈦金及大使會員去衝：
📍 加航Aeroplan精英會員可以獲得凱悅快速升級機會：註冊後90天內入住4晚可以升級Discoverist、10晚升級Explorerist、20晚升級Globalist。
何能係向住萬豪鈦金及大使會員去衝？因此萬豪跟加航一直有合作，萬豪鈦金及大使會員可以直接連結賬戶後獲得Aeroplan 25K精英會籍，咁樣從而可以獲得凱悅快速升級機會。
📍凱悅精英會員可以獲得加航Aeroplan快速升級機會(但係呢個福利暫未正式推出)
正🥳
回覆刪除