各位網友有冇發覺阿迪哥好少講飛得里數呢？其實因為市面上已經有至少十個、八個香港bloggers有講Avios、亞洲萬里通等，什麼假單程、寰宇一家行程大家都熟到爛，阿迪哥比較喜歡something different，為免重覆所以好少提及，但如果一啲香港比較少人提及嘅，阿迪哥又會好樂意同各位分享，所以就有呢篇淺談Qantas Frequent Flyer文章誕生。
Qantas Frequent Flyer (下簡稱QFF)最獨特嘅地方係佢有一啲非常獨特嘅航空公司夥伴可以兌換，例如Air Vanuatu (瓦努阿圖航空)、Fiji Airways (斐濟航空)、Air Niugini (新畿內亞航空)、El Al (以色列航空)...等，當然仲有一個重量級夥伴阿聯酋！
 |
| 瓦努阿圖航空 (airvanuatu.com) |
首先睇睇佢個兌換表先，佢嘅兌換表係類似Asia Miles、Avios咁以距離計算，全部以單程計，但不同於Avios嘅係，佢一個單程可以多於一段航班，只要轉機不超過24小時由起點到終點嘅總里數合計，例如香港經杜拜轉機去雅典(香港-杜拜 3,688里；杜拜-雅典 2,034里)、合共5,722里，所以就可以睇Zone 6 (4,801 - 5,800里範圍)嘅所需Qantas points。
QFF一共有四個兌換表，其中一個係換Jetstar航班的、另外一個係Oneworld兌換表，因為QFF嘅所有兌換表所需積分其實唔算抵，阿迪哥寫呢篇文章嘅原因係QFF可以換到一啲好獨特、而其他里程計劃無嘅航空公司，所以以上兩個兌換表先不在此談論。
現在想講呢其中一個兌換表係Qantas Classic Flight Reward table (按此)，呢個兌換表係專來用作兌換以下航空公司而設：
● Qantas
● Airnorth
● Fiji Airways
● Air Vanuatu
● American Airlines
● Emirates
● QantasLink
 |
| Qantas Classic Flight Reward table |
而另一個兌換表係叫做Partner Classic Flight Reward table (按此)，呢個表需要嘅積分比上面個表多，而可兌換嘅航空公司如下：
● Aer Lingus (至2019年6月30日止)
● Air Niugini
● Alaska Airlines
● British Airways
● Cathay Pacific Airways
● China Eastern
● Cathay Dragon
● El Al
● Finnair
● Iberia
● Japan Airlines
● LATAM
● Malaysia Airlines
● Qatar Airways
● Royal Jordanian
● S7 Airlines
● Sri Lankan Airlines
 |
| Partner Classic Flight Reward table |
以上深紅色咗呢就係阿迪哥今次主要想提出嘅論點，呢啲都係一啲比較獨特、而好多本港主流飛行里數計劃都換唔倒嘅航空公司，而阿迪哥又覺得玩得飛行里數就一定要配合埋信用卡，因為香港Citibank信用卡積分除咗用來轉大路嘅Asia Miles、Avios同埋Krisflyer之外，其實仲有一啲香港人比較忽略嘅計劃例如Qantas Frequent Flyer就係其中一個，當然您可以話以上小弟叫大家關注航空公司夥伴包括阿聯酋，咁香港嘅AE積分都可以轉阿聯酋Skywards啦、日航JMB、阿拉斯加Mileage Plan都有得換EK啦！是的，但都要顧及例如AE轉Skywards比率唔好、日航信用卡比率又未必好好同埋只可以換比親人、而香港又無信用卡可以配合儲阿拉斯加...等，所以阿迪哥只係帶出QFF未必係最抵，但確實可以畀大家多一個選擇去換到以上一啲比較非主流嘅航空公司比大家去吓巴布亞新幾內、亞阿努阿圖等嘅地方，甚至換到阿聯酋頭等可以試下响飛機上面沖涼！
 |
| 阿聯酋頭等 (emirates.com) |
【賺取Qantas points】
乘坐寰宇一家航空公司(包括國泰/港龍)及其它Qantas嘅夥伴航空公司都可以賺取Qantas points，不過可能因為國泰同澳航嘅關係麻麻，所以國泰、港龍需要"V" class以上中價票價機位先可以儲，但另外舉一個例子，坐芬蘭航空即使最便宜票價代號"Z"都可儲Qantas points喎、咁如果果咗芬蘭航空特價票就儲唔倒Asia Miles喇，因為坐芬蘭航空儲Asia Miles要訂"M"以上嘅較高票價先至能夠儲到。
● 按此查看各家夥伴航空公司可累積Qantas points嘅訂位代號
● 按此搜尋個別航線可以累積多少Qantas積分
咁講返用信用卡方面，Citibank信用卡積分可以轉QFF；Citi Premiermiles 本地$8=1里、海外最高可以$3=1里；Citi Prestige 本地$6=1里、海外$4=1里，而且Prestige因為有年資奬賞，所以本地確實係有機會低於$6/1里，另外仲有一張Citi Rewards Card，一般簽帳$15=1里，但响超市簽帳可獲5X積分(即係$3/里)、而生日月份嘅超市簽帳仲會有8X積分(即係$1.875/里)，三張信用卡辣有唔辣，Citi Prestige個賺取比率好、但$3,800年費係無得豁免；而Citi Rewards卡轉換里數需要收費，不過要搵到頭等機位換當然不容易啦，但又唔係完全無可能。
【QFF查里程機票教學】
● 第一步：
其實Qantas個網上訂位系統好容易用，若果未係會員可以先(按此)申請入會方可查里程機位，澳洲居民需要澳元AUD99.50入會費、紐西蘭居民則需紐元NZD60入會費、其他國家/地區免費。
● 第二步：
查機位必需要到Qantas網站主頁(按此) 登入自己戶口
● 第三步：
登入後新可以直接响查"Flights"嘅位置搜尋
● 第四步：
查票位置會展開，選擇"Use points - Classic Flight Rewards only"來查里程機位
● 第五步：
顯示航班選擇畫面時要留意有<i>字是表示航班並非整個行程都係相同艙等
● 第六步：
選擇自己心水嘅航班及艙等
● 第七步：
選擇航班後在同一畫面底部會顯示所需里數，然後按"Continue"繼續進行預訂
● 第八步：
若果已經有足夠里數就可以繼續預訂程序，但係如果未夠里數就唔可以繼續下一步
【注意事項】
● 要留意QFF的里程機票只可以訂畀自己或親人，朋友係不可以的，但佢嘅親人定義係非常廣泛的，即係外父外母、表兄弟...等都計，所以跟本無從證明，訂票時輸入乘客名稱時需要輸入埋與訂票會員之關係的。
● QFF積分有效期為18個月，但若果在18個月内帳戶有有效活動，積分有效期則會延期多18個月，亦即係好似英航Avios、聯合航空MilegePlus咁可以永續。
沒有留言:
張貼留言