World Of Hyatt - 凱悅Mr & Mrs Smith禮券優惠【活動日期：即日起至2024年3月31日】

 

早前凱悅集團收購Mr & Mrs Smith，雖然仲未合併落去凱悅系統，但就推出咗購買Mr & Mrs Smith禮券優惠，活動期間購買Mr & Mrs Smith現金禮券一每消費US$5美元同樣可以賺取5分及所屬尊貴會籍獎勵積分比率，最重要係透過今次呢個優惠購買禮券可以直接成為Globalist會員！

活動詳情

● 活動日期：即日起至2024年3月31日

👉 按此進入活動主頁及購買禮券

活動期間透過凱悅購買Mr & Mrs Smith禮券可以賺取以下優惠：

● 消費每US$1美元可賺取5分及所屬尊貴會籍獎勵積分比率
● 每購買滿US$300美元可獲得1晚合資格晚數(上限60晚)
● 可使用凱悅積分兌換禮券，每US$100為8,333分(呢個兌換率唔抵)

以上最重要著眼點係購買滿US$300美元可獲得1晚合資格晚數，亦即係代表直接購買US$18,000禮券(約HK$140,800)就可以直接成為或保級Globalist，若果今年未夠晚數嘅Globalist亦可以透過今次優惠完成保級，不過抵唔抵就真係見仁見智。

由於購買禮券時會員已經賺取積分及合資格晚數，因此使用禮券入住參與Mr & Mrs Smith之酒店時並不會再賺取積分、晚數，由於使用禮券視作非合資格住宿，因此將來在入住期間若有凱悅全球積分活動亦未必能夠參與，將來使用禮券會否有凱悅世界會員福利亦係未知之數，因此各位購買宜請三思。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)