Marriott Bonvoy - 香港JW萬豪優惠券促銷活動【發售日期：即日至2020年5月10日】

而家本地大集團酒店為顧及品牌形象唔選擇响官網劈價，取而代之嘅係目前最流行嘅透過第三方網站出售電子優惠券，今輪JW Marriott出售嘅優惠券包括自助餐現金券、萬豪金殿中式套餐、下午茶套餐等，阿迪哥當然最重視酒店住宿券啦，咁究竟抵唔抵玩呢？

World Of Hyatt - 香港四家凱悅集團旗下酒店同時推出限時優惠，低至6折選購指定酒店現金券【售賣日期：即日至2020年5月12日】

現金券每張面額$500，如果一次過購買10張或以下7折(每張$350)，11張或以上6折(每張$300)，現金券可用於指定酒店凱悅酒店的餐飲及水療服務，購買現金券時兼且可賺取World Of Hyatt積分！

World Of Hyatt - 大中華區酒店高達66折+送兩位早餐【預訂日期：即日至2020年5月18日】

記住不是強迫大家住呀，但確實係仍有別人有此需要的，Hyatt啲酒店好少劈價劈到無底深潭、所以佢哋選擇送早餐、放寬取消政策等，由於入住日期可以至到2020年7月31日、況且可以入住前1日免費取消，所以訂咗先再看情況都冇壞。

Hotel Review：InterContinental Hong Kong (香港洲際酒店)

相信各位網友對「香港洲際酒店」都不會陌生，形容佢係InterContinental品牌中响亞洲區嘅旗艦相信無庸置疑，酒店位處尖沙咀黃金地段、就在「星光大道」旁，擁有比殿堂級的「半島酒店」更佳的無敵維多利亞港美景，酒店於2020年4月20日後遣散所有員工休業、並進行裝修，預計2022年以酒店原名「香港麗晶酒店」重新開業，因此阿迪哥決定在洲際營業的最後一個週末去體驗一下這家經典酒店的餘韻。

香港海洋公園萬豪酒店 -「Delish Weekend Eatcation」週末食宿計劃【入住日期：2020年4月30日至2020年5月31日】

海洋公園萬豪酒店嘅Marina Kitchen五月份將推出「任點任食」午餐及晚餐，午餐成人$498、小童$348；晚餐成人$728、小童$448，但係如果連埋入住嘅「Delish Weekend Eatcation」套餐，每房每晚$1,290起就已經包埋兩位成人及一位小童早餐及「任點任食」午餐或晚餐，計返條數就係等於免費住，真係抵到嘔！

World Of Hyatt - 香港君悅酒店美食速遞服務

Grand Hyatt君悅美食快遞服務，可送到港島區地址，外賣自取可享85折優惠，如果距離酒店15分鐘步行距離嘅地址更可享免費送餐服務，最重要係送餐服務嘅消費可以賺取World Of Hyatt積分或Asia Miles里數！咁究竟儲落邊個會員計劃較抵呢？

Accor Live Limitless - COVID-19酒店免費取消或更改政策更新【2020年4月22日版本】

Accor啲酒店取消/改期政策朝令夕改，其實距離上次4月4日阿迪哥更新一共已經改咗4次，真係有心無力、跟唔得咁貼，不過之前幾次改動只係加入咗兩個歐洲國家(西班牙、希臘)只退代用券、不退現金所以無特別去寫。

而今次因為新加坡日日確診千幾宗，所以特別更新新加坡退款政策，而且仲好厚道添，莫非雅高今次終於轉死性！？