Accor Live Limitless - COVID-19酒店免費取消或更改政策更新【2020年4月22日版本】

Accor啲酒店取消/改期政策朝令夕改，其實距離上次4月4日阿迪哥更新一共已經改咗4次，真係有心無力、跟唔得咁貼，不過之前幾次改動只係加入咗兩個歐洲國家(西班牙、希臘)只退代用券、不退現金所以無特別去寫。

而今次因為新加坡日日確診千幾宗，所以特別更新新加坡退款政策，而且仲好厚道添，莫非雅高今次終於轉死性！？

以下係新嘅政策(2020年4月22日版本)：

全球地區酒店於2020年5月31或之前入住的訂單：

● 預付價可以免費更改至2021年5月31日前入住，客人需要直接聯絡酒店及需補回差價

因當地政府政策而受影響地區：

北美洲、中美洲、歐洲(法國、西班牙、希臘及意大利除外)、英國、中東、非洲及亞太區(新加坡除外)：

● 2020年5日1日或之前入住的預付價訂單可以免費更改至2021年5月31日前入住或可以免費退款 (客人需要直接聯絡酒店及改期需補回差價)

新加坡酒店：

● 2020年10月19日前入住之預付訂單，可以取消並退回現金。

法國酒店(包含法屬玻里尼西亞)：

● 2020年9月15日前入住之預付訂單，可以取消並退回現金代用券，代用券只可於相同酒店使用。

意大利酒店：

● 2020年5月3日前入住之預付訂單，可以取消並退回現金代用券，代用券只可於相同酒店使用。

西班牙酒店：

● 2020年4月26日前入住之預付訂單，可以取消並退回現金代用券，代用券只可於相同酒店使用。

 希臘酒店：

● 2020年9月30日前入住之預付訂單，可以取消並退回現金代用券，代用券只可於相同酒店使用。

👉 按此進入Accor官網有關COVID-19政策全文 (政策隨時有變，以官網公佈版本為準)

大家無睇錯呀！新加坡酒店免費取消嘅日期竟然去到2020年10月19日咁遠期！為免佢反口如果真係有此日期範圍嘅預付訂單阿迪哥會考慮先取消、最多日後疫情緩和後再訂過。

👉 按此進入各大酒店集團有關COVID-19會員及訂單取消政策

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)