搭乘國泰港龍季節性航班往來日本德島乘客可獲¥2,500住宿或租車現金補助

港龍於2018年12月19日至2019年3月24日期間開辦往來香港與德島之間的季節性航班，航班資料如下：

● 香港 - 德島 KA322 (09:30 - 14:00) 星期三、六

● 德島 - 香港 KA323 (16:30 - 20:10) 星期三
● 德島 - 香港 KA323 (17:00 - 21:00) 星期六

德島縣將提供往來德島之住宿及租車補助，於2018年12月19日至2019年3月24日期間往來德島，入住指定旅館、租車公司最多補貼每人一次、每人¥2,500日元(現金回贈)

更新：萬豪註冊新會員住二晚送一晚活動【入住日期：2019年1月4日至5月31日】

Marriott新會員住兩次送一晚免費房券活動更新咗入住日期，記住係住2次(2 stays)同一間酒店連續住兩晚都只係計1個stay！

今次活動頁面更新後註明咗送一張可以兌換最高25,000分嘅免費酒店一晚(而不是category)，新會員付費入住完兩次後，免費房券就會自動載入會員戶口，免費房券一年內有效，可以用來入住25,000 Marriott績分或以下嘅酒店一晚(包括前身係SPG嘅酒店)。

IHG Rewards Club 2019年首季度Free Nights. Faster績分活動【2019年1月15日至4月15日】

IHG Rewards Club傳統上推廣活係每個會員嘅offer會有所分別嘅，2019年Q1活動叫Free Nights. Faster都係一樣，若果大家想知道自己今次活動嘅offer，可以按比進入活動主頁面，然後Sign In入自己戶口就可以睇到，以下係阿迪哥嗰幾年無住過戶口嘅offer：

中國Hampton by Hilton績分兌換已上線

早幾日阿迪哥報導過全中國嘅Hampton by Hilton會於今日(2019年1月3日)全面加入Hilton Honors會員計劃(按此重溫呢個post)，目前已經可以在希爾頓系統訂績分房，大家主要响廣東省刷房，所以阿迪哥列舉以下廣東省酒店，全部10,000分：

新加坡航空Krisflyer 2019年1月24日起改表

剛收新加坡航空電郵，主題係Krisflyer將會改制，嘩！以過往無數經驗多得，話得改制就唔荒佢會係好消息。

Krisflyer係阿迪哥其中一個主要利用嘅飛行里數計劃，原因好簡單，因為新航基本上係唔會供應所有可以平躺坐椅嘅商務艙機位俾其他星空聯盟夥伴航空公司作為里數兌換嘅，意思即係話即使您有幾咁多聯合航空MileagePlus里數、或者全日空里數，都唔可以用來兌換到新加坡航空嘅平躺商務艙，想換頭等及A380嘅Suite就更加不要想太多，因此若果要兌換以上客艙就必需要透過Krisflyer自家計劃，坐過新航嘅商務、頭等應該嘅朋友相信無不著迷吧，事不宜遲不如等阿迪哥分析一下今次嘅改動，改動大致上有以下五個範疇：

希爾頓入住4次即升金卡！

阿迪哥對希爾頓又愛又恨，愛係佢對中階(Gold)會員對比起其他酒店集團計劃好，最基本就係保證入住集團內所有品牌都會送兩位早餐、積分又容易賺；恨佢係佢嘅績分兌換住宿係採用價格浮動dynamic pricing，有可能用幾十萬分先換到一間Deluxe Room，而另一樣對佢不滿係Elite會籍實在太容易獲得，例如若然居住响美國只要申請一張Hilton聯營信用卡、每年付$450美金年費就可以一直擁有最高級嘅Diamond會籍，對於一啲每年含住血去跑30個stays保級嘅會員(例如阿迪哥咁)實在非常洩氣！

全中國的Hampton by Hilton™將會於2019年1月3日全面加入Hilton Honors會員計劃

唔知大家有冇發覺，最近呢幾個月响Hilton網站、App查國內酒店突然多咗好多Hampton by Hilton (希爾頓歡朋)呢個品牌嘅酒店出現咗呢？單講廣東省就已經有五間，包括响深圳、廣州、佛山、中山及珠海，其實Hampton响中國都出現咗幾年，只不過國內嘅Hampton之前無顯示响希爾頓系統，可能大家會對Hampton呢個希爾頓品牌比較陌生，因為Hampton品牌嘅酒店主要集中响北美洲，但係其實Hampton係希爾頓體系中酒店數目最多嘅一個品牌，全部一共有二千幾家，相比起同集團嘅其他品牌，例如數目第二多嘅Hilton Garden Inn目前有七百幾家，數目相距甚遠。