World Of Hyatt - 凱悅世界2023年Q4 Bonus Journeys積分推廣活動【活動日期：2023年10月6日至11月30日】

阿迪哥提提大家若果仲未註冊凱悅Q4活動就要响11月10日前要 註冊，過咗註冊期就冇得玩㗎喇。

World Of Hyatt推出Q4積分活動，活動期間每累積3晚合資格住宿可賺取3,000額外獎勵積分，即係平均每晚1,000分。另外，Hyatt信用卡持卡人(即係唔關我哋事)，每三晚可額外賺取多1,000分。

World Of Hyatt - 凱悅Mr & Mrs Smith禮券優惠【活動日期：即日起至2024年3月31日】

 

早前凱悅集團收購Mr & Mrs Smith，雖然仲未合併落去凱悅系統，但就推出咗購買Mr & Mrs Smith禮券優惠，活動期間購買Mr & Mrs Smith現金禮券一每消費US$5美元同樣可以賺取5分及所屬尊貴會籍獎勵積分比率，最重要係透過今次呢個優惠購買禮券可以直接成為Globalist會員！

Marriott Bonvoy - 萬豪套房升級券(Suite Night Award)將於2024年改名為客房升級券(Nightly Upgrade Award)

 

萬豪正式宣佈Suite Night Award將於2024年更名為Nightly Upgrade Award，並將會有更多品牌可以用作客房升級，包括之前唔用得嘅Ritz-Carlton、EDITION及Aloft等，而且原本會入住前5日確定升級將改為3日前，睇落都幾伏吓。

香港九龍東皇冠假日酒店 - 尚廚自助午餐快閃，每位只需HK$99，連正價服務費HK$134【預訂日期：2023年11月2日至11月8日】

 

香港九龍東皇冠假日酒店Crowne Plaza Hong Kong Kowloon East尚廚「蠔得喜」自助午餐連無限暢飲推出限量搶每位只需HK$99！連埋正價加一即係只需HK$134！如果搶曬的話都仲有自助午餐、自助晚餐及下午茶自助餐買1送1優惠，折扣後連服務費平均每位自助午餐HK$209起、自助晚餐HK$347起、下午茶自助餐HK$149！

澳門四季酒店 - 鳴詩自助餐買一送一快閃，折扣後連加一平均每位自助午餐HK$168起、自助晚餐HK$303起【預訂日期：2023年11月2日至11月11日】

如果去開澳門玩，不如順便食埋自助餐，澳門四季酒店Four Seasons Hotel Macau, Cotai Strip嘅鳴詩自助餐都有買一送一喇！千祈唔好錯過！

香港維港凱悅尚萃酒店 - 自助餐優惠：限量搶買一送一半價，折扣後連服務費平均每位自助午餐HK$210起、自助晚餐HK$393起【預訂日期：2023年11月1日至11月7日】

香港維港凱悅尚萃酒店Hyatt Centric Victoria Harbour Hong Kong嘅Farmhouse咖啡廳推出期間限定海陸薈萃主題自助餐，烤肉區提供的烤西冷牛扒和香橙醬蜜糖烤豬鞍等經典美食外，新菜式包括：燴豬肉丸佐墨魚、煙肉裹鱈魚、白酒煮青口、煎大蝦，以及晚餐時段提供的傳統義大利菜Vitello Tonnato - 薄片慢煮小牛肉佐以鮪魚和蛋黃醬。與此同時更推出自助餐買一送一限量搶！若果上次錯過咗、今次記得入貨！折扣後連服務費平均每位自助午餐只需HK$210起、自助晚餐只需HK$393起！

香港康得思酒店 - The Place自助餐買二送二快閃，折扣後連服務費平均每位：自助午餐HK$221起、自助晚餐HK$455起【預訂日期：2023年11月1日至11月7日】

星期三自助餐半價優惠！11月最後機會享用香港康得思酒店Cordis Hong Kong嘅The Place嘅Snap! Crack! Pop!自助午餐/晚餐，買2送2！即係相等於半價！Snap! Crack! Pop!海鮮自助餐品嚐一系列冰鎮海鮮及海鮮主題熱食，提供嘅美食包括清蒸海鮮 - 鮑魚、海蝦、扇貝、冰鎮海鮮、新鮮即開生蠔、無限量任食龍蝦、仲有即切片皮鴨、提供嘅雪糕更加係Mövenpick，自助飲品區更可以自行調製熱帶主題雞尾酒！